EZRA 6:10 - ALLAH NIHYET MEM TUNGWATU NYA

¹⁰ Suar jibit dicuk jeti dini leu binhyepo yo dima ibon midut di Allah di ninyeng jei ei gwamti joi sut nya ba, ingat nadi tindei Allah de mun di kei mem dani kin dipmot bat nya.

EZRA 6:10 ပူးပေါင်းရင်းမြစ်များ

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

EZRA 1:2

“Da di Nibou Ndig Kores dinyeng tak kep mben Persia ba, ditri tut dicuk jeti. tuhan di nok Allah di ninyeng tak kep gwamti bindei ba, dinyeng tak kep tungwatu bidem dihyeisi dini hagom. Noni cuk da leu binhyepo diwin Ig nibousi gom mem Noni ei minu ndig Yerusalem ei hanjop Yehuda.

EZRA 6:9

Ma jita jibou ei nikwas mun di imam nya ei minu ndig Yerusalem isuarti nya tut yok bikwop njap ngwa hagom bit leu nok yahara je tutti. Bitut sapi nikre nehen pap kin domba kin domba mien nya di indig kep hum ei nimbar hum dokti bak Allah di ninyeng jei ei gwamti cem gandum kin nsim kin ba anggur ningei kin mini zaitun hagom cem.

EZRA 7:23

Suar anyohou tin ei mun di Allah ei gwamti suar mem Nide Igya. Tug hon nisinati dima ne abindei ba, Allah ningon sibui sut da kin yo di intun dani him bigya luei dohoti ei nidipti bu bi sren.

NEHEI LEUSI 12:32

Jijem jide sapi nya kin domba nya kin kambir nya hagom bijimbut tut bihigom! Lene jingat nadi tindei da.”

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

DANIEL 2:46

Leu api Nibou Ndig Nebukadnezar kuk no biba ningwak bikik mpia ei Daniel noho bei leu api cuk nide limwa nya leu binhyepo yoni cem ikuk yok binoni bibon midut nindig mindhe-ndhe kep hum bak binjei ide mun di kei hi bak noni cem.

IMAM NYA IDE MIDYAI 1:13

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima yai mindhe dima ningut titut bak tuhan leu api ndig kep hum ei nimbar hum dokti. Lene tuhan mijoi sut ninghap di ngge kei dima.

IMAM NYA IDE MIDYAI 1:9

Noro ma no dima ba minyei bipiap bei ninghopti kin nindimuhum cem nipou ug e. Lene ma imam dima ndig sapi ningut titut kep hum ei nimbar hum dokti. Lene tuhan mijoi sut ninghap di ngge kei dima.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.