EZRA 8:31 - ALLAH NIHYET MEM TUNGWATU NYA

³¹ Nikiju binimbut leu Minyei Ahawa nipimat ba, nuug ndam Yerusalem ei njap gi nisimnaibrimigcan mem bed gi nigom. Nyende Allah nyohou nye leu yo di imbuk di micut igkep nye bigyon ser nye cem kak puig sinon.

EZRA 8:31 ပူးပေါင်းရင်းမြစ်များ

EZRA 7:28

Allah mpu da bibindei ba, nibou ndig dima kin yo di ipingok kep ningonti kin nibou di isindem di igya kui noni yahagom ijoi sut da. Ditde tuhan Allah win kep dingonti bibindei ba, dibidip huk nibou mbier mben Israel imang bibor ingkwei hanyen kwei ei minu ndig Yerusalem bit da tu.”

EZRA 7:9

Imbut ei njap gi nigom mem bed gi nigom lene ikwei krau ei njap gi nigom mem bed gi nimuhwi lewo Allah sindem tut yok.

EZRA 8:15

Diba nimpung dima bicom yam ei minyei di biam ug ei minu ndig Ahawa nipimat. Leu api nohok prak meng ba, nibong njap ningai ei mpia dima. Tirigi diyok diyai kep yok lene dingat lo, imam nya hi ingat rima ei ikieti noro dingat hi di ntun Lewi him bi sren.

YESAYA 66:14

Tirigi mun dima pek kep mem jeni ne mijingon nggei-hi-nggei ba, jinghuisi sindem cem kwes cem ba, jidem kep minta di nimeng ngun-ngau kei. Leu api Ditde nisindemti mimpung ei Ditde awak nyati noro Ditde siceu nya mitug ndei Ditde nigga yoti.”

KISAH 25:3

noni ngondut yok bisok nihyet bak nide limwa nya bibuwak Paulus hanyen kwei ei minu ndig Yerusalem. Yahara Festus nok lewo ide limwa nya igyok ingon gom mem Paulus ba, itin ei mem ihwen noni hapuig.

KISAH 26:22

Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.