EZRA 9:12 - ALLAH NIHYET MEM TUNGWATU NYA

¹² Nabi dima yok icuon ser nye leu binhyepo niyai ipmisop bat nya biwak yam srig yamti bibor ba, nimpu yok tut ide niyemti kin ide nimati dem kin ide nibong kei nigwam keisi au. Gino nibit ahyet dima lene miniyai nisindemti ba, miniyem ningat di ntun dihyei dini him ba, nibikes dihyei dini ei mem nyende nintun him yamti di bram yam nya binok ide dihyei ninda rom bijo ninno bijo kikau cem.

EZRA 9:12 ပူးပေါင်းရင်းမြစ်များ

NIBOHON MBEN ISRAEL GI NIGOM 28:8

Leu api Daud binut nihyet bu bipai “Gima rino ditde limwa jen e, nogindini dibidip huk je bibor ei ide Allah kin ide tuhan de limwa Israel jahagom di jidem yam ei dini joho bei leu binhyepo jahagom jibit ide tuhan Allah nicuk nyeti nya hagom nok gi mungkun kei. Gino jiyai nok gima lene minu di kei dini minok jide minu ninda rom kikau ba, jide nintun him yamti di bram yam nya miba yokep minu dini sindam bijo ninno bijo kikau.”

NIBOHON MBEN ISRAEL GI NICAN 19:2

Lene Nabi Yehu di Hanani nipmot kwei um noni bipai bak “Dem tut gima Na di Andigpoi ampu no di mbuk bibor dima ba, atti kin no di ningon mpo tut tuhan dima e? Na Di Andigpoi ayai munti dima bindei ba, tuhan gga na.

EZRA 9:2

Pinai Yahudi nya iwak sop mben ngkiai apino map kui tuhan de limwa pijum nya tu. Yo di ibon mun dima nimbie him ngat hak rino nibou mben Israel kin yo di inyeng jei nya.

NEHEI LEUSI 23:32

Ma jitto mun bak timiei minu dima kin ide nung di ikuk yok bak nya cem au.

NIPINGOK NINGONTI 13:22

No di ningon kwes kei mibindei ba, nignyon bat nya iba yokep nide ndigban noro yo di ingon sren nya iba yokep ndigban di yo di ibon sisar inju ei mem yonti.

NIPINGOK NINGONTI 20:7

Munggwom nya di ibon icig bat di igyai munti nya kei bibor kei di ingon gom ne ingon nggei-hi-nggei.

YESAYA 1:19

Gino jibit dihyet ne mijiyem kep ningat di kei hagom di hei ei jide minu dima.

NINDAT KEP TUHAN NICUKTI NYA 23:6

Ma jimpu mben dima ba, jibindei ba, ibong kei igwam kei cem tirigi je di mben Israel jingat rin ei dihyei ninjek dip dini au.

NINDAT KEP TUHAN NICUKTI NYA 23:7

Ma jingwes om kep mben Edom au lewo yo dima ne jimbier kimti ri. Ma jingwes om kep mben Mesir cem au lewo nipou yo lene jibong ei ide minu tu.

NINDAT KEP TUHAN NICUKTI NYA 7:3

Ma jibuwak sop di ide nya bak jipmot bat nya binok itnem bat nya au. Ma jitri jipmisop bat nya bak yoni nok itnem bat nya cem au.