EZRA 6:14 - ALLAH NIHYET MEM TUNGWATU NYA

¹⁴ Midyai niwin tuhan De Ig di nibou mben Yahudi ibindei mbut dima mbut sindem bibor tug hon Nabi Hagai kin Nabi Zakharia di iwin kep ide limwa nya ingonti. Limwa nya ikinding hagom biput haninyai bit leu nok Allah Israel kin nibou ndig Kores kin Darius kin Kaisar Artahsasta ei minu Persia cem ide nicuk yoti.

EZRA 6:14 ပူးပေါင်းရင်းမြစ်များ

EZRA 3:8

Ikinyon ei niwin tuhan De Igti hanyen ei bed gi nican ba, ari bingwam gi nican niabiati ingkwei hanyen kwei ei minu ndig Yerusalem tu. Yo di igyai kep midyai dima inyeng Zerubabel kin Yesua kin isut bat mben Israel kin imam nya kin keret Lewi nya kin yo po ibong ingkiaisi pima yok yahagom. Keret Lewi nya di ide njap ug ei ari bingwam nyatungwagom nima kui inyeng tak kep yo di iwin tuhan De Ig ba, ipingok ingonti tut.

EZRA 4:24

Limwa Yahudi ikes inda tut niwin tuhan De Ig bijo hak tu ba, igiwin nut bu bi kikau ug bipek nijam di nibou ndig Darius ninyeng tak kep Persia mem ari bingwam can tu.

EZRA 4:3

Noro Zerubabel Yesua nya kin nibou insi de nya pima ibuhup “Nisuar jimpu nye tut midyai niwin ig mem nyende tuhan Allahti bi. Miniwin Ig dima binyenti bit leu Kores di nibou ndig Persia nicuk nyeti.”

EZRA 5:1

Mpe dima lene nabi cin di Hagai Zakharia nya di icig ninyeng Ido ikiju bimbrap tug hon tuhan Allah Israel ninyeng bak limwa Yahudi nya di ibong ei hanjop Yehuda kin minu ndig Yerusalem.

EZRA 5:13

Niabiati di Nibou Ndig Kores kui bigwam nok nibou ndig mem mben Babel ba, ninyeng tak kep nok nibou ndig mem nijam ari bingwam gom tu lene tri tut nihyet leu binhyepo nyeni nidigup bat-nidigai bat nya iwin tuhan De Ig hanyen.

EZRA 5:2

Tirigi Zerubabel di Sealtiel nipmot kin Yesua di Yozadak nipmot imiap nabi cin isok kep yokti lene ikinyon ei midyai niwin tuhan De Igti didiyam hanyen ei minu ndig Yerusalem. Leu api nabi cin dima impu yok tut.

EZRA 6:3

“Tirigi Nibou Ndig Kores sindi ninyeng tak kep limwa nya mem ari bingwam gom tu lene noni tri tut nicukti leu binhyepo tungwatu nya iwin tuhan De Ig ei minu ndig Yerusalem hanyen leu binhyepo ibon midut nindig mindhe-ndhe bak tuhan eisi. Suar Ig dima nijeisi meter nyatungwagom ba, muhwindacan ba, ninyanti cem meter nsi nyatungwagom ba, muhwindacan.

EZRA 6:8

Ditri tut nicukti dini bak je di disut bat jen leu binhyepo jimpu yok tut midyai dima. Suar jiba mitiei di jitug ndei tug hon belasten di mben Efrat-Ei-Mpia-Nikimbasti ibigo gau yok dima bigo tukan di ingot Ig dima imuhuba. Ma jibindin-ndin nyen yok tut imuhup au.

EZRA 7:1

Ari bingwam mang bibor ser ba, tirigi Kaisar Artahsasta ninyeng tak kep mben Persia ne Ezra no rinaha. No dini kwop kep nidigup bat-nidigai bat nya inyeng kan kikau ug bipek Harun po Imam Nibou Ndig pima. Ezra nicig ne Azarya rin ba, Azarya ntun Hilkia him ba, Hilkia ntun Salum him ba, Salum ntun Zadok him ba, Zadok ntun Ahitub him ba, Ahitub ntun Amarya him ba, Amarya ntun Azarya him ba, Azarya ntun Merayot him ba, Merayot ntun Zerahya him ba, Zerahya ntun Uzi him ba, Uzi ntun Buki him ba, Buki ntun Abisua him ba, Abisua ntun Pinehas him ba, Pinehas ntun Eleazar him ba, Eleazar ntun Imam Nibou Ndig Harun him.

EZRA 9:9

Mbro nok gino mben ngkiai yuubon nye nok awak lo, agikes nyeni ei bi. Abindei ba, nibou ndig Persia nya ingondut nye apino isindui sut nye ba, niyaisi jo cem niwin Ade Ig di wer cou ngwam tu dini hanyen cem ug a. Lene anyohou nye ba, nibong kei nigwam kei ei hanjop Yehuda kin minu ndig Yerusalem cem hanyen tu.

NEHEMIA 6:15

Niwin ngug tig nikineisi hanyenti dima yem njap nitindur ningot muhwi ba, can. Midyai dima put hak ei njap nyatungwagom ba, muhwi mem Bed Elul.

YESAYA 44:28

Dipai bak Kores ‘Anyeng mitak kep limwa nya mem Da leu binhyepo ayai munti nya hagom bit leu dingon kanti. Acuk tungwatu nya leu binhyepo iwin minu ndig Yerusalem ba, ita cou nipmem nya mem tuhan De Ig hanyen.’ ”

HAGAI 1:1

Darius ninyeng tak kep Persia buug cut ari bingwam gi nican ei njap gi nigom mem bed gi nimuhwindagom lene tuhan sok nihyet ei Nabi Hagai dip. Nisokti dima bak nibou Zerubabel di Sealtiel nipmot ba, ninyeng tak kep mben Yehuda kin Imam Nibou Nindig di ninyeng Yosua di Yozadak nipmot cem.

HAGAI 1:8

Nogindini ma jikui ug ei nungug tou nya bijikut bum kwei mem gima jibiwin Ditde Ig leu api dingon mikei sut jiyai munti dima. Tug hon nisinati dima ne mijikuk je biDa nok gi dem hanyen bu. Ma jingig jiyai kep mun di cut igkep je nya!

ZAKHARIA 1:1

Tirigi Nibou Ndig Darius ninyeng tak kep Persia buug cut ari bingwam gi nican ei bed gi nimuhwindaningai ne tuhan sok nihyet dini bida di Nabi Zakharia di Berekhya nipmot ba, Ido nignyon.

ZAKHARIA 1:16

Gima rino dingkwei hanyen kwei ei minu ndig Yerusalem mem gima dikos ser minu ndig dima nitunggweisi. Timiei minu ndig dima miwin Ditde Ig kin minu ndig Yerusalem hanyen leu api ibong kei igwam kei nok gi nipou hanyen bu.”

ZAKHARIA 4:9

bipai “Zerubabel prion tig mma mem Ditde Ig nikiou tu ba, noni miwin Ig dima titut yam biput. Gino gima pek kep ne Ditde limwa nya mikan tut bipia Da di tuhan rino dicuk na ndam yok a.

ZAKHARIA 8:9

tuhan pai bak Nide limwa nya “Nogindini jimiap mun nyeng di nabi nya indat kep ei mpe di iprion cou mem gima iwin Ditde Ig hanyen ei nitti leusi tu. Gima rino ma mimbri kui jingkek!