Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




EZRA 9:1 - ALLAH NIHYET MEM TUNGWATU NYA

1 Tirigi ibon mun nyeng dima yok hagom biput tu lene nibou mben Israel ibou poi ikwei pai bida bipia limwa Israel nya bitut imam nya kin Lewi nya igimbres yonti leu mben ngkiai di ibong ttai yok nya bi. Ngkiai dima yok ne mben Amon kin Moab kin Mesir kin Kanaan kin Het kin Feris kin Yebus kin Amori ri. Ningat ne imam kin Lewi nya igyai bram mun di kinei-kinau di ngkiai dima yok ibon kep nya.

အခန်းကိုကြည့်ပါ။ ကော်ပီ




EZRA 9:1
37 ပူးပေါင်းရင်းမြစ်များ  

Lene ei nidipti bu mem nijam di agnyon bat nya ignyon bat nya igyaijo lene ade nintun him yamti di bram yam nya mporo mingkwei hanyen ei sirini. Lewo midijji mben Amori leu minu dini bigyo bibou ikum ei ide nimbukti nindig bibor bu ug e leu api mpe dima lene midikes hukum ei yok dip.”


Nibou Ndig Salomo bungwam kep sop ngkiai nya imang bibor ba, wak sop Het kin sop mben Moab kin sop mben Amon kin sop mben Edom kin sop Sidon cem hagom ba, bikum nibou ndig mben Mesir nipmisop pima bu.


Manasye bon sisar tut tuhan biyai bram mben di tuhan jji yok leu minu Kanaan ei mpe di po mben Israel icoi ei minu pima igyai kepti di kinei bibor nya.


Salomo ba mben Kanaan ide nintun him yamti di bram yam nya di mben Israel igiyai nimai biyok ei mpe di po icoi di igyai minu dima di igyati ei nimbie him pima bi nya bigyai midyai nibidip hukti nya. Yo dima rino mben Het kin Amori kin Feris kin Hewi kin Yebus. Lene yo di intun yok him nya inok awak kikau kwei bipek njap di ammani kep.


Lene Sekhanya di Yehiel nipmot leu Elam ninsi de nya pai bak Ezra “Nibon sisar tut tuhan drek dip gi niwak sop ngkiai nya srig yamti. Mbro nok gima lo, no bon nituti mem Israel igyai nikos ser ide sisarti yo.


Tungwa tou rino kwei ei ninsi njap ningai bi lene nibou nya migyai nide ndigban ba, ima hak leu noni leu api iciu ser no dima ninyeng leu daptar di limwa mben Israel inyeng joti. Nibou nya iba inda ceti bipas ei srat di tibim tut nihyet di buhun dimati.


Ei nijam dima cem dingat lo, limwa Yahudi imang bibor di iwak sop ngkiai di mben Asdod kin Amon kin Moab nya.


Tobia cem ya tut noni bibinut nihyet bu bipai “Jingat ngug tig di ikinding hanyen dima i! Nsien bigbehei sindem mem gima nggek ngug tig dima bingwig!”


Mpe dima lene Sanbalat kin Tobia kin mben Arab kin mben Amon kin mben Asdod yahagom imiap nyeni ninghapti tut gi nikinding ngug tig di bikrop ttai minu ndig Yerusalem kikau ug bipek niket ei yamti apino ingon sibui sut nye nindig bibor.


Timiei minu Israel dini yok imbres yo leu ngkiai nya nipou su. Lene yahagom ikiju ba, igya ter bipai jit ide sisar kin idigup bat-idigai bat nya ide sisar cem.


Noro iwak sop ngkiai nya nok itnem bat nya bigyai bram yo di ikan tut Allah bi nya igyai kepti nya.


tuhan ba neheng bipreu ei mem jidigup bat-jidigai bat nya bipia Noni mindo minu di mben Kanaan kin mben Het kin mben Amori kin mben Hewi kin mben Yebus yoni ibong ser dima bije binok jide hanjop nsi. Tirigi tuhan buwak je ug ei minu dibon ninnumti di kei bibor kei dima lene jiyok ngon kep nibon midut roti di dwoi bi mem bed gi nigom rino bed Abib bikwop ari bingwam hagom.


Ditde malaikat mibie tut je bibuwak je ug ei mben Amori kin mben Het kin mben Feris kin mben Kanaan kin mben Hewi kin mben Yebus yahagom ide minu leu api midicok tut yo dima yahagom.


Gino abit nye bi lene ngkiai nya mikan tut gino ajoi sut dani kin ditde limwa dini yok bi. Gino angat rin ei nyeni nikieti lene yo dima mikan tut bipia nyeni ter leu mben nindigsi bidem dihyei nisurti-nipekti hagom.”


Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.


Tirigi timiei Yehuda ide nibou nya imiap tut mun dima nipek kepti lene ibipbur ba, ijo leu ide ig nibou ndig bikwei ei tuhan De Ig leu api igwam kui Dimbou Pmem Di Nijep.


Lene nibou nya kin ide limwa nya ipai bak imam nya kin nabi nya “No dini tri tut nihyet binye tug hon tuhan di nok ide Allah ninyeng. Gima rino ma igyai nimai binoni au.”


Harin dima jiyai bram timiei minu Mesir po mpia di jibong eisi nipou pima kin timiei minu Kanaan di mpia di nogindini dibuwak je ug eisi dima igyai kepti nya a.


Timiei minu Yehuda ipigau gi preu di Allah preu ei mem yok tug hon gi ibon mun di bindei ba, timiei minu ndig Yerusalem kin minu Yehuda yahagom igyai ngkek ttin. Pinai Yehuda ibindei ba, map kui tuhan De Ig di Noni ningon ngakei tug hon gi iwak sop di ikuk yok bak ngkiai nya ide kwar nya.


Diya ei mbigdip dini bidicap yok tu. Dikui ug ei nipieti leu binhyepo diyok diyai kep yok. Jingat i! Yo dima ne keret di igya biyongkom rin ba, isrig keret hiter nya ikieti kan bi.


Mpe di gom tirigi Musa kin limwa mben Israel yahagom ipim ba, ibikiek-kiek nyen kui dimbou ei tuhan De Prang Meng nuhui lene ingat lo, limwa mben Israel gom buwak sop Midian gom ug ei nide prak meng nsi.


“Tirigino jicoi ug ei minu di jide tuhan Allah miyai bije lene ma jiyai bram ngkiai nya di ibong ei minu dima ide nibon munti di kinei nya au.


Ma jisindui sut yok ba, dem mem ide nintun him yamti di bram yam nya icoi bit tuhan de limwa nya.”


“tuhan di nok jide Allah mibuwak je ug ei minu ttou nsi gom leu binhyepo jidigek kep minu dima nisurti-nipekti. Lene Noni mijji ngkiai nya imang bibor leu minu dima. Noni mijji mben nindig bibor muhwindacan di isindem bibor dor njiriek je cem bou jiyai him. Yo dima rino mben Het kin mben Girgasi kin mben Amori kin mben Kanaan kin mben Feris kin mben Hewi kin mben Yebus.


Gino jingon gom tut Noni bu bi ba, jiket ei mben di ibong ei jikieti nya bijiwak ide sop nya kin pinai nya,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ