EZRA 6:20 - ALLAH NIHYET MEM TUNGWATU NYA

²⁰ Imam nya kin Lewi nya yahagom ibon midut di bindei ba, map kui yok bu bi leu binhyepo igyai kep ide midyai nya. Lewi nya ibui mindhe-ndhe mem Njap Ndig Paskah bidigo ninghui gau yo po ingkwei hanyen kwei leu ingkiaisi pima kin imam nya kin yonti cem.

EZRA 6:20 ပူးပေါင်းရင်းမြစ်များ

NIBOHON MBEN ISRAEL GI NICAN 29:34

Imam di ibindei kwes yonti ibou poi he ba, dem mem gima yeet mindhe-ndhe dima hagom ningkek leu bi. Gima rino Lewi nya impu yok tut neet mindhe ngkek leusi lewo ingon gom tut nibon midut nipiap yonti bipwoi dor njiriek imam nya. Gima rino Lewi nya impu yok tut midyai dima kikau bibou imam di ibindei pwoi yonti imangti dem ug e.

NIBOHON MBEN ISRAEL GI NICAN 35:11

Ibui mindhe-ndhe kep nibon midut Njap Ndig Paskah. Lewi nya yeet mindhe ningkek leu lene imam nya iba mindhe ninggrom bigimahap nimbar hum dok nidip hu kwei.

NIBOHON MBEN ISRAEL GI NICAN 35:14

Gima leu api Lewi nya itin ei mikwau di mem yonti kin gi hi di mem imam di intun Harun him nya. Igyai nok gima lewo imam nya inda jo kep niyai midyai kikau ug bipek mmun kep. Midyai dima ne nibon midut nindig mindhe-ndhe titut kin nindig nimmau ndok leu mindhe-ndhe di ibui nya cem kep hum bak tuhan ri.

NIBOHON MBEN ISRAEL GI NICAN 35:15

Lewi nya ibou poi itin ei nibon midut kep Njap Ndig Paskah mem yo di ingon ki tut nikek musik di igya coi Asaf ninsi de nya di intun keret Lewi him di ingat rin ei mpia di igyai midyai dima eisi po Nibou Ndig Daud ndo ei mem yok tu pima. Yo dima inyeng Asaf kin Heman kin Nabi Yedutun di ya kui nibou ndig bitut yo di igya ngkiem ser dimbou pmem nya di igikes ide dikti ei bi ri.

NEHEI LEUSI 12:21

Lene Musa nduk nibou mben Israel yahagom kwei bipai biyok “Jahagom juug ba, jijem domba pmot ningut gom kwei mem jide ig bei nsi nya leu binhyepo jitin ei mem nibon midut Njap Ndig Paskah.

IBRANI 7:27

Noni noyam kin imam nibou ndig nindigsi nya di ibon midut nibikos ser sisarti mem ide sisar nipou ug e leu api mem ide limwa nya ide sisar bikwop njap-njap bi. Noni bon midut nibikos ser sisarti mbigom ngat he lene bijo kikau tirigi kes Nonti ei mem ide sisar pima.