FILEMON 1:14 - ALLAH NIHYET MEM TUNGWATU NYA

¹⁴ Noro midibidip huk na dor njiriek angon kanti bi bibou ace tut ug e. Dijoi sut ma na di andigpoi ayai igbit angon llei sutti lewo dicuk na tut bi.

FILEMON 1:14 ပူးပေါင်းရင်းမြစ်များ

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

KORINTUS GI NIGOM 9:17

Leu gino dibindei mbut midyai dima tug hon dijoi sutti ne dem mem gima ditug ndei dimuhuba. Noro Allah nicuk dati bindei ba, ditri kep Nihyet Di kei lewo Noni ba ningon com da tut.

KORINTUS GI NIGOM 9:7

No di tentara ba mun di mbun nya bahati tut nonti bi! No di yai miai ba anggur puk ba anggur ningat ndrim hi mem nonti biyem kep ninggum! No di hyen kep domba nya dut kep leu domba dima nido ngei!

KORINTUS GI NICAN 1:24

Diwit huk je tut mun di suar jingon jo kep nya bi. Lewo nikan tut bipia jingon nddong kei sut jide niba ningon com Kristusti. Noro diyai midyai ei jikieti leu binhyepo dibiyai jingon llei bibor.

KORINTUS GI NICAN 8:12

Gino jitin ei bijikwas munkwas tut yo di hiter kin jingon di gom lene Allah mijoi sut jide munkwas di jiyai bit leu jimati. Gino jima mun hi bi lene Noni yok ningon mem munkwas leu je bi.

KORINTUS GI NICAN 9:5

Gima rino dikan bipia gi kei mem dicuk ibou ningai pima hwou bihwou ngat je bibie leu binhyepo inyohou dimig munkwas di jikos tut ei su nya. Leu binhyepo tirigi dihwou ngat je lene jitin ei jide munkwas hagom bidem ei su. Gima ndo bipia jimbus munkwas ei bit leu jingon kanti lene hi bidip huk je tut bi.

KORINTUS GI NICAN 9:7

Suar tungwagom-gom kwas munkwas bit leu nijoi sutti. Ma noni ba nikou biyai bikan bipia hi wit huk noni tut au. Lewo Allah joi sut no di ba ningon di llei bikwas munkwas.