FILIPI 1:7 - ALLAH NIHYET MEM TUNGWATU NYA

⁷ Dem tut gima diba dingon srip huk tut je lewo jeni ne dingon kieti ri. Jipriet kin midyai di Allah ba ningon com da tut mem nijam di disima ei ig bui nsi dini kin nijam di diyati kwes ba, dimbrap gau Nihyet Di Kei bidita bingkiem kei.

FILIPI 1:7 ပူးပေါင်းရင်းမြစ်များ

KISAH 20:23

Noro dikan tut bipia tirigi diya bidem minu ndig nya ne Allah Ninnei sok kep da ngkiem bipia midisima ei ig bui nsi ba, ninghuisi wei micut igkep da cem.

KISAH 21:33

Nibou tentara ttau ndam Paulus bikat noni lene cuk nide limwa nya biba lante can biteu noni. Leu api noni hig pus tungwatu pima yok “Tou rin i? Noni nggon ndei je i?”

KORINTUS GI NIGOM 13:7

No di ningon ngakei hiter ningon dahat bi noro ba ningon com nisingatti di ntun tungwatu nya him. Nide niba ningon comti ug hon nohonti bi sren ba, ningon jo nyahan mem mun di pek kep mem noni hagom.

KORINTUS GI NIGOM 9:23

Diyai gini hagom mem Nihyet Di Kei leu Allah leu binhyepo dipriet kin mun di kei di ntun Nihyet Di Kei him.

KORINTUS GI NICAN 3:2

Lewo jeni ne nyende srat nibuwakti rin ba, srat dima nibokti ningat rin ei nyeni ningonti bijo brei mem tungwatu yahagom ikwop kep bingon dor niti.

KORINTUS GI NICAN 7:3

Diba dipaisi dini bipai kep je bi. Lewo bit leu nok gi dipai bije nipou su bipia ningon ngakei je nindig bibor. Mbro nok gino igyaisi jo e, he imai leu su e lo, nyeni kin jeni ijem isut bit yam.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

EFESUS 3:1

Tut gima rino da di Paulus disima ei ig bui nsi drek dip gi dinok awak mem Kristus Yesus kin gi diyai midyai ei je di ngkiai nya jikieti.

EFESUS 4:1

Gima rino ditigtai je bipia ma jiyaijo bit leu Allah ningon kanti mem Nide limwa di Noni dimig ei su nya. Ditigtai je nok lewo disima ei ig bui nsi drek dip gi dinok awak mem Tuhan.

EFESUS 6:20

Diya hacan tereu nok no di mbrap gau Allah Ninyeng Tak Kepti drek dip Nihyet Di kei lo, disima ei ig bui nsi. Ma jingat nadi tindei da leu binhyepo dibrim dingkek tut Nihyet Di Kei kep tungwatu nya bit leu nok Allah ba ningon com da tutti.

FILIPI 1:12

Disut bat jen, ma jiyok ngon kep bipia mun nyeng hagom di cut igkep da ribindei mbut Nihyet Di Kei.

FILIPI 1:13

Apino yo di igya ser nibou ndig de kintrorti yahagom bitut nindigsi nya cem yahagom ikan tut bipia disima ei ig bui nsi drek dip gi dinok awak mem Kristus.

FILIPI 1:14

Disima ei ig bui nsi lo, gini biyai nisindem bak yo di Kresten imang bibor ei minu ndig dini leu api ibikum ei ide niba ningon com Tuhanti. Iba ingon di nddong kei bibrim ingkek kep tungwatu nya bitri tut Nihyet Di Kei cem.

FILIPI 1:5

dipai sigyo bak Allah lewo jimpu da tut midyai nitri tut Nihyet Di Kei habiei ei nimbie him kikau kwei bipek ammani kep.

FILIPI 2:22

Jingat bou jiyai him bipia Timotius dem mem midyai dini. Noni brim ningkek bit da tirigi nitri tut Nihyet Di Kei. Nahacem nimbier kim yam tereu nok nipmot-nicig nya.

FILIPI 4:14

Noro tirigi mun di buhun cut igkep da lene jimpu da. Ba, jo nibreisi bipia jiyai kepti dima kei bibor.

FILIPI 4:15

Je di timiei minu ndig Filipi jikan tut bipia tirigi kindi dijo leu hanjop Makedonia biditri tut Nihyet Di Kei pima lene jeni ne mbusyamei gom ngat he di hati tut da bipriet kin da tirigi dihwap mbum kin dimbun mun di binyohou da cem ri.

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

KOLOSE 4:18

Diba dinda ceti bipas srat bokti dini Da di Paulus dipigo jahagom o! Ma jingon prion ser gi disima ei ig bui nsi yo dini au! Handei kon ba, Allah singat tut jahagom. Nipigo leu dani, Paulus

KOLOSE 4:3

Ma jingat nadi tindei nyeni cem leu binhyepo Allah bon nikwesti mem gima nitri tut nihyet binimbot kep tut nimimun tut Kristus. Lewo disima ei ig bui nsi nogondini drek dip gi ditri tut nihyet dima.

TESALONIKA GI NIGOM 5:5

Lewo jahagom jinok munggwom nipigati bijinggre kin yo di imbut mem njap. Inok munggwom nidinditi kin yo di inggre kin nimpung di imbut mem mmun bi.

2 TIMOTIUS GI NICAN 1:8

Gima rino ma ammai sut gima atri tut side Tuhan au. Ma ammai sut gi disima ei ig bui nsi dini drek dip Kristus cem au. Noro Allah misindem tut na mem gima atindei ser nituti tirigi apriet kin ninghuisi wei drek dip Nihyet Di Kei.

2 TIMOTIUS GI NICAN 2:9

Diyai ninghuisi wei drek dip gi ditri tut Nihyet Di Kei tug hon nibou pemerinta nya di iba lante biteu dimig kin dinda dem kep nok no di sibut. Noro bit bon iba lante biteu Allah nihyet kan bi.

FILEMON 1:13

Dipi bidikuk noni bigwam ser dingon leu binhyepo mpu da biya luei na tirigi disima ei ig bui nsi drek dip Nihyet Di Kei.

IBRANI 3:1

Disut bat je di Kresten di Allah hig je tu nya. Ma jibisrip tut Yesus di Allah cuk kwei nok Imam Nibou Ndig mem niba ningon comti di nyeni itri tut ug e.

PETRUS GI NIGOM 4:13

Tirigi jiyai ninghuisi wei bit Kristus lene ma jingon llei sut. Mpe dino Kristus de nikei-kau-keisi ttau bijo brei ei jiyai him ne jingon llei bibor.

PETRUS GI NIGOM 5:1

Je di nibou mbusyamei nya e, dani cem nibou mbusyamei. Dingat Kristus bou diyai him tirigi Noni yai ninghuisi wei. Midipriet kin Kristus nikei-kau-keisi tirigi Noni ndo Nonti brei ei tungwatu nya igyai him. Gima rino dipingok jingonti leu binhyepo jiyok ngon kep ditde nipingok jeti nya.

PETRUS GI NICAN 1:13

Ei nijam di dingat rin ei dihyeisi dini ne dikan bipia suar diwin kep jingonti tut mun dima yok hagom.

YOHANES GI NIGOM 3:14

Nyeni ikan tut bipia imai ei ide sisarti bu bi noro icoi ug ei niyaijo nijepti tu. Ingon dorti tut gini lewo ide ningon ngakei yamti ndo bindo binye tu. Nimai sindem tut no di ningon ngakei nisut bi.