FILIPI 1:12 - ALLAH NIHYET MEM TUNGWATU NYA

¹² Disut bat jen, ma jiyok ngon kep bipia mun nyeng hagom di cut igkep da ribindei mbut Nihyet Di Kei.

FILIPI 1:12 ပူးပေါင်းရင်းမြစ်များ

ESTER 9:1

Ug ei njap gi nisimnaibrimigningai mem Bed Adar. Gima ne tto bou mem gima igyai igbit nibou ndig de nicukti bicok tut mben Yahudi ri. Mben Yahudi ide nitok joti nya ibet ingon mem tto bou dima nitausi leu binhyepo icok tut yok bingwig. Noro ningat ne mben Yahudi rino ibindei timek ide nitok joti nya.

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

NEHEI LEUSI 18:11

Nogindini dikan tut bipia tuhan sindem bibor dor njiriek kwar di ngkiai ikuk yok bak hagom lewo Noni yai mindur dima yok hammi tirigi mben Mesir iba ingon di jei bibor bico kep je di mben Israel.”

LUKAS 21:13

Mpe dima lene bon nituti mem gima jitri tut Allah de Nihyet Di Kei biyok.

KISAH 8:4

Yo di ingon jo kep nya di intek gimahap pima itri tut Nihyet Di Kei bidem minu dima kou hagom.

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

ROMA 8:37

E bi! Igyai nisindemti mem gima ibindei cut mun nyeng hagom bihigom tug hon No di ningon ngakei nye!

FILIPI 1:5

dipai sigyo bak Allah lewo jimpu da tut midyai nitri tut Nihyet Di Kei habiei ei nimbie him kikau kwei bipek ammani kep.

FILIPI 1:7

Dem tut gima diba dingon srip huk tut je lewo jeni ne dingon kieti ri. Jipriet kin midyai di Allah ba ningon com da tut mem nijam di disima ei ig bui nsi dini kin nijam di diyati kwes ba, dimbrap gau Nihyet Di Kei bidita bingkiem kei.

FILIPI 2:22

Jingat bou jiyai him bipia Timotius dem mem midyai dini. Noni brim ningkek bit da tirigi nitri tut Nihyet Di Kei. Nahacem nimbier kim yam tereu nok nipmot-nicig nya.

FILIPI 4:15

Je di timiei minu ndig Filipi jikan tut bipia tirigi kindi dijo leu hanjop Makedonia biditri tut Nihyet Di Kei pima lene jeni ne mbusyamei gom ngat he di hati tut da bipriet kin da tirigi dihwap mbum kin dimbun mun di binyohou da cem ri.

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

TIMOTIUS GI NIGOM 2:8

Dijoi sut gino pinai nya bidem minu hagom iba ingon di kwes bingat nadi. Tirigi ingat nadi lene ma ingon sibui sut yam ba, iba ighyet bidahat yam cem au.

2 TIMOTIUS GI NICAN 2:9

Diyai ninghuisi wei drek dip gi ditri tut Nihyet Di Kei tug hon nibou pemerinta nya di iba lante biteu dimig kin dinda dem kep nok no di sibut. Noro bit bon iba lante biteu Allah nihyet kan bi.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.