EZRA 6:11 - ALLAH NIHYET MEM TUNGWATU NYA

¹¹ Tut yo di ibit ditde nicukti dini bi ne diba dihyet bikak nindigsi nya leu binhyepo ikus dihim gom leu no dima nide ig leu api yeheu niyenti binggwen lene ibidat ningut ba, ninggwenti kimbas eisi bittau nite hi. Suar jilet nide ig leu api jibindei ba, nigkumti dem kep nok jui mumpiang di mpiei bibor.

EZRA 6:11 ပူးပေါင်းရင်းမြစ်များ

NIBOU NDIG NYA GI NICAN 10:27

Indig kwar ningat bitut ig Baal nibousi cem. Ibindei ba, mpia dima noyam kin gumuhukti kikau kwei bipek ammani kep.

NIBOU NDIG NYA GI NICAN 9:37

ninjum nikenti nya mijo sinsiou nyen noyam kin sapi oi apino tungwatu nya mikan igbit tut nimai ngut dima ninyeng bu bi sren.”

EZRA 7:26

Bikwop tungwa tou rino bit ade Allah niggai serti kin nibou ndig Persia niggai serti bi lene suar jikes hukum ei no dima dip kros. Suar bihi tug ndei hukum nimai lene bihi tug ndei hukum nicom ug ei ningkiaisi ba, bihi tug ndei hukum nipos mun di nyeng tut nya bingwig leu no ba, bihi tug ndei hukum nisima ei ig bui nsi lene nok.”

ESTER 5:4

Lene Ester buhup “Gino Na Di Anyeng Jei ajoi sut da lene ma Na Di Anyeng Jei kin Haman jeni jihwou yem njita di dingei ei mem Na Di Anyeng Jei ei mmun di ammani.”

ESTER 7:10

Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

DANIEL 2:5

Nibou ndig buhup “Dikos tut bipia suar jimbot kep tut ditde mumpriem bibie bida leu api jicoi ei ningatti bram bu. Gi bi ne midikos jahagom kukiau leu api midibindei ba, jide ig tti biyem mpia ningwig a.

DANIEL 3:29

Gima rino ditri tut bipia bikwop tungwagom-gom di leu timiei minu nya kin mben nya kin gi mbrap nihyet hiter nya di nihyet wer mpiahi tut Sadrakh kin Mesakh kin Abednego ide Allah mitug ndei hukum nikos noni kukiau kin, nilet nide ig bingwig biwer ig kum kroi cem. Bit bon kwar hi teu tungwatu nya noyam kin Allah di teu yo dini kan bi.”