EZRA 8:23 - ALLAH NIHYET MEM TUNGWATU NYA

²³ Gima rino niyem njita bi mem nituti poi ba, nibingat nadi bak Allah ba, nahara leu binhyepo Noni minyohou nyeni apino Noni buhup nadi di ningat dima.

EZRA 8:23 ပူးပေါင်းရင်းမြစ်များ

NITRITI 25:21

Mpe dima lene Ishak ngat nadi tindei nitnem lewo Ribka pijet leu api tuhan buhup nide nadi bibindei ba, Ribka nghop.

NIBOU NDIG NYA GI NICAN 13:4

Leu api Yoahas ngat nadi bak tuhan. tuhan ngat lo, mben Siria ide nibou ndig ba nisibut biborti bico kep mben Israel apino tuhan buhup Yoahas de nadi dima.

NIBOHON MBEN ISRAEL GI NIGOM 5:20

Tentara dima yok iba ingon com Allah ba, yahara bak leu binhyepo mpu yoni. Leu api Noni buhup ighyet bisindem tut yok leu binhyepo ibindei timek mben Hagri nya bitut tentara ngkiai di itti kin yok nya yahagom.

EZRA 8:31

Nikiju binimbut leu Minyei Ahawa nipimat ba, nuug ndam Yerusalem ei njap gi nisimnaibrimigcan mem bed gi nigom. Nyende Allah nyohou nye leu yo di imbuk di micut igkep nye bigyon ser nye cem kak puig sinon.

NEHEMIA 9:1

Ug ei njap gi ningot can ba, bitai ei bed dima lene mben Israel yahagom induk yam kwei bisindui njita mem nituti poi ba, ijuk sinsun kron cem yahap dihyei ndung ei ibou nggram him cem di bindo bipia ittin ser ide sisar.

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

NIPINGOK NINGONTI 3:5

Ma aba angon titut yam bicom com tuhan lo, aba angkiem bisu ade ningon dorti au.

YESAYA 19:22

tuhan mimbas mben Mesir noro Noni mibindei ba, ikei hanyen. Yoni mikiek ndam tuhan leu api Noni mibuhup ide nadi bibindei ba, ikei hanyen yo.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

LUKAS 2:37

lene noni wer kibom kikau ba, nogindini nide njap ug ei ari bingwam ningot muhwindaningai ba, bitai. Noni bong kep Tuhan De Ig bikwop mmun-njap ba, kuk no bak Allah tug hon nadi kin niyem njita bi mem nituti poi.

KISAH 10:30

Kornelius buhup “Njap ningai gi pini jug lene dingat nadi mem jam ningai di mpia caisi leu api tungwagom di juk sinsun di jinjit kei kwei ya kros ei doho bei.

NINDAT KEP TUHAN NICUKTI NYA 4:29

Mpe dima ne mijinggok tut tuhan di nok jide Allah ba, gino jiba jingon di gom binggok tut Noni lene mijingat Noni.