FILIPI 2:16 - ALLAH NIHYET MEM TUNGWATU NYA

¹⁶ tirigi bon nikwesti mem jitri tut nihyet di biang niyaijo nijep biyok. Gino jiyai munti nok gima ne dillei ngwig sut je ei njap di Kristus kwei hanyenti. Lewo ningat di kei di ntun diyai munti nya him dima rinok bindo di bindo bipia dahanggwap mbilen mikuisi bi.

FILIPI 2:16 ပူးပေါင်းရင်းမြစ်များ

MAZMUR 40:9

Allah e, dingon llei sut gi diyai igbit angon kanti mem da bidipwoi acuk Dati nya hagom ei dingonti.”

MAZMUR 71:17

Angginau da habiei dipilei kwei tu. Ba, dipui sut Ade nibon munti nya di bibon ninggap leusi kwei bipek ammani kep.

YESAYA 49:4

Lene dibuhup “Dicom dahanggwap mikuisi bidita dibou ei midyai nyati mikui-kausi.” Mbro nok gima lo, midiba dingon com tuhan lewo Noni mbrap gau da bibirop hanyen bida drek dip diyai munti nya.

MATIUS 10:27

Mun di dimbot kep bije ei nidinditi lene ma jitri tut hanyen brei bak tungwatu nya. Ba, mun di tibim nyahan ei jitingou nsi lene ma jitri tut hanyen ei simpak nahau yamti!

LUKAS 12:8

“Ma jiyok ngon kep bipia bikwop no di tri tut brei ei yo di yahagom yoho bei bipia noni tti kin Dani lene Munggwom Tungwatu Nipmot cem mitri tut brei bipia tti kin noni ei Allah de malaikati nya yoho bei.

YOHANES 6:63

Allah Ninnei Nongkom yai niyaijo nijep bak tungwatu nya. Tungwatu nya ide nisindemti dem mem bi. Dihyet di dipai bije bindei ba, jiyai Allah Ninnei bitut niyaijo nijep di jo kikau ei jingonti.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

KORINTUS GI NIGOM 1:8

Noni nyohou je biyai jingon nddong kikau bije bipek njap ningwig honti leu binhyepo jingon nddong mem ide Tuhan Yesus Kristus De Njap nitekti.

KORINTUS GI NIGOM 9:26

Gima rino didor hallu kak puig hammi ndam nipekti. Dibingon nok nitug yam cig lo, ditug-tug wai bi.

KORINTUS GI NICAN 1:14

diba dingon com bipia jingon dorti tut nye ei nidipti bu. Tug hon nisinati dima lene jinggei sut nye bit leu nok ninggei sut je mem njap dino ide Tuhan Yesus kwei hanyen.

GALATIA 2:2

Dingkwei hanyen ug ei minu ndig Yerusalem lewo Allah bie tut da nok. Ba, dani kin nibou mbusyamei nya ninduk yam ei binyengkom leu api dipui sut Nihyet Di Kei gi ditri tut bak ngkiai nya. Dikrau dingon tut yok leu ma ijoi sut ditde midyai di nipou kin midyai di diyai kikep nya bi. Leu gi nok ne bindo bipia diyai midyai mikuisi he.

GALATIA 4:11

Dikrau dingon tut je. Midyai di diyai ei jikieti pima hagom mikui-kausi e?

FILIPI 1:10

leu binhyepo jibinai sut mun di kei bibor mem jenti. Tug hon nisinati dima ne jiyai munti nya kin jingonti kwes kei leu api bit bon hi njei kep je ei Kristus nikwei hanyenti kan bi.

FILIPI 1:6

Diba dingon com bipia Allah di kinyon ei midyai di kei bibor diniti ei jingonti miyai kep midyai dima kikau bibou put hon ei Njap Di Kristus Yesus kwei hanyen.

TESALONIKA GI NIGOM 2:19

Ningat ne jibindei ba, niba ningon com je ba, ningon llei sut je bininggei-nggwang tut je mpe dino Tuhan Yesus kwei hanyen ba, yahagom igya ei Noho bei!

TESALONIKA GI NIGOM 3:5

Leu api gi mbun doom kep dingonti bu kan bi. Gima rino dipinak Timotius hwou ngat je leu binhyepo ngig niyai kep jide niba ningon com Yesus Kristusti. Lewo dikrau dingon tut je gino jicut bak Bilis lene gima bindei ba, nicom nahanggwap tut je mikui-kausi e?

IBRANI 4:12

Lewo Allah nihyet ne nihyet di niyaijo ba, sindem bibor ba, nggwen bibor dor njiriek singau simeda di bon ninggwenti bei ninghim-noho cem. Nihyet dima tot kikau ug ei ingwes kin innei nijoti cem kikau ug ei injum tuti kin inggus nipek yamti cem ba, sindem mem gima hit mimun di jo ei ingonti kin ibou ngwakti.

PETRUS GI NIGOM 1:23

Jiyai niyaijo nijep leu Allah di nok Jicigya. Noni ne tungwatu di mai hak rin bi noro niyaijo kikau buug hon nohonti bi. Allah ribindei dino jiyai niyaijo tug hon Nonti nihyet di niyaijo ba, bit bon sar kan bi cem.

YOHANES GI NIGOM 1:1

Nipas srat tut Nihyet di yai niyaijo nijep bak tungwatu nya dini bak jeni. Ba, Nihyet dima no rinaha habiei ei nimbie him kikau kwei bipek ammani kep. Nihyet dima tibim ei nitingou nsi cem ningat ningat bou niyai him cem niprios ningkek dip cem tu.

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.