FILIPI 2:12 - ALLAH NIHYET MEM TUNGWATU NYA

¹² Gima rino disut bat di dingon kieti jen, nipou tirigi dingat rin bit je ne jibit dihyet. Tini bu tirigi dibong minu ting leu je lene ma jibit dihyet dor njiriek bu lewo gini bon ninyeng mem je. Allah teu je leu sisar bijiyai niyaijo nijep tu. Noro ma jiba ningon di gom tut Noni kin nibit ningon kanti mem je binyohou jide niyaijo nijep kikau,

FILIPI 2:12 ပူးပေါင်းရင်းမြစ်များ

EZRA 10:3

Jikwei ba, iba neheng bipreu ei mem Allah bipia mporo ikes sop dima yok yahagom bitut imunggwom bat nya cem ba, ingkwei hanyen ug ei itimieisi. Minibit ade nipingok nyeni ningonti nya kin limwa hiter di ibit Allah nicukti nya kin nipingok ningonti nya cem.

MAZMUR 119:120

Didigit lewo dittin tut Nani ba, didigit tut Ade nikos tutti nya.

MAZMUR 2:11

Suar jibit tuhan nicuk jeti nya hagom ba, jibou cut bak Noni cem.

NIPINGOK NINGONTI 10:16

Ade nibon munti di kei nya bindei ba, abong kei agwam kei. Gino abon kep sisar lene mporo sisar ningat mang dor njiriek mintun him bu.

NIPINGOK NINGONTI 13:4

Mbro nok gino no di bong biei nda dip ningon pri kep mun nyeng hi lo, bit bon noni yai kan bi. No di nijoi bibor miyai mun di noni suar nya hagom.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

MATIUS 11:12

Habiei leu nimbie him po Yohanes sindi tri tut nihyet kikau kwei bipek ammani kep ne yo di imbuk nya igruap sindem bibor mem gima ipos Allah Ninyeng Tak Kepti mem yonti.

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

KISAH 16:29

Lene nibou ig bui cuk tungwagom bitin mini njeng kwei lene noni bipbur bicoi ug ei ig bui nsi leu api ba ninghuisi di mpig sut bikuk no ei Paulus kin Silas imig him.

KISAH 9:6

Akiju ba, aya lene ma aug ei minu ndig dima leu api tungwagom mipingok na tut mun di ayai yo.”

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

KORINTUS GI NIGOM 2:3

Nipou tirigi dingat rin bit je ne dinghuisi jet ba, dingon digit bidingwes mien.

KORINTUS GI NIGOM 4:14

Dipas kep srat bokti dini bak jeni leu binhyepo dibinim kep je bi noro dibipingok jingonti tereu nok jinok dimunggwom bat di dingon ngakei yok nya.

KORINTUS GI NICAN 7:15

Titus ningon ngakei je dor njiriek bu lewo yok ngon kep bipia tirigi jiya um noni ne jitin ei mem jibit nicuk jeti nya. Lene jiba jibou coi mem noni bijibou cut binoni cem.

EFESUS 6:5

Awak jen! Ma jibit jiceu bat dihyeisi dini nya ide nicukti nya. Ma jikon inyeng bijingon gom tut yok tereu nok gi jingon gom tut Kristus.

FILIPI 1:27

Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

FILIPI 1:29

Lewo Noni singat tut je ba, ubon je nok awak mem Kristus leu binhyepo jiba jingon com Noni he bi noro jiyai ninghuisi wei drek dip Noni.

FILIPI 1:5

dipai sigyo bak Allah lewo jimpu da tut midyai nitri tut Nihyet Di Kei habiei ei nimbie him kikau kwei bipek ammani kep.

FILIPI 1:6

Diba dingon com bipia Allah di kinyon ei midyai di kei bibor diniti ei jingonti miyai kep midyai dima kikau bibou put hon ei Njap Di Kristus Yesus kwei hanyen.

FILIPI 2:19

Diyok dingon mem nituti tirigi dicuk Timotius bihwou ngat je gino Tuhan Yesus ce tut, leu binhyepo noni bindei bidimiap tut jinghapti di biwin kep dingonti hanyen bu.

FILIPI 4:1

Gima rino disut bat di dingon kieti jen, ma ditde nipingok jeti bindei ba, jiya nddong kei drek dip jide ninok gom kin Tuhanti. Dingon ngguk tut je lo, dinggei ngwig sut je ba, jibiyai dingon llei bibor.

FILIPI 4:15

Je di timiei minu ndig Filipi jikan tut bipia tirigi kindi dijo leu hanjop Makedonia biditri tut Nihyet Di Kei pima lene jeni ne mbusyamei gom ngat he di hati tut da bipriet kin da tirigi dihwap mbum kin dimbun mun di binyohou da cem ri.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

2 TIMOTIUS GI NICAN 2:10

Gima rino diba dibou coi mem mun di buhun tak da hagom leu binhyepo yo di Allah dimig yok ei su nya igyai niteu leu sisarti kin niyaijo nijep ba, ipriet kin Allah nikei-kau-keisi di jo kikau tug hon Kristus Yesus.

IBRANI 12:1

Tut nyeni lene imang bibor di ikrau kep ide niba ningon comti igwam ttai nye bigyok igyai kep nye. Gima rino jikwei ba, ikes mun di ngot kep nye kin sisar di srou nye ei leu api iba ijoi bibor bidor sindem kak puig di Allah ndo binye tu.

IBRANI 4:1

Allah nipreu ei mem nyeti jo kikau kwei bipek ammani kep ba, Noni bon nituti mem icoi ug ei mpia dima bibong kep inghuisi bit Noni. Ma jisok kep jenti ser nhyema jigom krau tunggwei puig bicoi ei mpia di ibong kep inghuisi eisi di Noni preu ei mem nye dima bi au.

IBRANI 4:11

Gima rino suar ibrim ingkek mem gima igyai nibong kep ninghuisi di Allah preu ei mem nye dima leu binhyepo jigom krau tunggwei puig noyam kin yo di itunggwei drek dip ide ningkek ndokti di iba ingon com Allah bi dima bi.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

PETRUS GI NIGOM 2:11

Disut bat di dingon kieti jen, jinok ngkiai nya cem yo di ibong bas cem ei dihyeisi dini. Gima rino dicuk je sindem bipia ma jisindui sut jide ningut kanti nya om kep je au. Lewo jingut kanti dima kon pran bit jingonti kikau.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus