FILIPI 3:13 - ALLAH NIHYET MEM TUNGWATU NYA

¹³ Disut bat jen, ningat ne dikan bipia duug pek nipekti tu biditug ndei mun di kei dima bi. Noro dita dibou ei mun nyeng gom ngatti. Mun nyeng gom dima rino dingon prion ser mun di jo ei dinghim dip bidibrim dingkek sindem bibor leu binhyepo duug pek nipekti di jo ei doho bei.

FILIPI 3:13 ပူးပေါင်းရင်းမြစ်များ

LUKAS 9:62

Yesus buhup “No di kinyon ei midyaiti tu lo, kiek no kep ninghim dip biningon ngkwei nyahan leu lene no dima dem mem gima nggre kin Allah ninyeng tak kepti bi.”

FILIPI 3:12

Tut danti ne duug pek nipekti bidikei-kau cem bigyo. Noro dita dibou ei nibinang ndam nipekti leu binhyepo dibitug ndei mun di kei di Noni bet ei mem da. Ba, mun dini yok hagom bicim tindei Kristus Yesus ningon kanti mem da tirigi Noni bindei ba, dijem diceu bit Noni.

MAZMUR 27:4

Dahara tuhan mem mun nyeng gom ngat he ba, dillei sut bipia dibong ser tuhan De Ig tereu nok ditde nghim nsi kikau ug bipek diyaijo ningwig honti. Miduun leu nide nikei-kau-keisi ei sirima bidahara Noni leu binhyepo Noni bie tut da.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

IBRANI 6:1

Gima rino ma ibrim ingkek ba, ipikor leu ningginausi di bindei dino imahan ei Kristusti ba, ingkwei-ngkwei nyen kep nitriti bu au. Ma indat-ndat nyen ningginausi tut nikiek nye leu niyai munti di bon ninyeng bisi nya kin ningginausi tut ningon jo kep Allahti,

FILIPI 2:12

Gima rino disut bat di dingon kieti jen, nipou tirigi dingat rin bit je ne jibit dihyet. Tini bu tirigi dibong minu ting leu je lene ma jibit dihyet dor njiriek bu lewo gini bon ninyeng mem je. Allah teu je leu sisar bijiyai niyaijo nijep tu. Noro ma jiba ningon di gom tut Noni kin nibit ningon kanti mem je binyohou jide niyaijo nijep kikau,

LUKAS 10:42

noro mun nyeng gom ngat bon ninyenga. Maria dimig mun di kei bibor mem nonti. Hi mipos mun di kei bibor dima leu noni bi.”

PETRUS GI NICAN 3:8

Noro disut bat jen, ma jingon prion ser mun nyeng gom dini au. Njap gom ngat kin ari bingwam nitindur sribu gom ter leu yam ba, hi cun hi jei ei Allah niyai him bi.

KORINTUS GI NICAN 5:16

Gima rino niyok niyai kep tungwatu nya bit leu tungwatu dihyeisi dini igyai kepti nya bi. Mbro nok gino niyok niyai kep Kristus bit leu tungwatu dihyeisi igyai kepti nya nipou su lo, niyai nok gima bu bi.

MAZMUR 45:10

Nibou ndig nya ipmisop bat nya bitut sop gwam nitta pilei nya ingat rin ei ade ig nibou ndig. Nibou ndig nitnem ndei mimau mas di pimbai kei biya tut ei nibou ndig de banggo mbrei nite anda com.