EZRA 7:28 - ALLAH NIHYET MEM TUNGWATU NYA

²⁸ Allah mpu da bibindei ba, nibou ndig dima kin yo di ipingok kep ningonti kin nibou di isindem di igya kui noni yahagom ijoi sut da. Ditde tuhan Allah win kep dingonti bibindei ba, dibidip huk nibou mbier mben Israel imang bibor ingkwei hanyen kwei ei minu ndig Yerusalem bit da tu.”

EZRA 7:28 ပူးပေါင်းရင်းမြစ်များ

EZRA 9:9

Mbro nok gino mben ngkiai yuubon nye nok awak lo, agikes nyeni ei bi. Abindei ba, nibou ndig Persia nya ingondut nye apino isindui sut nye ba, niyaisi jo cem niwin Ade Ig di wer cou ngwam tu dini hanyen cem ug a. Lene anyohou nye ba, nibong kei nigwam kei ei hanjop Yehuda kin minu ndig Yerusalem cem hanyen tu.

NEHEMIA 2:8

Dahara noni tut srat nisindem gom kin bu mem gima dindo bak Asaf di ya ser baham nitindurti ei hanjop nsi dima. Lewo disuar no dima mpu da bisra cou kin biei ner mem dibikinding dimbou heisi nya ei yo di igya ser tuhan De Ig nya ide ig kin dimbou pmem ei ngug tig di bikrop ttai minu ndig Yerusalem ba, dibingot ditde ig gom di dibong ser cem. Apino nibou ndig ce tut mun di dahara noni tut hagom lewo Allah hati tut da.

EZRA 8:18

tuhan singat tut nye bibindei ba, ipinak Serebya leu Mahli ninsi de nya kwei. Serebya ntun keret Lewi him ba, ningon ki bibor. Kwei dima lene kwei sut nimunggwom bat nya kin nide adig-ajoi nya di imangti ibou simnaimuhwidip brimigtehiningai.

EZRA 5:5

Noro Allah ngig niyai kep nibou Yahudi dima binyohou yok. Gima rino yo di igya kui nibou ndig Persia ikos tut mem gima igyai ibou tut yok bigyo bibou ipinak srat hi kin bu bak Darius ba, itug ndei nibuhup hanyenti nipou ug e.

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”

YUNUS 3:7

Noni cem tri tut nicukti bak timiei minu ndig Niniwe yahagom bipai biyok “Nicukti dini leu da di nibou ndig kin nibou nya di igya kui da. Je di timiei minu ndig Niniwe e, ma jeni kin jide mindhe-ndhe di jihyen kep nya cem jahagom jiyem njita bijidut ndia ngei au.

NEHEMIA 1:11

Ma angig atingou mem dihyet kin Ade awak nindigsi nya di ikon anyeng yahagom ighyet. Ampu da leu binhyepo dibindei ba, nibou ndig ngondut da tirigi dihug ba anggur ningei ei mokti bak noni mem njap di ammani lewo dani ne Ade awak ri.”

EZRA 7:14

Da di nibou ndig bitut yo di ipingok kep dingonti ibou muhwindacan nahagom nicuk na di Andigpoi ba, suar aug hanyen ei minu ndig Yerusalem kin hanjop Yehuda leu binhyepo ayok ayai kep minu dima ba, anggok tut notou timiei minu dima ibit Allah de Nicukti di Noni ba ningon com na di Andigpoi tut cem.

EZRA 7:9

Imbut ei njap gi nigom mem bed gi nigom lene ikwei krau ei njap gi nigom mem bed gi nimuhwi lewo Allah sindem tut yok.

EZRA 7:6

Mpe dima lene Ezra jo leu minu Babel bimbut ug ei minu ndig Yerusalem. Noni coi pikor wer ninno tu apino ningon ki ba, kan bidem tuhan di mben Israel ide Allah nicukti nya di tug hon Musa cem. Ezra kuk no bak tuhan apino Allah njei mun di kei bak noni bisindem tut noni nindig bibor. Gima rino nibou ndig Persia kwas mun di Ezra suar nya tut noni bit leu Ezra ningon kanti.

NITRITI 43:14

Nna ba Allah Di Sindem Bibor mipingok nibou mben Mesir dima ningonti leu binhyepo ngondut je bikes Simeon kin Benyamin hanyen bije. Noro tut danti ne gino suar dimunggwom bat nya ipror leu da lene minggon ndei?”

EZRA 8:1

Mpe di Kaisar Artahsasta kui bigwam nok nibou ndig ba, ninyeng tak kep limwa nya lene nibou mem insi de nya di inok awak ei minu Babel ingkwei hanyen kwei ei minu ndig Yerusalem bit da di Ezra. Yo dima ne,

MAZMUR 109:12

Nnaba hi ningon nggriu sut noni bingondut nimunggwom bat di mai leu yok nya au.

EZRA 8:15

Diba nimpung dima bicom yam ei minyei di biam ug ei minu ndig Ahawa nipimat. Leu api nohok prak meng ba, nibong njap ningai ei mpia dima. Tirigi diyok diyai kep yok lene dingat lo, imam nya hi ingat rima ei ikieti noro dingat hi di ntun Lewi him bi sren.