FILIPI 1:11 - ALLAH NIHYET MEM TUNGWATU NYA

¹¹ Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

FILIPI 1:11 ပူးပေါင်းရင်းမြစ်များ

MAZMUR 1:3

No dima ne ningat di kei ntun nide midyai nya hagom him noyam kin biei di hei ei minyei ntig dip ba, ngat ningat di kei bidem nijam hagom. Nimeng cem nggrou kei lene ngoi hanyen bi sren.

YESAYA 5:2

Noni kkin dihyei bibon beden lene com tig hagom leu leu api ta anggur nikioi di kei bibor eisi. Noni hok ig jibei gom ser mpia dima bibon ba, gom mem gima ibikimut anggur ngei eisi. Lene noni bet ningon mem nijam di ba anggur dima ngat ningat. Noro mpe dino noni puk ningat ne ngat lo, hagom hyenha bibor.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 61:11

tuhan Allah Di Sindem Bibor mibindei ba, niteu leu sisarti mehei ei dihyeisi dini dem kep nok njita kioi apino ngkiai nya yahagom minggei sut Noni.”

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

MATIUS 5:16

Jeni cem ma jinok ninjeng di piga digai dihyeisi dini hagom leu binhyepo tungwatu nya ingat jiyai munti di kei bibor nya apino inggei sut Jicig ei gwamti.”

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

YOHANES 15:8

Gino ningat mang ntun jeni him lene tungwatu nya ikon Dicig ninyeng. Tug hon nisinati dima lene jinok yo di igya kui Da di nijit nya ri.

ROMA 15:28

Mpe dino diyai gini biput bidikes mitiei nimangti dima hagom ei mben Yahudi indati leu su ne dingkwei ba, duug ndam minu Spanyol lo, midihwou cem je sindam.

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

KORINTUS GI NIGOM 10:31

Nnaba tut njita di jiyem kin ndia ngei di jidut ne ma jiba jiyai munti dima yok hagom binggei sut Allah.

KORINTUS GI NICAN 9:10

Allah tin ei njita ngan mem no di yai miai kin njita di igyem cem. Noni mitin ei njita ngan di jisuar mem jide miai ngoisi hagom cem leu api mibindei ba, ningat mang bibor ntun him. Tug hon nisinati dima ne Noni bindei ba, ningat mang bibor ntun jide ningondut yamti him.

EFESUS 1:12

Jikwei ba, nye di iba ingon com Kristus bibie inggei sut Allah tut nikei-kau-keisi!

EFESUS 1:14

Ninnei dima tak buk kep nye mem gima iba nyekep mun di Allah preu ei mem Nide limwa nya. Gima rino ikan mungkun tut bipia Noni mibindei ba, igyati kwes. Jikwei ba, inggei sut Allah tut nikei-kau-keisi!

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

EFESUS 5:9

Lewo niyai munti di kei bibor nya kin ningon kwesti kin ningon gomti hagom ntun nipigati him ei Allah niyai him.

FILIPI 4:17

Ningat ne ditindei kep tungwatu nya indati tut mun di bahati tut da bi. Noro dingon llei sut gi jibikum ei jimuhupti.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

KOLOSE 1:6

Allah nihyet dima no kieng kep dihyeisi dini apino tungwatu nya igyai mun di kei di ntun nihyet dima him noyam kin mun di kei di jeni jiyai mpe di jimiap tut Allah nisingat tut jeti habiei ei nimbie him. Leu api nisingat tut jeti nyohou pingok ei jingonti kikau kwei bipek ammani kep.

TESALONIKA GI NICAN 1:12

Tug hon nisinati dima mijinggei sut Tuhan Yesus ninyeng ba, Noni minggei sut jeni cem tug hon ide Allah kin Tuhan Yesus Kristus ide nisingat tut jeti.

TITUS 3:14

Ma yo di ingon jo kep nya di inggre kin nye ita ibou ei ide midyai di kei biborti nya leu binhyepo iba mun di ibon bou inda him bahati tut yo di yuhui mbum nya. Ma ibong biei nda dip kep ig au.

IBRANI 12:11

Mpe dino icig bat nya ittem kep nye lene ingon kei sut bi noro ingon buhun drek dip. Noro ei nidipti bu lene nittem nye dima bindei ba, igyaijo bit leu Allah ningon kanti mem nye leu api ningon di jo nyahan ntun him.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

PETRUS GI NIGOM 2:9

Noro Allah dimig je nok Nide mben nya kin Nide imam nya di igyai midyai mem ide Nibou Ndig di Allah kin Nide mben di ingon kwes nya kin Nide limwa nya cem. Allah dimig je bihig je kwei leu nidinditi bijicoi ei Nide nipigati di sieng-siau kei leu binhyepo jitri tut Nide midyai di mindur nya.

PETRUS GI NIGOM 4:14

Gino hi pai je kinei drek dip gi jibit Kristus lene ma jingon nggei-hi-nggei lewo jikan tut bipia Allah Ninnei di kei-kau-kei ningat rin ei jingonti drek dip.