EZRA 9:9 - ALLAH NIHYET MEM TUNGWATU NYA

⁹ Mbro nok gino mben ngkiai yuubon nye nok awak lo, agikes nyeni ei bi. Abindei ba, nibou ndig Persia nya ingondut nye apino isindui sut nye ba, niyaisi jo cem niwin Ade Ig di wer cou ngwam tu dini hanyen cem ug a. Lene anyohou nye ba, nibong kei nigwam kei ei hanjop Yehuda kin minu ndig Yerusalem cem hanyen tu.

EZRA 9:9 ပူးပေါင်းရင်းမြစ်များ

EZRA 2:68

Tirigi yo di isima ei ingkiaisi dima yuug krau tuhan De Ig ei Yerusalem lene nibou mem insi de nya ibou poi ikwas mun di jo biyok mikui-kausi bit leu ijoi sutti mem gima ibiwin tuhan De Ig ei nigkumti hanyen.

EZRA 7:6

Mpe dima lene Ezra jo leu minu Babel bimbut ug ei minu ndig Yerusalem. Noni coi pikor wer ninno tu apino ningon ki ba, kan bidem tuhan di mben Israel ide Allah nicukti nya di tug hon Musa cem. Ezra kuk no bak tuhan apino Allah njei mun di kei bak noni bisindem tut noni nindig bibor. Gima rino nibou ndig Persia kwas mun di Ezra suar nya tut noni bit leu Ezra ningon kanti.

EZRA 7:8

Ikwei krau Yerusalem mem bed gi nimuhwi tirigi nibou ndig Persia ninyeng tak kep mem ari bingwam muhwindacan tu.

EZRA 9:10

Noro tuhan Allah e, nogindini mun nyeng di kinei dima yok hagom cut igkep nye lene notou nibuhup hanyen biNa i? Nyeni nitunggwei sut acuk nyeti nya,

NEHEMIA 2:17

Noro nogindini dimbot kep tut biyok “Ide minu dini kinei bibor ba, ngug tig cem lus bingwig su. Mun di buhun cut igkep nye tu! Jikwei ba, ikinding ngug tig di bikrop ttai ide minu ndig leu binhyepo immai sut itimieisi dini bu bi.”

NEHEMIA 9:17

Iprinder bibor cem ibbwe ser mun di kei di ayai biyok hagom cem ingon prion ser mindur di abon mem yok cem. Iba ingon di jei bidimig tungwagom ei bita noni nok nibou di bie tut yok hanyen ug ei minu Mesir bingkwei nok awak. Noro Na di Allah ne nikos ser sisar cig kin noom ningon cig ri. Nani ne ningondut tungwatu nya cig kin ningon sibui sut yok haninyai bi cig cem ri. Ade ningon ngakeisi nindig bibor bibindei ba, akes yok ei bihigom bi sren.

MAZMUR 109:12

Nnaba hi ningon nggriu sut noni bingondut nimunggwom bat di mai leu yok nya au.

MAZMUR 138:7

Mpe di mun di buhun yon ttai da ne acuon diyaisi. Ahwen ditde siceu di iten-pos nya lene aba Ade nisindemti biteu da bidingwes ngun.

YESAYA 14:3

tuhan mikwek mben Israel leu ide ninggwenti nya kin niweisi di itug ndei kin midyai di buhun di siceu nya ibidip huk yok di igyai cem.

YESAYA 5:2

Noni kkin dihyei bibon beden lene com tig hagom leu leu api ta anggur nikioi di kei bibor eisi. Noni hok ig jibei gom ser mpia dima bibon ba, gom mem gima ibikimut anggur ngei eisi. Lene noni bet ningon mem nijam di ba anggur dima ngat ningat. Noro mpe dino noni puk ningat ne ngat lo, hagom hyenha bibor.

YESAYA 5:5

Gima rino dibibon miai ba anggur dima nok gini. Dinggek ngug di bikrop ttai mpia dima hagom leu api disindui sut mindhe-ndhe di ipijuk bi nya igyem ningat bitem dihyei tut.

YESAYA 61:4

Nide limwa nya miwin minu di timek bingwig nya bikinding mpia ttou nsi nya di ha he bong hagom bikei hanyen.

YEHEZKIEL 11:16

Ipai nok lo, ma atri tut Ditde nisokti dini bak asut bat nya di ingat rin ei ingkiaisi bipia Dani rino dicom yok ting bibor ug ei ngkiai nya ikieti ba, dibindei bintek gimahap ug ei minu dima yok. Noro dingat rin bit yok mem nijam di ingat rin ei ingkiaisi.

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

HAGAI 1:9

Jingon ya mem gi jiyai ningat di mpung bipias hagau ei beisi lo, ningat di jiyai rino poi mien bibor he leu api tirigi jittei gi ndima kwei lo, dihi dinnei eisi bidibindei ba, hou di dimiep bindei ba, njita ngwig hak leu je. Nggon rino diyai nok gima i? Diyai nok gima drek dip Ditde Ig di wer igkum kroi lo, bikwop tungwagom-gom ta nibou ei nide ig di ngotti.

ZAKHARIA 2:5

tuhan preu ei bipia Nonti ne hum di cig-cai di nok ngug tig di bikrop ttai minu ndig dima binyohou yok lene bigwam tut Nide nisindemti kin ninyeng di jei biborti hagom eisi.”