EZRA 9:7 - ALLAH NIHYET MEM TUNGWATU NYA

⁷ Ade limwa di nyeni nibon sisar tut Nani habiei leu nijam di nidigup bat-nidigai bat nya igyaijo yo pima kikau kwei bipek ammani kep. Gima rino bindei di nibou ndig mben ngkiai ibindei timek nyeni kin nyende nibou ndig nya kin imam nya bitut nye dini yok cem ug a. Ba, igyai nimai binye cem ikri nye nok awak di ipian nye ug ei minu ngkiai ide cem ug a. Iba ighyet bicig nye bijo kikau noyam kin mun di nuum ei njap di ammani.

EZRA 9:7 ပူးပေါင်းရင်းမြစ်များ

NIBOU NDIG NYA GI NIGOM 8:47

lene tuhan e, handei kon ba, angig atingou mem Ade limwa nya ighyet tirigi ingat nadi. Gino ittin ser ide sisar bingat nadi bak Nani lene ipai jit bipia ibon sisar ba, imbuk bibor tu lene ma angig atingou mem ighyet.

NIBOHON MBEN ISRAEL GI NICAN 29:6

Idigup bat-idigai bat nya iba ingon di gom bibit tuhan Allah bi. Ba, ikes Noni ei leu api iba inghim bak Nide gumihyep di Ningat rin eisi dini cem.

NIBOHON MBEN ISRAEL GI NICAN 30:7

Ma jinok jidigup bat-jidigai bat nya kin mben Israel nindigsi nya di iba ingon di gom bibit ide tuhan Allah bi pima au. Jo nibreisi mem je tu bipia Noni kes hukum ei yok dip tu.

NIBOHON MBEN ISRAEL GI NICAN 34:24

‘Midikes hukum ei minu ndig Yerusalem bitut timiei minu ndig Yerusalem yahagom dip tug hon nisigionti nya di ipas kep ei srat dimati di ikwop bak Na Di Nibou Ndig pima tu.

EZRA 9:13

Mbro nok gino nibon sisar ba, nitunggwei sut Ade nicukti cem apino aba mun di buhun bihwen nyeni drek dip tu lo, nikan tut bipia mun di buhun di abihwen nye dima buhun bibor binjiriek leu mun di buhun di suar nuum rin bi. Noro no ateu nye ba, ningwes ngun tu.

NEHEMIA 9:30

Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

YESAYA 64:4

Ter leu Nani lene tungwatu nya ingat kwar di yai nibou tut yo di iba ingon com noni noyam kin Nani bou igyai him ba, imiap ninghapti cem bi sren.

YEREMIA 25:18

Diyai gimokti dima bak minu ndig Yerusalem kin minu ndig hagom di jo ei minu Yehuda bitut nide nibou ndig nya kin yo di igya kui yok bidut. Apino iwer iggum ndigsi di ngoi-nga di bindei igyai ttin. Tungwatu nya iba minu dima ninyeng bisigion yam kikau kwei bipek ammani kep.

YEREMIA 3:25

Gima rino nna ba nigwam nimmaiti ug. Nna ba niwer mindhe tut ug. Lewo niya tut nidigup bat-nidigai bat nya ba, nibon sisar tut nyende tuhan Allah ninno tu ba, nigibit Nide nicuk nyeti nya cem bi sren.”

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.

YEREMIA 32:32

drek dip mun di kinei ngot di timiei Yehuda kin minu ndig Yerusalem nya bitut ide nibou ndig nya kin nibou di igya kui yok kin imam nya kin nabi nya ibon tunggwei nya.

YEREMIA 44:22

tuhan om ningonti tut gi ngat jibon munti di kinei kin gi suwok dima bu bi tu. Gima rino nogindini jitimieisi timek tu. Tungwatu ibong ser bu bi noro iba minu dima ninyeng bisigion yam. Yo di ingat gima yok nya igyai ttin ningat tu.

YEREMIA 44:9

Jibbwe ser mun di kinei hagom di jidigup bat-jidigai bat nya kin nibou ndig minu Yehuda nya kin itnem bat nya kin jeni kin jitnem bat nya jibon ei minu Yehuda kin puig ngot di mbut ei minu ndig Yerusalem cem tu e?

NIBWOS-BWOS NYENTI 5:7

Nidigup bat-nidigai bat nya ibon sisar bimai leu nye nipou su noro tini bu ne suar nyeni nitug ndei ninghuisi wei drek dip ide sisar di ibon nya o!

YEHEZKIEL 11:9

Midibuwak je leu minu ndig dini bidikes je bak ngkiai nya lewo dijem nimai gau je tu.

YEHEZKIEL 39:23

Ngkiai nya yahagom mingon huk niti bipia mben Israel ibon sisar tut Dani apino dipinak yok ug ei ingkiaisi ug a. Dikes yok ei cem disindui sut yok ba, ide siceu nya ibindei timek yok leu api itug ndei nimai ei pranti cem tu.

MBEN ISRAEL IMBUT-MBUT NYEN 32:14

Lene nogindini jeni cem jingkek nddok nok jicig bat nya! Jeni ne nimpung nibon sisar rin ba, jibinduk tuhan nigga biborti kep mben Israel hanyen bu!

SAMUEL GI NIGOM 12:15

Ne gino jimiap kep Noni nihyet ba, jijoi sut nicuk jeti nya bi lene Noni miba nitok bak jeni kin jide nibou ndig.