EZRA 8:22 - ALLAH NIHYET MEM TUNGWATU NYA

²² Dikan bipia bibou dahara nibou ndig bikes nide tentara di iba kuda di ibri nya bikon pran kan nya bihi ba, igya ser nye leu siceu nya kak puig sinon dima noro dimmai sut. Lewo dipai binoni nipou su bipia bikwop tungwa tou rino ba ningon com nyende Allah lene Noni minjei mun di kei bak no dima. Noro Allah ningon mpo tut bikwop tungwa tou rino ba ningon di gom bikuk no bak Noni bi leu api mikes hukum ei no dima dip.

EZRA 8:22 ပူးပေါင်းရင်းမြစ်များ

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

EZRA 7:28

Allah mpu da bibindei ba, nibou ndig dima kin yo di ipingok kep ningonti kin nibou di isindem di igya kui noni yahagom ijoi sut da. Ditde tuhan Allah win kep dingonti bibindei ba, dibidip huk nibou mbier mben Israel imang bibor ingkwei hanyen kwei ei minu ndig Yerusalem bit da tu.”

EZRA 7:6

Mpe dima lene Ezra jo leu minu Babel bimbut ug ei minu ndig Yerusalem. Noni coi pikor wer ninno tu apino ningon ki ba, kan bidem tuhan di mben Israel ide Allah nicukti nya di tug hon Musa cem. Ezra kuk no bak tuhan apino Allah njei mun di kei bak noni bisindem tut noni nindig bibor. Gima rino nibou ndig Persia kwas mun di Ezra suar nya tut noni bit leu Ezra ningon kanti.

EZRA 7:9

Imbut ei njap gi nigom mem bed gi nigom lene ikwei krau ei njap gi nigom mem bed gi nimuhwi lewo Allah sindem tut yok.

EZRA 8:31

Nikiju binimbut leu Minyei Ahawa nipimat ba, nuug ndam Yerusalem ei njap gi nisimnaibrimigcan mem bed gi nigom. Nyende Allah nyohou nye leu yo di imbuk di micut igkep nye bigyon ser nye cem kak puig sinon.

NEHEMIA 2:9

Lene nibou ndig cuk nibou pran ibou poi kin tentara di ibri kuda igkei nya nimpung gom ba, yehei sut da tirigi duug ei Efrat-Bei-Mpia-Nikimbasti. Tirigi dikwei krau tu lene disu srat nisindem nya bak nibou hanjop dima yok.

MAZMUR 20:8

Tungwatu bihi iba ingon com ide kroba pran nya lene bihi iba ingon com ide kuda nya. Noro tut nyeni ne iba ingon com ide tuhan Allah bitut Nide nisindemti.

MAZMUR 34:22

No di sibut mitug ndei nimai drek dip nide nisibutti ba, yo di ingon koi kep yo di ingon sren nya mitug ndei hukum.

MAZMUR 90:11

Tou ritug ndei Ade nigga bibor nisindemti i? Tou riningon dorti tut mun di micut igkep nye tug hon Ade ningon sibui sut tungwatu nyati i?

NIBWOS-BWOS NYENTI 3:25

tuhan singat tut yo di iba ingon com Noni kin yo di inggok tut Noni.

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

KORINTUS GI NIGOM 9:15

Mbro nok gino dem mem ditindei kep jindati tut mun di Tuhan kos tut binye lo, diyai bi sren. Diba srat dini bitindei kep jindati tut mun di Tuhan kos tut mem nye dima bi. Nnaba dimai hak nipou ug e leu ma mun di disimbot dat dima pror leu da.

KORINTUS GI NICAN 7:14

Ditri tut ditde ningon llei bibor tut jeti bak noni nipou su. Lene dipai sigyo lewo jibindei bidingon pus tut je bi. Mun di nitri tut bije hagom nijit-jau ri. Nok gima cem ditde ningon llei bibor tut jeti di ditri tut bak Titus dima ne nijit rin bingat ningat tu.

IBRANI 10:38

Ba, Ditde limwa di ingon sren nya migyai niyaijo lewo ingon gom tut Da. Noro dijoi sut Ditde limwa di ingkwei hanyen nya bi.”

YOSUA 22:16

lene ipai biyok gau tuhan de limwa di mben Israel inyeng “Nggon rino jibon mun di kinei tut Allah Israel dini i? Jikiek ba, jaham jimbuk kep tuhan tug hon nimbar hum dok di jiwin dima tu. Ba, jibit nicuk jeti nya bu bi su.

YOSUA 23:16

gino jitunggwei gi preu di jide tuhan Allah yai bije. Gino jibit bi lo, jikuk je bijinggei sut nung di ngkiai nya ikuk yok bak lene tuhan migga jeni bikes hukum ei jeni dip leu api jigom ngat migwam ei minu di kei di Noni yai bije dini bu bi.”

PETRUS GI NIGOM 3:12

Lewo Allah nyohou yo di ibit ningon kanti bingig nitingou mem ide nadi. Noro Noni tte tut yo di isibut di ibon mun di mbuk nya.”