FILIPI 3:20 - ALLAH NIHYET MEM TUNGWATU NYA

²⁰ Noro nyeni ne timiei gwamti nya rin ba, ide Nibou Ndig di teu nye leu sisar biyai niyaijo nijep binye mikwei hanyen leu ginyo kug. Noni ne Tuhan Yesus Kristus ri. Iba ingon llei nindig bibor biyok ingon mem nikwei hanyenti.

FILIPI 3:20 ပူးပေါင်းရင်းမြစ်များ

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

NIPINGOK NINGONTI 15:24

Yo di ingon ki nya ico kak puig di kui ndam niyaijo ba, imbres yo leu puig di juk ndam minu nimai nya ide.

MATIUS 19:21

Yesus pai binoni “Gino ajoi sut abindei ba, akei-kau lene ma aug tri ade ndigban hagom ba, abipek mitiei leu api akwas hagom tut yo di yuhui mbum nya. Ayai nok gima lene abikum ei mun di keiti mem nanti ei gwamti. Ayai gima bingwig leu api akwei bit Da.”

LUKAS 12:21

Mun di buhun dima micut igkep bikwop yo di inju ndigban nindig bibor ei mem yonti noro ibrim ningkek tut mun di bon ninyeng ei Allah niyai him bi.”

LUKAS 14:14

Leu api Allah minjei mun di kei bina drek dip. Lewo bit bon yo dima ibirop hanyen bina kan bi. Noro Allah mibirop hanyen bina mpe dino Noni win yo di ingon sren nya bikiju hanyen leu imai eisi.”

KISAH 1:11

bipai biyok, “Je di mben Galilea e, nggon rino jiya hak bijitou kep mpia-bbed him i? Allah kon Yesus bikui ug ei gwamti leu joho bei. Noni mikwei hanyen tug hon nisinati di jingat bou jiyai him aponi dima yo.”

KORINTUS GI NIGOM 1:7

leu api jiyok jingon mem ide Tuhan Yesus Kristus nittau hanyenti. Apino jitunggwei sut mun di kei nyeng gom di Noni njei bak jeni bi.

KORINTUS GI NIGOM 15:48

Tungwatu dihyeisi dini inoyam kin Adam gi nigom di Allah ba dihyei ndung bipai tes. Noro yo di intun gwamti him inoyam kin No di kwei leu gwamti.

KORINTUS GI NICAN 4:18

Lewo ibisau sut mun di ingat bou igyai him bi. Noro ibisau sut mun di bit bon ingat bou igyai him kan bi. Mun di ingat bou igyai him mipror yon. Noro mun di bit bon ingat bou igyai him kan bi jo kikau.

KORINTUS GI NICAN 5:8

Gima rino ingon nddong. Igyok ingon mem nituti tirigi ikes ingut dini ei leu binhyepo yuug bong bit Tuhan.

GALATIA 4:26

Noro minu ndig Yerusalem di nimbier kim gwamti ne minu ndig di niyati kwes binok ipmem ri.

EFESUS 2:19

Gima rino je di ngkiai nya jinok ngkiai nya bijinok yo di igya nisai bu bi. Noro jinggre kin Allah de limwa nya ba, jimbier kim Noni.

EFESUS 2:6

Allah win nye leu imai eisi bit Kristus Yesus lewo inok gom kin Noni leu binhyepo inyeng mitak kep mun nyeng hagom bit Noni ei gwamti.

FILIPI 1:10

leu binhyepo jibinai sut mun di kei bibor mem jenti. Tug hon nisinati dima ne jiyai munti nya kin jingonti kwes kei leu api bit bon hi njei kep je ei Kristus nikwei hanyenti kan bi.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.

TESALONIKA GI NIGOM 1:10

jimem kep ser Nipmot nikwei hanyenti leu gwamti. Lewo Allah win Nipmot Yesus hanyen leu nimai eisi tu ba, Noni miteu nye leu hukum di mikwei drek dip Allah nigga biborti.

TESALONIKA GI NIGOM 4:16

Mpe dima lene Allah nihyet sra tut nicukti lene malaikati nibou ndig nihyet kin Allah de pun mbrei hacem mitibim leu api Tuhan Yesus Nonti mijuk kwei leu gwamti. Lene yo di imai su di iba ingon com Kristus nya mikiju hanyen leu imai eisi bibie ug e.

2 TIMOTIUS GI NICAN 4:8

Nogindini Allah tin ei munkwas hi mem da lewo didor bipek nipekti tu. Tuhan Yesus Kristus di nok Nikei di ningon sren miyai munkwas dima bida ei Njap Ningwig Honti lewo diba dingon di kwes kin Allah biyai ditde niyai munti nya. Noni tin ei munkwas dima mem dangkom he bi noro mem yo di icem kep puig ser nikwei hanyenti nya yahagom.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

IBRANI 12:22

Noro tut jeni ne jikwei ya hon nungug Sion kin Allah Di Niyaijo De minu ndig di Yerusalem nijep ei gwamti bitut malaikati nya ibou sribu-ribu tu.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

NINGAT-HI-NGAT NYA 1:7

Jingat i! Noni mikwei ei bumbuhuiti kwei ri! Tungwatu nya yahagom bitut yo di idat Noni cem ingat Noni ei igyai him. Ba, tungwatu dihyeisi dini hagom iba nicot bipai sut nikweisi. Gini ne mun di mungkun ri! Igbit ri!