FILIPI 2:13 - ALLAH NIHYET MEM TUNGWATU NYA

¹³ lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

FILIPI 2:13 ပူးပေါင်းရင်းမြစ်များ

NIBOU NDIG NYA GI NIGOM 8:58

Handei kon ba, Noni bindei ba, nyeni yahagom ingon gom tut Noni ba, igyai mun bit leu ningon kanti mem nye cem lene ibit Nide nikos tutti kin nicuk nyeti nya di Noni yai bak idigup bat-idigai bat nya cem.

NIBOHON MBEN ISRAEL GI NICAN 30:12

Nok gima cem Allah pingok ei timiei Yehuda nya ingonti bibindei ba, yahagom ingon gom tut gi ibit Allah ningon kanti mungkun kei tug hon gi ibit nibou ndig kin yo di igya kui noni icuk yokti dima.

EZRA 1:1

Mpe dino Nibou Ndig Kores sindi ninyeng tak kep mben Persia mem ari bingwam gom lene tuhan bindei ba, nihyet po Nabi Yeremia tri tut gi nipou pima hagom dem igbit nipaisi. tuhan pingok ei Kores ningonti leu binhyepo tri tut ningon kanti tug hon srat gom di nide limwa nya ikwop kep nyen bidem minu di Kores ninyeng tak kepti nya hagom. Noni pai biyok,

EZRA 1:5

Lene nibou di imbier kim nya di intun keret Yehuda kin Benyamin him kin imam nya kin keret Lewi nya kin bibikwop nindigsi di Allah pingok ingonti tu nya itin ei mem ingkwei hanyen ug ei minu ndig Yerusalem leu binhyepo iwin tuhan De Ig hanyen.

EZRA 7:27

Lene Ezra pai “Jikwei ba, inggei sut tuhan di nok idigup bat-idigai bat nya ide Allah! Lewo Noni bindei ba, nibou ndig dima yok ngon kep tuhan De Ig ei minu ndig Yerusalem binyohou nok gi kei.

NEHEMIA 2:4

Lene nibou ndig hig ser da “Gi nok lene asuar mindei ngan i?” Dingat nadi kros bak Allah ei gwamti,

AYUB 33:29

Allah ngkwei-ngkwei nyen him niyai munti dima,

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

MAZMUR 119:36

Abindei ba, dijoi sut Ade nicukti dor njiriek leu gi diba doho rok ndigban nindig bibor.

MAZMUR 141:4

Ambres da ei minu ting leu yo di ingon pri tut nibon munti di kinei nya. Asindui sut ba, dibicom yam bit yo di ipigau ahyet ba, diyem njita bit yok ei ide pestati au.

NIPINGOK NINGONTI 21:1

Krop kei mem tuhan pingok kep nibou ndig tut ningon kanti nya noyam kin gi pingok minyei ba, bong kak nimbang dem igbit ningon kanti.

YESAYA 26:12

tuhan e, abindei ba, nyeni nibong kei nigwam kei. Mun nyeng di niyai kep nya hagom tug hon Ade midyai nya.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 32:38

Mpe dima lene Ditde limwa nya rino yoni ba, dinok ide Allah.

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

YOHANES 3:27

Yohanes buhup “Gino Allah sindui sut bi lene bit bon mun nyeng hi pek kep mem tungwatu nya kan bi.

YOHANES 6:45

Bit leu nok gi ipas ei Srat Nabi nya nibokti ‘Allah ngginau tungwatu nya yahagom ingonti.’ Bikwop no di miap Dicig nihyet biningon dorti tut ne no dima nggre kin Da.

YOHANES 6:65

Lene Noni binut nihyet bu bipai “Gima ripo dipai bije bipia gino Dicig buwak tungwagom kwei binggre kin Da bi lene bit bon no dima bit Da kan bi.”

KISAH 11:21

Tuhan sindem tut yok bibindei ba, tungwatu imang bibor ittin ser ide sisar ba, ingon jo kep Tuhan.

ROMA 12:3

Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.

ROMA 9:11

Nipou tirigi Ribka srek tut nipmot bat cin di munggwom nggre dima bigyo lene Allah ndo igbit nikos tutti mem nidipti bu bak noni. Nikos tutti dima ntun yo cin dima igyai munti nya him bi noro ntun Allah Nonti nidimig igomti leu munggwom nggre cin dima. Lewo nipou tirigi Ribka nipmot bat cin di munggwom nggre dima ibon mun di kei e, he mun di kinei e, bigyo

ROMA 9:16

Gima rino Allah nikos tutti tug hon tungwatu nya ingon kanti kin igyai munti nya bi noro tug hon Allah ningon di nggriu sut yo di Noni dimig ei su nya.

KORINTUS GI NIGOM 12:6

Nyeni igyai midyai dima tug hon nisinati di ter leu yam noro hagom ntun Allah gom ngat him ba, Noni sindem tut bikwop tungwagom-gom.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NICAN 3:5

Dem mem nisimbot dat bipia nisindem mem midyai di niyai nya bi. Noro nisindemti di nimbun dima nitriti ne Allah ri.

EFESUS 1:11

Allah bindei ba, mun di hagom pek kep mem tungwatu nya bit leu Nonti ningon kanti kin nikos tutti. Noni dimig nye habiei ei nimbie him bibindei ba, inok Nide limwa nya tug hon ide ninok gom kin Kristusti ba, niyaisi dini ntun ningon kanti him.

EFESUS 1:5

Noni kos tut nipou su bipia nek nye tug hon Yesus Kristus bibindei ba, inok nimunggwom bat nya. Kristus niyai munti ntun Allah ningon llei sutti kin ningon kanti nya him.

EFESUS 1:9

Allah yai midyai bibit leu Nonti ningon kanti. Gima rino Noni mbot kep tut nimimun di Noni tin ei nipou su binye. Allah kos tut nipou su bipia ningon kanti mipek kep mem tungwatu nya tug hon Kristus.

EFESUS 2:8

Jide niba ningon com Kristusti bindei ba, jiyai niteu leu sisarti kin niyaijo nijep tug hon Allah nisingat tut jeti. Jitug ndei niteu leu sisarti tug hon jiyai munti nya bi noro tug hon Allah nisingat tut jeti leu binhyepo bit bon hi ningon jei sut nonti drek dip niyai munti nya kan bi.

TESALONIKA GI NICAN 1:11

Gima rino ningat nadi tindei je bikwop njap-njap. Nahara ide Allah leu binhyepo Noni mibindei ba, jidem mem gima jiyaijo bit leu ningon kanti lewo Noni hig je mem gima. Handei kon ba, Noni sindem tut je ba, jiyai mun di kei bibor di jijoi sut nya lene bindei bijiyai mun tug hon jingon di jo kep Noni biput ug e ba, hagom put kei cem.

2 TIMOTIUS GI NICAN 1:9

Noni teu nye leu sisar biyai niyaijo nijep binye leu api hig nye leu binhyepo inok Nide limwa nya. Mun dini tug hon igyai munti nya bi noro tug hon Allah ningon kanti kin nisingat tut nyeti cem. Noni singat tut nye tug hon Kristus Yesus nipou tirigi Noni pai tes dihyeisi dini bigyo.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.