FILIPI 2:25 - ALLAH NIHYET MEM TUNGWATU NYA

²⁵ Tut isut Epafroditus di jicuk kwei di mpu da ne dikos tut bipia suar dicuk noni bihwou ngat je hanyen. Noni ya kui da bibrim ningkek bibahati tut Nihyet Di Kei cem bit da ei mpia dini.

FILIPI 2:25 ပူးပေါင်းရင်းမြစ်များ

NIPINGOK NINGONTI 25:13

Awak di ningon gom di niceu sok nihyet ei no dip bindei ba, niceu ningon nggan-triot tereu nok minyei hou di no di ayoi bou dut kep ninggobiausi.

YOHANES 13:16

Dipai nijit bije bipia awak ninyeng jei dor njiriek niceu ninyeng bi. No di pwoi srat buug sut cem ninyeng jei dor njiriek no di cuk noni tut srat dima ninyeng bi.

YOHANES 17:18

Dipinak yok lene intek gimahap ug ei dihyeisi dini bit leu nok apinak Da kwei ei dihyeisi dini.

ROMA 16:3

Dipigo Priska kin Akwila. Yoni ne dingon kieti nya rin ba, igyai midyai mem Kristus Yesus noyam kin da,

ROMA 16:9

Dipigo disut Urbanus di yai midyai mem Kristus bit nyeni. Dipigo dingon kieti di ninyeng Stakhis cem.

KORINTUS GI NIGOM 3:9

Nyeni nibicom yam nok gom ba, niba nye bikum Allah biniyai kep Nide midyai nya. Jeni ne Allah de miai ngwoisi ri. Jeni ne Allah de ig ri.

KORINTUS GI NICAN 2:13

Noro dikrau dingon tut isut Titus lewo dingat ningat bi. Gima rino dipigo Allah de limwa nya bidikes yok ei leu api dimbut kikau ug ei hanjop Makedonia.

FILIPI 2:26

Ningon ngguk tut jahagom ba, ningon mbut-mbut nyen tirigi noni miap tut bipia ninghapti tibim tut ninggwenti hwou bak jeni tu.

FILIPI 4:18

Dingon cut hon mun di jikwas tut da ba, hagom nindig bibor bidor njiriek! Epafroditus pwoi mun di jikwas tut da hagom kwei bida tu ba, gima dem. Dinyeng tut mun di disuar nya hagom tu. Mun di jikwas tut da hagom noyam kin mindhe di ngge di ibui bibam ei nimbar hum dokti bou Allah niyai him ba, joi sut.

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

KOLOSE 1:7

Epafras di nyeni ningon kieti tri tut Allah nisingat tut jeti bije ba, noni ne Kristus de awak di ba ningon di gom biyai kep midyai di bon ninyeng mem jeni cem ri.

KOLOSE 4:11

Yesus di ninyeng hi Yustus pigo je. Ibou ningai he dini leu mben Yahudi di ingon jo kep Tuhan Yesus igyai midyai mem Allah Ninyeng Tak Kepti bit da ba, yahati tut da nindig bibor.

TESALONIKA GI NIGOM 3:2

nipinak nisut Timotius di yai midyai nok awak mem Allah noyam kin nye di nitri tut Nihyet Di Kei tut Kristus. Nipinak noni bingkwei hanyen hwou mem gima biwin kep jingonti bibindei ba, jide niba ningon com Yesus Kristusti kum eisi bu,

FILEMON 1:24

Markus kin Aristarkhus kin Demas kin Lukas yahagom di igyai midyai mem Kristus noyam bit da cem ipigo na.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.