EZRA 6:9 - ALLAH NIHYET MEM TUNGWATU NYA

⁹ Ma jita jibou ei nikwas mun di imam nya ei minu ndig Yerusalem isuarti nya tut yok bikwop njap ngwa hagom bit leu nok yahara je tutti. Bitut sapi nikre nehen pap kin domba kin domba mien nya di indig kep hum ei nimbar hum dokti bak Allah di ninyeng jei ei gwamti cem gandum kin nsim kin ba anggur ningei kin mini zaitun hagom cem.

EZRA 6:9 ပူးပေါင်းရင်းမြစ်များ

NIBOHON MBEN ISRAEL GI NIGOM 9:29

Ibihi bu yahati tut ndigban nindigsi di imam nya ibibon midut kin tepun kin ba anggur ngei kin minu zaitun kin biei nggrai di ui-gwang kei kin mun di ibibindei njita nyop kei hagom cem.

EZRA 6:10

Suar jibit dicuk jeti dini leu binhyepo yo dima ibon midut di Allah di ninyeng jei ei gwamti joi sut nya ba, ingat nadi tindei Allah de mun di kei mem dani kin dipmot bat nya.

EZRA 6:8

Ditri tut nicukti dini bak je di disut bat jen leu binhyepo jimpu yok tut midyai dima. Suar jiba mitiei di jitug ndei tug hon belasten di mben Efrat-Ei-Mpia-Nikimbasti ibigo gau yok dima bigo tukan di ingot Ig dima imuhuba. Ma jibindin-ndin nyen yok tut imuhup au.

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

IMAM NYA IDE MIDYAI 1:10

Gino tungwagom ba nide domba ningut gom e, he kambir ningut gom e, bikuk no bak tuhan lene ma noni dimig nikre di bok-ba bi.

IMAM NYA IDE MIDYAI 9:2

Lene noni cuk Harun “Ma ajem sapi nikre nehen pap ningut gom kin domba nikre ningut gom ba, hacem ibok-ba bi kwei leu api abui hacem nok mun di abikuk na bak tuhan. Sapi nikre dima mem nibon midut nibiyai nikos ser sisarti lene domba nikre mem nibon midut nindig mindhe titut kep hum.

MARKUS 9:49

Mpe dima lene Allah nden Nide hum ei bikwop tungwagom-gom dip. Hum dima noyam kin nsim di tungwatu nya inden ei mikwau di ikwas tut Allah ei nimbar hum dokti di bindei ba, nyop kei.