FILIPI 1:27 - ALLAH NIHYET MEM TUNGWATU NYA

²⁷ Mun nyeng gom bon ninyeng mem jeni. Ma jiyai kepti nya bit leu Nihyet Di Kei tut Kristus nipingok jeti. Leu binhyepo gino dihwou ngat je cem dihwou ngat je bi cem lo, dimiap tut bipia jingon gom tut yam ba, jiba jingon kanti gom kin jingon llei sutti gom binjei bit yam bijicom jahanggwap tut niba ningon comti di ntun Allah De Nihyet Di Kei him.

FILIPI 1:27 ပူးပေါင်းရင်းမြစ်များ

NIBOHON MBEN ISRAEL GI NIGOM 19:12

Lene Yoab pai bak nikijoi “Gino dihwen tentara Siria lo, ide nisindemti om kep da lene ma akwei mpu da. Nok gima cem gino ahwen tentara Amon nya lo, ide nisindemti om kep na lene midihwou mpu na.

MAZMUR 122:3

Tungwatu nya iwin bikinding minu ndig Yerusalem ba, inyohou dimig ig hagom nok gi kei bibor.

MAZMUR 133:1

Doia nikui ug ei Mbigdip Sion. Gino Allah de limwa nya ingon kwes kin yam ba, ibet ingon mem yam ne gima kei bibor kei!

NIPINGOK NINGONTI 22:23

Lewo tuhan mimbrap gau yok tut ide munhyet bikus yo di isrep huk yok innei leu.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

MATIUS 12:25

Noro Yesus kan tut Farisi nya ingon kanti dima lene pai biyok “Gino mben hi ikwas yam ei nimpung can ba, ikon pran bit yam lene mimai bingwig hak. Nok gima cem gino timiei minu ndig e, he yo di ibong ig nittou hi e, iba nitok biyam ne jei bi itot yam bingwig ug ri.

KISAH 2:46

Yahagom idem yam ei Tuhan De Ig bikwop njap-njap leu api iba ingon llei bibor biyem njita bit yam ei ide ig bei ba, ingon gom cem.

KISAH 24:24

Njap poi ser lene Feliks kwei sut nitnem Drusilla lo, noni ne sop Yahudi ri. Lene Feliks sok nihyet bak Paulus bipia kwei ngat yok. Tirigi Paulus tri tut nihyet tut niba ningon com Kristus Yesusti lene Feliks ngig nitingou mem noni.

KISAH 4:32

Yo di ingon jo kep nya yahagom ingon kin innei gom kin yam ba, hi drui kep nide mun di nyeng tut bi. Noro ibippiet hagom biyam.

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

ROMA 1:5

Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.

ROMA 1:9

Tirigi dingat nadi lene dingon prion ser je bi. Allah ngat bou niyai him bipia dipaisi dima ne nijit-jau ri. Noni ne Allah di diba dijoi biborti biyai kep Nide midyai nya tirigi ditri tut Nihyet Di Kei tut Nipmot ri.

ROMA 10:8

Noro nimbot kepti pai “Allah Nihyet jo dideu je ei juhui him kin jingonti.” Gima ne nihyet di pai bipia suar tungwatu nya iba ingon com Allah di nitri tut bije.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 15:29

Mpe di dihwou ttau kep je ne dikan tut bipia dikwei sut Kristus De munkwas di bitut jinnei nindig bibor bak jeni.

KORINTUS GI NIGOM 1:10

Disut bat jen, dibidip huk je drek dip Tuhan Yesus Kristus ninyeng. Ma jice tut yam hyet leu binhyepo jiba nitok biyam au. Ma jingon kanti kin jibou ngwakti hagom nok gom.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.

KORINTUS GI NICAN 13:11

He disut bat jen, gini ne srat ningwigsi ri. Ma jingon llei bibor bijita jibou ei ningon kwes-kwauti. Ma jibit ditde nipingok jeti nya cem jingon kwes kin yam cem jingon jo nyahan mem yam cem. Allah di nok nibousi mem ningon ngakei yamti kin ningon jo nyahanti ningat rin bit je.

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

KORINTUS GI NICAN 9:13

Ba, yo di ingon jo kep nya imang bibor ei hanjop Yudea minggei sut Allah drek dip jide nisingat tut tungwatu nyati di ndo bindo di kei bibor biyok. Lewo ingat bipia jingon gom tut Nihyet Di Kei tut Kristus bijibit nihyet cem. Gi jikwas mun di jimati dor njiriek tut yoni kin jisut yo di ingon jo kep nya cem bindei ba, inggei sut Allah drek dip je.

GALATIA 1:7

Nihyet di kei hiter hi bi sren. Noro tungwatu nya iba nihyet di kei di ikiek-kiek nyen dima bitri tut ighyet di bigen ser je.

EFESUS 1:13

Jimiap Allah nicuk jeti tug hon Nihyet Di Kei di bindei ba, jiyai niteu leu sisarti kin niyaijo nijep. Jingon jo kep Kristus leu api Allah ba Nonti Ninnei di Noni preu ei mem nye bitak buk kep je bibindei ba, jinok Nide limwa nya.

EFESUS 1:15

Gima rino tirigi dimiap tut jide niba ningon com Tuhan Yesusti kin jide ningon ngakei Allah de limwa nyati

EFESUS 4:1

Gima rino ditigtai je bipia ma jiyaijo bit leu Allah ningon kanti mem Nide limwa di Noni dimig ei su nya. Ditigtai je nok lewo disima ei ig bui nsi drek dip gi dinok awak mem Tuhan.

FILIPI 1:5

dipai sigyo bak Allah lewo jimpu da tut midyai nitri tut Nihyet Di Kei habiei ei nimbie him kikau kwei bipek ammani kep.

FILIPI 2:12

Gima rino disut bat di dingon kieti jen, nipou tirigi dingat rin bit je ne jibit dihyet. Tini bu tirigi dibong minu ting leu je lene ma jibit dihyet dor njiriek bu lewo gini bon ninyeng mem je. Allah teu je leu sisar bijiyai niyaijo nijep tu. Noro ma jiba ningon di gom tut Noni kin nibit ningon kanti mem je binyohou jide niyaijo nijep kikau,

FILIPI 2:24

Diyok dingon mem gima dihwou ngat je gino Tuhan ce tut.

FILIPI 3:18

Dipai bije mbirimang tu lo, diba dingon di buhun bindat kep mbigom kin bu bipia diyai nggwei kibor drek dip tungwatu nya imang bibor di iba igyai kepti nya binggek tut Kristus nimai ei biei salibti nimbot kepti.

FILIPI 3:20

Noro nyeni ne timiei gwamti nya rin ba, ide Nibou Ndig di teu nye leu sisar biyai niyaijo nijep binye mikwei hanyen leu ginyo kug. Noni ne Tuhan Yesus Kristus ri. Iba ingon llei nindig bibor biyok ingon mem nikwei hanyenti.

FILIPI 4:1

Gima rino disut bat di dingon kieti jen, ma ditde nipingok jeti bindei ba, jiya nddong kei drek dip jide ninok gom kin Tuhanti. Dingon ngguk tut je lo, dinggei ngwig sut je ba, jibiyai dingon llei bibor.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

KOLOSE 1:4

Lewo nimiap jinghapti tut jide niba ningon com Kristus Yesusti kin jide ningon ngakei Allah de limwa nyati yahagom.

TESALONIKA GI NIGOM 3:6

Noro noni sindi kwei krau hanyen tu bipui binye tut jide niba ningon com Yesus Kristusti kin jide ningon ngakei yamti cem. Noni pai binye bipia jingon kwes kin nye kikau ba, jijoi sut gi jikwei ngat nye dem kep nok gi nyeni nijoi sut nihwou ngat je hanyen bu.

TESALONIKA GI NIGOM 4:1

Disut bat jen, ningat ne nindo bindo di kei bije tut notou jide niyaijoti bindei ba, Allah joi sut je. Jo nibreisi bipia jiyaijo nok gima tu. Nogindini nitigtai je binipingok jingonti tug hon nisindemti di kwei leu Tuhan Yesus leu binhyepo jibikum nut bu.

TIMOTIUS GI NIGOM 1:11

Ningginausi dima jo ei Nihyet Di Keiti. Nihyet Di Kei di leu Allah di kei-kau-kei ba, ma ikon ninyenga. Lewo Noni ba ningon com da tut Nihyet Di Kei di ditri tut cem.

TIMOTIUS GI NIGOM 1:19

Ma anyohou ade niba ningon com Kristusti kin ade ningon mien kanti leu binhyepo hacem kwes kei. Ibou poi ingkek ndok tut ingon mien kanti apino inok kibar di tug bor bisrawir.

2 TIMOTIUS GI NICAN 4:7

Didor sindem bibor kak nipuig kikau ba, duug pek nipekti tu. Ba, dingon gom tut Kristus kikau kwei bipek ammani kep.

TITUS 2:10

inda ngwa-ngwa wai kep mun di iceu bat nya inyeng tut au. Noro ma isingat tut iceu bat nya ba, ingon gom tut yok kikau. Leu binhyepo iba igyai munti nya hagom bahati tut Nihyet Di Kei tut Allah di teu nye leu sisar biyai niyaijo nijep binye.

FILEMON 1:5

Lewo dimiap anghapti di tibim tut ade ningon ngakei Allah de limwa nya yahagomti lene aba angon com Tuhan Yesus.

YAKOBUS 3:18

Yo di ingon ngakei nibong kei-nigwam kei ne indim ningan ningon kwes kin yamti kin ningat di kei ntun.

PETRUS GI NICAN 3:11

Gino mun dima yok hagom misar bitimek bingwig tug hon nisinati dima ne notou mem je di jiyaijo mem nijam dini i? Suar jiyaijo mem Allah kin jingon di kwes ba, jikuk je bijinok awak mem Allah cem,

PETRUS GI NICAN 3:14

Gima rino disut bat di dingon kieti jen, tirigi sisip jibet jingon mem Njap dima nittausi lene ma jimbres jenti leu sisar kin mun di kinei di sigi ser jingonti nya hagom ei Allah niyai him leu binhyepo jingon kwes kin Noni.

YUDAS 1:3

Disut bat di dingon kieti jen, dipi bidipas srat bak jeni tut ide niteu leu sisar kin niyaijo nijepti di pek kep mem nyeni yahagom tu. Noro nogindini dingon hukti tut ba, diba srat dini bibiwin kep jingonti leu binhyepo jibrim jingkek ba, jinyohou jide niba ningon comti di Allah kes bak Nide limwa nya mbigom ngat he bijo kikau.