FILIPI 3:19 - ALLAH NIHYET MEM TUNGWATU NYA

¹⁹ Yoni mitug ndei hukum ug ei hum njengti lewo ikuk yok bak ide ningut pri kepti nya. Suar immai sut igyai kepti nya di biyai ingon jei lewo ikan-kan nyenti sror ndam mun di ntun dihyeisi dini him he.

FILIPI 3:19 ပူးပေါင်းရင်းမြစ်များ

MAZMUR 17:14

Akwek da leu yo di inyeng tut ndigban nyeng hagom bit leu ijoi sutti ei dihyeisi dini inda nsi. Akes hukum ei yok dip tug hon mun di buhun bibor di atin ei mem yok ba, akes hukum dima ei yo di intun him yok nya dip cem.

MAZMUR 52:1

Daud de doia ningginausi mem no di bie tut doia nimpung.

YEREMIA 44:17

Miniyai mun nyeng bit leu nyenti ningon kanti. Minibon midut nindig mindhe ei humti ba, nibikuk nye bak Nibou Ndig Sop Gwamti bijo kikau. Nikiber ba anggur ngei nok mun di nibikuk nye bak kwar dima noyam kin gi po nidigup bat-nidigai bat nya kin nyende nibou ndig nya kin nyende nibou di inyeng jei nya ibon bidem minu ndig ngot di jo ei minu Yehuda kin gi ibon bidem puig di mbut ei minu ndig Yerusalem tu pima. Mpe dima njita dem mem nye ba, nibong kei nigwam kei lene mun di buhun cut igkep nye cem bi.

YEHEZKIEL 13:19

Jihyet wer mpia hi tut Da ei Ditde limwa nya yoho bei leu binhyepo jibikam gandum barli nittun poi he ei jindati kin roti ninggop poi he. Jiyai nimai bak yo di ibon mun tunggwei bi nya. Jisindui sut yo di suar itug ndei nimai ba, igyaijo. Leu api jisuglai mun bak Ditde limwa nya apino iba ingon com je.’ ”

YEHEZKIEL 34:3

Jidut domba nido ngei lene jinap ninta nok sinsun mem jenti lene jibui gi hi di nimmau ndok nok mikwau cem noro jehek tut domba dima bi sren.

HOSEA 4:7

Je di imam e, gino jimangti kum eisi bu ne sisar di jibon tut Da bikum eisi bu. Gima rino midibindei ba, tungwatu nya inggei sut je bu bi noro ighyet wer mpiahi tut je.

MIKHA 3:11

Ei minu ndig dima ne nibou nya inyeng tak kep ide limwa nya di iba mitiei bingot kep yok. Imam nya itri tut tuhan nicukti leu binhyepo ibiyai imuhup. Nabi nya yahara Allah mem gima ndo bindo biyok leu binhyepo ibipek mitiei. Ningat ne yahagom ikan bipia tuhan tti kin yok. Ipai “tuhan ningat rin ei nikieti. Mun di buhun bibor micut igkep nye bi sren.”

MIKHA 3:5

Jingot kep nabi nya leu binhyepo itri tut mun di kei di mipek kep mem tungwatu nya noro iba nitok bak yo di ingot kep yok nya bi. tuhan pai bak nabi dima yok,

MALEAKHI 1:12

Noro jingwes pri gau Da tirigi jikan bipia Ditde nimbar hum dok bon ninyeng bi. Ba, jiba jide njita di kinei di jikon eisi bikuk je biDa.

MATIUS 16:23

Yesus kiek noho ndam Petrus bipai binoni “Na di Bilis e, aug hak leu mpia dini! Ma abigen ser Ditde puig au. Angon kanti dima kwei leu Allah bi noro kwei leu tungwatu nya he!”

MATIUS 25:41

Lene Noni pai bak yo di igya kui ninda prak ‘Juug bihigom leu Doho bei lewo Allah mbriom je tu! Juug dor kikau ug ei hum di bit bon hi mu kan bi di Allah tin ei mem Bilis kin nide malaikati nya!

LUKAS 12:19

Leu api misipai bisanti ‘Singon nggei-hi-nggei! Sima mun nyeng hagom tu. Sinyeng tut njita bijo kikau ba, ngwig leu sa bi. Ma sibong kei sigwam kei! Siyem njita di kei bisidut ba anggur ngei cem lene ma siyai mun bit leu singon kanti hak ug!’

LUKAS 16:19

“Mpe di gom ne tungwagom di nyeng bibor no rinaha ba, noni juk kep sinsun di nibok kak bibor nya lene yem njita ninyeng hagom bikwop njap-njap.

LUKAS 18:4

Nikei ningkek ndok tut kibom bimpu noni bi wer ninno tu. Nikei kan ‘Singon tindak ba, singondut tungwatu nya cem bi.

ROMA 16:18

Lewo yo di igyai nok gima igyai midyai mem ide Tuhan Kristus bi noro mem yonti ingut kanti nya. Iba ighyet mini kin ighyet di mmau biris ei yo di ingon mbum nya dip.

ROMA 6:21

Mpe dima lene jitug ndei mindei leu jiyai munti di jimmai sut nogindini nya i? Jiyai munti dima yok hagom bindei nimai!

KORINTUS GI NIGOM 3:3

Lewo jiba joho rok mun di ntun dihyeisi dini him. Jingon kinei sut yam ba, jiliriem yam lene gima ndo bindo bipia jiba joho rok mun di ntun dihyeisi dini him tereu nok gi po jinok yo di ikan tut Allah bi.

KORINTUS GI NIGOM 5:2

Mbro nok gima lo, jingon jei. Noro ma jingon ngguk tut sisar dima bijiciu ser no dima ninyeng leu daptar yo di mbusyamei nya leu binhyepo srig jikieti bu bi.

KORINTUS GI NIGOM 5:6

Dem tut gima jingon jei sut jenti bi. Jikan tut nihyet nibiti ninda “Roti ninjep di bigbibor bindei ba, tepun hagom dwoi bibor binindig.”

KORINTUS GI NICAN 11:12

Dinda jo kep midyai di diyai kep nya nogindini kikau ser nhyema “nibou di mipbor ngat nya” igyai nituti mem ingon jei ba, itri tut bipia igyai bram nyende niyai kepti au.

KORINTUS GI NICAN 11:15

Gima rino ma jinga leu tut Bilis de awak nya di iluei itta bindo yonti nok awak mem Allah di ningon sren au. Allah mikes hukum ningwig honti ei yok dip dem igbit igyai munti di kinei bibor nya.

GALATIA 6:13

Yo di ibrim ighyet eisi tut midut sunat ingkek ndok tut Puig Yahudi niggai serti. Iwit huk je tut midut sunat leu binhyepo inggei sut gi jikuk je bak midut dima.

FILIPI 2:21

Nindigsi nya yahagom ibou buwei kep mun di bon ninyeng mem yonti. Ingon hek tut Yesus Kristus ningon kanti mem yok bi.

KOLOSE 3:2

Ma jiba jingon binai sut mun di ntun gwamti him lene ma jiba jingon binai sut mun di ntun dihyeisi dini him au.

TESALONIKA GI NICAN 1:9

Yo dima mitug ndei hukum nibindei sar yok di bit bon ug hon nohonti kan bi bisrawir ei minu ting leu Tuhan Noho bei kin Nide nikei-kau-keisi cem.

TESALONIKA GI NICAN 2:12

Ningwigsi rino yo di iba yoho rok sisar kin yo di iba ingon com nihyet di nijit bi yahagom mitug ndei hukum.

TESALONIKA GI NICAN 2:8

No Di Ba Nitok Bak Allah mittau kwei. Noro tirigi Tuhan Yesus kwei hanyen ne Noni miba ninnei di hei leu nuhui bikos noni. Yesus nikwei hanyenti di sieng-siau kei dima mibindei timek noni.

TIMOTIUS GI NIGOM 6:5

isibui ighyet ei yamti kikau buug hon nohonti bi cem. Yo dini intin kiek bikrau kep nihyet di nijit bu bi. Ikan bipia gino iba ingon com Kristus lene gima bindei ba, inyeng bibor.

2 TIMOTIUS GI NICAN 3:4

ibakilak yam cem ibon mun kindi-kindok cem ingon jei bibor cem ikes Allah ei leu ba, yuhuk bram mun di ingat ingwes eisi nya cem.

YAKOBUS 4:16

Noro jingon jei bijirai pri tut jenti jingon kanti. Gino jirai pri tut jenti jingon kanti nok gima ne jibon mun tunggwei.

PETRUS GI NICAN 2:1

Nipou ne nabi nitrowai nya ittau hak srig Allah de limwa nya ikieti. Gima rino guru nitrowai nya misrig jikieti bu. Yoni ibiti ninda bitri tut nihyet di nijit bi di bindei srawir je leu api ibikep ser Iceu di kwek yok leu mun di kat yok. Tug hon nisinati dima lene ibindei sar yonti ba, gini micut igkep yok kros.

PETRUS GI NICAN 2:13

Yoni mitug ndei ninghuisi wei drek dip ninghuisi wei di ibindei dino cut igkep yo di hiter. Ingon llei sut gi ibon mun bit leu ingut kanti di kinei di srou yok bou tungwatu nya igyai him. Yo dini ibinim kep je bibindei ba, jiyai ngkek ttin yok ei mpe dino iba inyeng can biyem njita bit je.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.

YUDAS 1:10

Noro yo dini ighyet kinei sut mun di ingon kiowi tut nya hagom. Inok mindhe-ndhe di niten-pos nya di ibit leu ingut kanti niyai kepti lo, ingut kanti dima bindei cut yonti ba, isar bingwig.

YUDAS 1:16

Yo dini inso-nso nyen cem injei kep hi ter cem igyaijo bit leu ingut kanti di kinei di srou yok cem ingon jei cem iba ninsi dimmau biris tungwatu nya leu binhyepo ibibrim mun di ingat ingwes eisi leu yok.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.

NINGAT-HI-NGAT NYA 18:7

Ma jibindei ba, ninghuisi wei nindig bibor ba, ningon ngguk bibor cem sur nide ningon jei sut nonti kin ndigban nindig bibor di noni mbus keyam ei mem nonti. Lewo noni kan a ‘Sani ne sop nibou ndig rin ba, sinyeng tak kep mun nyeng hagom. Sani ne sop kibom rin bi ba, misingon ngguk bi sren.’

NINGAT-HI-NGAT NYA 19:20

No di bri bigwam kuda nitiei dip kat mindhe di niten-pos dima kin nide nabi nitrowai di bon mindur nya ei mindhe noho bei. (No dini ba nide mindur nya biris yo di igyai mindhe di niten-pos de nitak bukti kin yok kin yo di ikuk yok bak nide kwar.) No di bri bigwam kuda nitiei dip com mindhe di niten-pos kin nabi nitrowai tut igyaisi ug ei muk hum belerang di cig-cai.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.

SAMUEL GI NIGOM 2:29

Nggon rino jidrui bou ngwak tut mikwau tirigi jingat mindhe-ndhe nya di dicuk Ditde limwa nya ibui mem nibon midut nindig titut ei nimbar hum dokti i? Eli e, nggon rino asindui sut apmot bat cin tut ingon kanti lene angkek ndok tut Danti dingon kanti i? Lewo asindui sut yoni idigo mikwau ninghui ninggriet di kei bibor kei hagom mem yonti igyem tirigi Ditde limwa nya ibon midut nindig ide mindhe-ndhe nya ei nimbar hum dokti bit leu nok dicuk yokti tu.