EZRA 7:1 - ALLAH NIHYET MEM TUNGWATU NYA

^1-5 Ari bingwam mang bibor ser ba, tirigi Kaisar Artahsasta ninyeng tak kep mben Persia ne Ezra no rinaha. No dini kwop kep nidigup bat-nidigai bat nya inyeng kan kikau ug bipek Harun po Imam Nibou Ndig pima. Ezra nicig ne Azarya rin ba, Azarya ntun Hilkia him ba, Hilkia ntun Salum him ba, Salum ntun Zadok him ba, Zadok ntun Ahitub him ba, Ahitub ntun Amarya him ba, Amarya ntun Azarya him ba, Azarya ntun Merayot him ba, Merayot ntun Zerahya him ba, Zerahya ntun Uzi him ba, Uzi ntun Buki him ba, Buki ntun Abisua him ba, Abisua ntun Pinehas him ba, Pinehas ntun Eleazar him ba, Eleazar ntun Imam Nibou Ndig Harun him.

EZRA 7:1 ပူးပေါင်းရင်းမြစ်များ

NIBOU NDIG NYA GI NICAN 22:4

“Aug ngat Imam Nibou Ndig Hilkia ba, ahig ser noni tut mitiei di imam nya itug ndei tirigi itindei ser tungwatu nya ei dimbou hui ei tuhan De Ig dima nimangti.

NIBOU NDIG NYA GI NICAN 22:8

Gima rino Safan ndat kep nibou ndig nicukti bak Hilkia leu api Hilkia pai bak bipia noni ngat tuhan de srat niggai serti ei tuhan De Ig. Noni yai srat dima bak Safan leu api Safan kwop nibokti.

NIBOU NDIG NYA GI NICAN 25:18

Nibou pran Nebuzaradan kat Imam Nibou Ndig Seraya kin imam Sefanya di ya kui Seraya kin nibou mem tuhan De Ig di inyeng jei nya ibou ningai yahagom ba, isima ug ei minu Babel.

NIBOHON MBEN ISRAEL GI NICAN 34:15

Lene Hilkia pai bak Safan “Dingat Srat tuhan Nicukti Nya bou diyai him ei tuhan De Ig tu.” Pai nok leu api yai srat dima bak Safan.

NIBOHON MBEN ISRAEL GI NICAN 34:9

Lene Lewi nya di igya ser tuhan De Ig nimbou igyai mitiei di igyok keyam nya ba, ikes bak Hilkia di Imam Nibou Ndig. Mitiei dima kwei leu keret Efraim kin keret Manasye kin limwa nindigsi nya ei Ninyeng Tak Kepti Ei Nite Bei Mpia Nijjai kin timiei Yehuda nya kin timiei minu ndig Yerusalem nya.

EZRA 4:7

Mpe di gom bu ei nijam di Kaisar Artahsasta ninyeng tak kep minu Persia ne Bislam kin Mitredat kin Tabeel yoni igya tut isut bat nya bipas srat bak nibou ndig dima bu. Iba nihyet Aram bipas srat dima. Gima rino mpe di ikwop srat dima bak nibou ndig lene suar hi luei nihyet di iba nihyet Aram bipas dima ei nihyet di nibou ndig ningon dor niti.

EZRA 6:14

Midyai niwin tuhan De Ig di nibou mben Yahudi ibindei mbut dima mbut sindem bibor tug hon Nabi Hagai kin Nabi Zakharia di iwin kep ide limwa nya ingonti. Limwa nya ikinding hagom biput haninyai bit leu nok Allah Israel kin nibou ndig Kores kin Darius kin Kaisar Artahsasta ei minu Persia cem ide nicuk yoti.

EZRA 7:10

Ezra dimig nide njap ei mem gima kwop-kwop nyen tuhan de nicukti nya bibindei mbut nicukti dima cem ngginau yok tut cem leu nipou kwei bipek ammani kep tu.

EZRA 7:12

“Srat nisindem dini leu da di Kaisar Artahsasta ba, dikes srat dini ei Imam Ezra nindati lewo ningon ki tut Nicukti nya di kwei leu Allah di ninyeng jei ei gwamti.

EZRA 7:21

Ditri tut nicukti dini bak nibou kintror mitiei nibousi bidem hanjop Efrat-Ei-Mpia-Nikimbasti hagom leu binhyepo ibipbur ba, ikwas mitiei tut Imam Ezra di ningon ki tut Allah di ninyeng jei ei gwamti Nicukti nya dima bit leu nok nahara yok tutti.

NEHEMIA 2:1

Bed nitindur bitai ser tu lo, tirigi Nibou Ndig Artahsasta yem njita ne diba diimaisi mmou buhug ba anggur ningei ei mokti bak. Hon kep njap dima nimo jug noni ngat diimaisi di hai nok gima bou niyai him bi sren.

NEHEMIA 8:1

Ug ei bed nimuhwindacan lene mben Israel yahagom ibong kei igwam kei bidem ide minu ndig nya hagom. Ug ei njap gi nigom ei bed dima ne yahagom induk yam kwei ei minu ndig Yerusalem bidem yam ei biyati di nindig gom ei Dimbou Pmem Minyei Su nite dima ug ba, yahara imam Ezra di ningon ki tut Nicukti di tuhan yai bak mben Israel tug hon Musa leu binhyepo noni ug yai Srat Nicukti dima kwei.