FILIPI 1:6 - ALLAH NIHYET MEM TUNGWATU NYA

⁶ Diba dingon com bipia Allah di kinyon ei midyai di kei bibor diniti ei jingonti miyai kep midyai dima kikau bibou put hon ei Njap Di Kristus Yesus kwei hanyen.

FILIPI 1:6 ပူးပေါင်းရင်းမြစ်များ

MAZMUR 138:8

Mporo ayai bipek kep nipreu eisi nya di apreu ei mem da. Akes hon gima ayai abou tut Ade limwa nya au.

YOHANES 6:29

Yesus buhup “Allah ningon kanti mem je rinok gini. Ma jiba jingon com No di Noni cuk kwei su.”

KISAH 11:18

Tirigi mben Yahudi pima yok imiap Petrus nihyet lene itte tut noni bu bi. Lene inggei sut Allah bipai biyam “Gi nok ne Allah bon nituti mem ngkiai nya ittin ser ide sisar bikiek ndam Allah bigyai niyaijo nijep cem.”

KISAH 16:14

Lidia di sop gom leu minu ndig Tiatira no rima bintu kep nihyet di nitri tut biyok. Sop dini tri minyas nghei nta di nibok kui bipek mitiei ba, kuk no kikep bak Allah cem. Tuhan bindei ba, Lidia ningon llei sut Paulus nihyet leu api ningon jo kep.

KORINTUS GI NIGOM 1:8

Noni nyohou je biyai jingon nddong kikau bije bipek njap ningwig honti leu binhyepo jingon nddong mem ide Tuhan Yesus Kristus De Njap nitekti.

KORINTUS GI NICAN 1:15

Dingon ngkiem tut mun dini yok hagom. Gima rino ei nimbie him ne ditin ei mem dihwou ngat je leu binhyepo jiyai mun di kei mbican bram yam.

KORINTUS GI NICAN 2:3

Gima rino dipas srat dima bije. Dingon kou sut gima dihwou ngat je mem nijam dima leu ma jibindei bidingon buhun lewo suar jeni rino jibiyai dingon llei bibor. Dikan tut bipia gino dingon llei bibor ne jeni cem jahagom jingon llei bibor bit da.

KORINTUS GI NICAN 7:16

Dingon llei bibor lewo ningat ne diba dingon com je tut mun nyeng hagom bibor.

KORINTUS GI NICAN 9:4

Dikrau dingon tut gima timiei hanjop Makedonia ibit da hwou bihwou ngat je bingat bou igyai him lo, jitin ei munkwas bigyo a. Gi nok lene minimmai sut nyenti drek dip nyende niba ningon com jeti pima! Jeni cem mijimmai sut jenti.

GALATIA 5:10

Mbro nok gima lo, diba dingon com bipia jikrau tunggwei ningon kanti di nijit-jau bi lewo yahagom inok gom kin Kristus. Ba, dikan mungkun tut bipia no di kipon jeti mitug ndei hukum leu Allah.

EFESUS 4:12

Noni ta yo dini yahagom ba, bitin ei Nide limwa nya mem gima igyai igbit Nide midyai nya di ibindei Kristus ningut mahan.

FILIPI 1:10

leu binhyepo jibinai sut mun di kei bibor mem jenti. Tug hon nisinati dima ne jiyai munti nya kin jingonti kwes kei leu api bit bon hi njei kep je ei Kristus nikwei hanyenti kan bi.

FILIPI 1:29

Lewo Noni singat tut je ba, ubon je nok awak mem Kristus leu binhyepo jiba jingon com Noni he bi noro jiyai ninghuisi wei drek dip Noni.

FILIPI 2:12

Gima rino disut bat di dingon kieti jen, nipou tirigi dingat rin bit je ne jibit dihyet. Tini bu tirigi dibong minu ting leu je lene ma jibit dihyet dor njiriek bu lewo gini bon ninyeng mem je. Allah teu je leu sisar bijiyai niyaijo nijep tu. Noro ma jiba ningon di gom tut Noni kin nibit ningon kanti mem je binyohou jide niyaijo nijep kikau,

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

FILIPI 2:16

tirigi bon nikwesti mem jitri tut nihyet di biang niyaijo nijep biyok. Gino jiyai munti nok gima ne dillei ngwig sut je ei njap di Kristus kwei hanyenti. Lewo ningat di kei di ntun diyai munti nya him dima rinok bindo di bindo bipia dahanggwap mbilen mikuisi bi.

KOLOSE 2:12

Lewo mpe di itur je ei minyeti lene jibicom yam bit Kristus tereu nok nitig je ei jui nsi bit Kristusti leu api jiba nitur je dima biyai nikiju hanyen leu nimai eisi bit Kristus lewo jiba jingon com Allah di ba Nide nisindemti biwin Kristus hanyen leu nimai eisi.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

TESALONIKA GI NICAN 1:11

Gima rino ningat nadi tindei je bikwop njap-njap. Nahara ide Allah leu binhyepo Noni mibindei ba, jidem mem gima jiyaijo bit leu ningon kanti lewo Noni hig je mem gima. Handei kon ba, Noni sindem tut je ba, jiyai mun di kei bibor di jijoi sut nya lene bindei bijiyai mun tug hon jingon di jo kep Noni biput ug e ba, hagom put kei cem.

TESALONIKA GI NICAN 3:4

Ide Tuhan bindei ba, niba ningon com je tut mun di nipingok je tut lewo no jiyai kep bijiyai kikau bu yo cem.

FILEMON 1:21

Tirigi dipas kep srat dini lene dikan mungkun tut bipia mporo ayai mun bit leu dingon kanti lene mporo ayai hi kin bidor njiriek bu.

IBRANI 10:35

Gima rino ma jingon cut leu au. Leu gino jiba jingon com kikau ne jimuhup nindig bibor mittau bije.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

PETRUS GI NIGOM 5:10

Noro niabiati jiyai ninghuisi wei di jo jei bi leu su lene Allah di singat tut je mipindi je hanyen bu. Noni miyai jingon nddong cem misindem tut je cem mibindei bijiba jingon com Noni kikau cem. Lewo Noni dimig je leu binhyepo jipriet kin Nide nikei-kau-keisi drek dip gi jinok gom kin Kristus.

PETRUS GI NICAN 3:10

Noro Tuhan De Njap di nikwei hanyenti dima mittau kep nye kros dem kep nok ninggimang kep mun cig nitausi tirigi tungwatu nya itin ei mem bi. Njap dima ne nibimbi di nok hum di sror mitibim mpe dino mpia-bbed him sar hak bingwig ba, hum miyem ham kin mun nindigsi nya bidem mpia-bbed him hagom bitimek bingwig ba, dihyeisi dini bitut mun di joti nya cem hagom mipror hak.