FILIPI 2:2 - ALLAH NIHYET MEM TUNGWATU NYA

² Gima rino jibingon ba, jiyaijo bit yam ba, jide ningon gomti dem yam kin jide ningon ngakei yamti dem yam kin jide niyok ningon gomti dem yam kin jide ningon kanti gomti dem yam ba, jibiyai dingon di nggan-triot.

FILIPI 2:2 ပူးပေါင်းရင်းမြစ်များ

MAZMUR 122:8

Dipai bak timiei minu ndig Yerusalem “Ma jahagom jibong kei jigwam kei!” Lewo dingon a tut dide bat kin disut bat nya di ibong ei sirima.

YOHANES 3:29

Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.

KISAH 1:14

yahagom iba ingon gom bidem yam ei mem ingat nadi bit leu nok igyai kepti. Yo dini ingat nadi bit sop nya kin Maria di Yesus nipmem kin nikinjoi bat nya cem bikwop njap.

KISAH 2:1

Ug ei Njap Pentakosta nicunti lene yo di ingon jo kep nya yahagom idem yam ei nittou nsi gom.

KISAH 2:46

Yahagom idem yam ei Tuhan De Ig bikwop njap-njap leu api iba ingon llei bibor biyem njita bit yam ei ide ig bei ba, ingon gom cem.

KISAH 5:12

Ei nijam dima ne yo di igya kui Yesus ibon mindur kin bindo mang bibor ei tungwatu nya ikieti. Ba, yo di ingon jo kep nya ibicom yam nok gom ei Salomo De Bisai.

ROMA 12:16

Ma jahagom jingon kwes kin yam lene ma jingon jei au. Noro ma joom jenti sur yam kin yo di igyai inyeng bi nya. Ma jiba jingon bisrip huk tut jenti bipia jingon ki dor njiriek mun di dem mem jeni au.

KORINTUS GI NIGOM 1:10

Disut bat jen, dibidip huk je drek dip Tuhan Yesus Kristus ninyeng. Ma jice tut yam hyet leu binhyepo jiba nitok biyam au. Ma jingon kanti kin jibou ngwakti hagom nok gom.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

KORINTUS GI NICAN 2:3

Gima rino dipas srat dima bije. Dingon kou sut gima dihwou ngat je mem nijam dima leu ma jibindei bidingon buhun lewo suar jeni rino jibiyai dingon llei bibor. Dikan tut bipia gino dingon llei bibor ne jeni cem jahagom jingon llei bibor bit da.

KORINTUS GI NICAN 7:7

Allah biwin kep ningonti tug hon Titus nikweisi he bi noro tug hon mun di noni pui sut je dino jibiwin kep noni cem ningonti. Noni pui kep binye bipia jiyok jingon mem nituti tirigi jingat dingat bou jiyai him hanyen kin jingon di ngguk tut mun di jiyai tunggwei sut da pima kin gi jitin ei mem gima jimbrap gau da. Gini hagom biyai dingon llei bibor dor njiriek bu.

FILIPI 1:4

Dingon llei bibor bikwop mpe dino dingat nadi tindei jahagom ba,

FILIPI 2:16

tirigi bon nikwesti mem jitri tut nihyet di biang niyaijo nijep biyok. Gino jiyai munti nok gima ne dillei ngwig sut je ei njap di Kristus kwei hanyenti. Lewo ningat di kei di ntun diyai munti nya him dima rinok bindo di bindo bipia dahanggwap mbilen mikuisi bi.

FILIPI 2:20

Nongkom pwoi dingon biba ningon di gom bingondut je.

FILIPI 4:2

Dikwohop Euodia kin Sintike jen! Ditigtai je leu binhyepo jingon kwes kin yam hanyen dem kep sop di itig mbier tut yam ei Kristusti.

KOLOSE 2:5

Mbro nok gino dingat rin ei minu ting leu je lo, dinnei ningat rin ei jikieti. Dikan tut bipia jinok gom ba, jiba ningon di nddong bicom Kristus lene gini biyai dingon llei bibor.

TESALONIKA GI NICAN 2:13

Disut bat jen, suar nijem sigyo bak Allah bikwop njap-njap tut je dino Allah ningon ngakei je. Lewo Noni dimig je ei leu binhyepo jiyai niteu leu sisarti kin niyaijo nijep bibie mem nindigsi nya tug hon Allah Ninnei de nisindemti di bibon je bijinok Nide limwa di ingon kwes nya bijiba jingon com nihyet di nijit.

2 TIMOTIUS GI NICAN 1:4

Diyok ngon kep mpe di ayai nggwei kibor tut da. Gima rino dijoi sut gima dingat na bou diyai him hanyen bu leu binhyepo dingon llei bibor.

FILEMON 1:20

Gima rino disut na e, ma ampu da drek dip Tuhan ninyeng. Abiyai dingon llei bibor lewo sinok sikinjoi bat yam ei Kristusti.

YOHANES GI NICAN 1:4

Dingon llei bibor tirigi dimiap tut bipia amunggwom bat nya bihi igyai igbit Allah ningon kanti bit leu nok nicuk nyeti.

YOHANES GI NININGAI 1:4

Tirigi dimiap tut dimunggwom bat nya di igyai igbit Allah ningon kanti inghapti lene gima biyai dingon llei-llau sut dor njiriek mun nindigsi nya hagom.