FILIPI 2:30 - ALLAH NIHYET MEM TUNGWATU NYA

³⁰ lewo noni nggok nimai eisi binggwen nindig bibor cem drek dip midyai nitri tut Kristus nihyetti leu binhyepo hati tut da biya luei johoti.

FILIPI 2:30 ပူးပေါင်းရင်းမြစ်များ

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

ROMA 16:4

binggok imai eisi tut da mpe di iteu da bidingwes ngun pima. Gima rino dipai sigyo biyok lo, dangkom he bi noro mbusyamei ngkiai nya cem yahagom ipai sigyo biyok.

KORINTUS GI NIGOM 15:53

Suar ba ningut di bit bon kroi hanyen kan bi bijuk ningut di mikroi ei dihyeiti. Suar ba ningut di ntun gwamti him bijuk ningut di ntun dihyeisi dini him.

KORINTUS GI NIGOM 16:10

Gino Timotius hwou ngat je lene ma jiba jingon di nggriu biya um noni leu binhyepo gwam bit je kin ningon di kei lewo noni yai kep Tuhan de midyai nya noyam kin da.

KORINTUS GI NIGOM 16:17

Dingon llei sut Stefanus kin Fortunatus kin Akhaikus nya di ikwei ya luei johoti tu.

KORINTUS GI NICAN 12:15

Gima rino ditin ei mem diba dingon di llei bikwas mun di dimbun nya hagom tut je bidikes danti njem cem ei mem je. Gino dingon ngakei je nok gima ne dem tut gima jingon hou ser da drek dip e?

KORINTUS GI NICAN 4:12

Nimbot kepti rinok gini. Nimai yai nibou tut ningon kanti mem nyeni noro niyaijo nijep yai nibou tut jingon mienti.

FILIPI 2:17

Mpaba tungwatu nya mibui da bidinggrom siber noyam kin ninggrom di imam nya isiber ei mindhe di ibui ei nimbar hum dokti dip. Mindhe dima tereu nok mun di jiyai bak Allah drek dip jide niba ningon com Kristusti. Gino mun dima micut igkep da ne dipai sigyo bidillei ngwig sut je.

FILIPI 2:27

Jit-jit, noni nggwen nindig bibor ba, dideu nide njap ningwig honti lo, Allah ngondut noni he bi noro ngondut dani cem leu gima dingon ngguk bram noni dor njiriek bu a.

FILIPI 4:10

Niabiati dibet dingon ninno tu lene jibindei ba, ditde niyaijo nok gom kin Tuhanti biyai dingon llei bibor tug hon gi jiyai nituti mem jihig yam tut mun di binyohou da. Jikan bipia dipaisi dini bindo bipia jingon prion ser da e? E bi! Lewo dikan tut bipia bon nituti mem jinyohou da bi.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

FILEMON 1:13

Dipi bidikuk noni bigwam ser dingon leu binhyepo mpu da biya luei na tirigi disima ei ig bui nsi drek dip Nihyet Di Kei.

NINGAT-HI-NGAT NYA 12:11

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.