EZRA 6:16 - ALLAH NIHYET MEM TUNGWATU NYA

¹⁶ Lene mben Israel bitut imam nya kin keret Lewi nya kin yo di ingkwei hanyen kwei leu ingkiaisi yahagom iba ingon di llei bibor bipiga tuhan De Ig a.

EZRA 6:16 ပူးပေါင်းရင်းမြစ်များ

NIBOU NDIG NYA GI NIGOM 8:62

Lene Nibou Ndig Salomo kin nide limwa nya di induk yam ei su ibon midut nindig mindhe-ndhe titut ei humti bak tuhan.

NIBOU NDIG NYA GI NIGOM 8:63

Noni bon midut nibiyai ningon kwes kin tuhanti tug hon gi ibui sapi ningut sribu nyatungwagom bican kin domba ningut sribu sratus gom ba, nyatungwagom bak tuhan. Tug hon nisinati dima ne noni kin nide limwa nya yahagom ipiga tuhan De Ig tu.

NIBOHON MBEN ISRAEL GI NIGOM 15:28

Mben Israel yahagom injei nyahan bit Brua Gi Preu dima kikau ba, ikwei krau minu ndig Yerusalem kep. Lene iba ingon di llei bimbos-hi-mbos cem imiep pun mbrei nicun nya kin nijei nya cem ibui yeng beng ngkimom-tembaga cem ikek nggong mbrei nya cem.

NIBOHON MBEN ISRAEL GI NIGOM 9:2

Yo di ingkwei hanyen ug ei itimieisi ba, ibong ser minu ndig di ide nya hanyen ei nimbie him ngat rino imam nya kin keret Lewi kin yo di igyai midyai ei tuhan De Ig bitut ide awak nya cem.

NIBOHON MBEN ISRAEL GI NICAN 29:30

Nibou ndig kin nibou di inyeng jei nya icuk Lewi nya bipai doia nibikon tuhan ninyeng ngot di Daud Asaf nya ipas kep nya. Tungwatu nya yahagom iba ingon di nggei-hi-nggei bipai doia lene iba ibiau bicom mpia lene iba ingwak bikik dihyei cem bibikuk yok bak Allah.

NIBOHON MBEN ISRAEL GI NICAN 30:23

lene yahagom ikos tut mem gima ibinut nibon midut kep Njap Ndig Paskah dima ei njap muhwindacan bu. Leu api iba ingon di nggei-hi-nggei bibon midut kep Njap Ndig Paskah hanyen bu.

NIBOHON MBEN ISRAEL GI NICAN 30:26

Minu ndig Yerusalem mpung tut tungwatu nya di ingon llei bibor lewo habiei leu nijam Salomo di Daud nipmot ninyeng tak kep yo dima ne nibon midut hi nok gima pek kep mem yok bigyo.

NIBOHON MBEN ISRAEL GI NICAN 7:5

Salomo kwas sapi ningut sribu ningot can bican lene domba ningut sribu sratus gom nyatungwagom tut yok. Lene ibui bindig hagom ei nimbar hum dokti bak tuhan ba, ibibon midut nibiyai ningon kwes kin Allahti. Tug hon nisinati dima ne nibou ndig ya tut limwa nide di nipmem ngat dima ba, ibon midut nipiga ig di ikuk yok bak tuhan eisi mem Noni.

EZRA 4:1

Keret Yehuda kin Benyamin ide siceu nya imiap tut bipia yo po inok awak ei ingkiaisi nipou pima inghapti no inda jo kep tuhan De Ig di iwin kep a.

EZRA 6:22

Ibon pesta kep Njap Ndig Roti Dwoi Bi cem kikau mem ari nitindur gom. Yahagom ingon llei bibor lewo tuhan bindei ba, nibou ndig Mben Asyur ngondut yok bahati tut yok cem tirigi iwin tuhan De Ig mem mben Israel ide Allah.

NEHEMIA 12:27

Tirigi ipiga ngug tig di jo ttai minu ndig Yerusalem lene ijem Lewi nya ba, ikwei leu ide minu di ibong niti hagom leu binhyepo iba doia nipai sigyoti bikon tuhan ninyeng ei njap nipiga ngug tig dimati. Yo dini iba yeng beng nya kin nggong brei nya bikon tuhan ninyenga.

NEHEMIA 12:43

Njap dima ne ibui mindhe-ndhe ngot bindig ei nimbar hum dokti bak tuhan. Limwa nya igyai nillei lewo Allah bindei ba, ingon nggei-hi-nggei su. Sop nya kin munggwom nya cem ibit yok tut pesta dima lene ighyet di ibigyai nillei dima tibim ug ei minu ting bijo ninno.

NEHEMIA 7:73

Imam nya kin Lewi nya kin yo di igya ser dimbou pmem nya ei tuhan De Ig nya kin yo di iba musik bipai doia kan nya kin limwa nitu nya imang bibor kin yo di igyai midyai ei tuhan De Ig nya ba, gi irop nipmem tut hak ne limwa Israel yahagom titut yam ibong timiei hak ei minu ndig kin minu mien ngot di jo ei hanjop Yehuda.

NEHEMIA 8:10

Ma jingkwei hanyen ug ei jide ig leu binhyepo jibon pesta. Ma jiba jide njita kin anggur ngei bingondut jisut bat yo di yuhui mbum nya. Njap di ammani ne njap di ipigig sut ei mem ide Tuhan ri. Gima rino ma jingon kinei au. Ningon di llei bibor di tuhan yai bije mibindei ba, jiyai nisindemti.”

MAZMUR 122:1

Daud de doia nikui ug ei Mbigdip Sionti. Dingon llei nindig bibor tirigi tungwatu nya icuk da bipai “Jikwei ba, icoi ug ei tuhan De Ig!”

DANIEL 5:13

Haninyai ibuwak Daniel kwei biya ei nibou ndig noho bei leu api nibou ndig hig ser noni “Nani ne Daniel leu mben Yahudi po dicig njei bikat na kwei leu atimieisi ei minu Yehuda pima rin e?

YOHANES 10:22

Tirigi bed di biang hou kin tto bou mem tungwatu nya ibon pesta kep Njap Ndig Nipiga Tuhan De Ig ei Yerusalem dem,

NINDAT KEP TUHAN NICUKTI NYA 12:7

Ma jeni kin jimunggwom bat nya jiyem pesta kep ba, jillei ngwig sut jide midyai di jinda jo kep nya ei tuhan di nok jide Allah Noho bei ei minu ttou nsi gom dima. Lewo Noni singat tut je nindig bibor.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”