FILIPI 3:10 - ALLAH NIHYET MEM TUNGWATU NYA

¹⁰ Dingon bisau sut mun nyeng gom ngat he. Mun nyeng gom ngat dima rino dingon bit Kristus leu binhyepo nisindemti di biwin Noni hanyen leu nimai eisi misindem tut da bidipriet kin ninghuisi wei di cut igkep Noni bidinoyam kin Noni drek dip nimai ei biei salibti.

FILIPI 3:10 ပူးပေါင်းရင်းမြစ်များ

YEREMIA 9:23

Lene tuhan pai “Ma yo di ingon ki nya illei sut ide ningon kiti au. Ma yo di isindem nya illei sut ide nisindemti au. Ma yo di inyeng nya illei sut mun di inyeng tut nya au.

MATIUS 20:23

Yesus pai biyok “Igbit ri. Jidut ei gi mokti di didut eisi. Noro tut yo di igwam kui dinda com kin dinda prak ne bit bon dindo yok bi lewo Dicig jem gumihyep dima bou No mem yo di inyeng jo niti he.”

YOHANES 10:18

Bit bon tungwa hi pos Dinnei leu Da bi. Dikes Dinnei ei bit leu Danti dingon kanti. Disindem mem gima dikes Dinnei ei ba, disindem mem gima diyai Dinnei hanyen cem. Dicig cuk Da leu binhyepo diyai midyai nok gima.”

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

ROMA 8:36

Bit leu nok Allah Nihyet pai, “Tungwatu nya ijem nimai gau nye drek dip Nani bidem njap ngwa hagom ba, ibibon nye tereu nok domba di ibui nok mikwau.”

KORINTUS GI NICAN 1:10

Noni teu nye biningwes ngun leu mun di nahanok mibie ndam nimai mem nye tu. Noni miteu nye ei nidipti bu cem lewo niba ningon com Noni.

KORINTUS GI NICAN 1:5

Nyeni ipriet kin ninghuisi wei di cut igkep Kristus mang bibor. Allah sindem tut Kristus ningonti bisindem tut nyeni cem ingonti tug hon Kristus.

KORINTUS GI NICAN 13:4

Mbro nok gino tungwatu nya ipek Kristus kin biei salib mpe dino ninghuisi wei lo, niyaijo hanyen bu tug hon Allah de nisindemti. Nyeni ninok gom kin Kristus cem ninghuisi wei cem. Noro tirigi nihwou ngat je lene niyai nisindemti drek dip nyende ninok gom kin Kristusti tug hon Allah de nisindemti.

GALATIA 2:20

diyaijo bu bi. Noro Kristus niyaijo ei dingonti. Nogindini diyaijo tug hon ditde niba ningon com Allah Nipmot di ningon ngakei da bikes niyaisi ei biya luei da.

GALATIA 6:17

Dipas gi ningwigsi nok gini. Ma hi bindin da bu au. Lewo ditug ndei nimuhweisi ei dingkek dip di bindo bipia dani ne Yesus de awak ri.

EFESUS 4:13

Tug hon nisinati dima lene nyeni ibicom yam nok gom tug hon ide niba ningon comti kin ide ningon di dor niti tut Allah Nipmot noyam. Apino imahan tug hon ide niba ningon com Kristusti bikum eisi sindam bibou ikei-kau-kei noyam kin Noni.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

KOLOSE 1:24

Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

KOLOSE 2:13

Nipou ne mun di bitut jinnei mai ei sisarti. Jicoi bit midut sunat di ntun Puig Yahudi niggai serti him bi. Noro tini bu ne Allah win je bijiyai niyaijo nijep bit Kristus. Allah kos ser ide sisar hagom tu ba,

KOLOSE 3:1

Allah win je ba, jiyai niyaijo hanyen noyam kin Kristus tu. Gima rino ma jikan-kan nyenti bisau sut mun di jo ei gwamti. Kristus gwam kui Allah ninda com ei mpia dima.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

PETRUS GI NICAN 1:13

Ei nijam di dingat rin ei dihyeisi dini ne dikan bipia suar diwin kep jingonti tut mun dima yok hagom.

YOHANES GI NIGOM 2:3

Gino igyai igbit Allah nicuk nyeti nya ne gini bindo bipia ingon dorti tut Noni mungkun tu.

YOHANES GI NIGOM 2:5

Noro no di yai igbit Allah nicuk noti nya ningon ngakei Allah mungkun tu. Gima bindo bipia igyaijo nok gom kin Allah.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.