EZRA 6:1 - ALLAH NIHYET MEM TUNGWATU NYA

¹ Gima rino Nibou Ndig Darius bindei ba, yo di igya kui noni inggok ser Kores de nicukti di jo srig srat di noni nju bikui sur mpia ei nide kintrorti ei minu Babel.

EZRA 6:1 ပူးပေါင်းရင်းမြစ်များ

EZRA 4:15

bak Na Di Anyeng Jei leu binhyepo acuk timiei kintrorti leu binhyepo igyok igyai kep srat di adigup bat-adigai bat ide di jo keyam ei kintrorti nya ug e. Lewo tug hon srat dima nipas kepti ne angon midorti tut bipia ningat ne timiei minu ndig Yerusalem ne nihwen mun cig rin cem ibindei ba, nipou kwei bipek ammani kep yahak ide mun di kinei dima ei nibou ndig nya kin nibou hanjop nsi nyati leu binhyepo yo dima yaham imbuk kep no di ninyeng tak kep yok. Timiei di ibong ser minu ndig Yerusalem ingkek ndok ba, nggruk bibor mem gima hi bie tut yok a. Gima rino bitig dino ide siceu nya ibindei sar minu ndig dima ug a.

EZRA 4:19

Leu api dicuk yok ba, igyok igyai kep srat di jo keyam ei kintrorti tu lo, jo nibreisi bipia habiei ei nimbie him kwei lene timiei minu ndig Yerusalem yaham imbuk kep nibou ndig nya di inyeng tak kep yok. Yo dima imang bibor isibut ba, isinsiou tungwatu nyati cem.

EZRA 5:17

Gino Na Di Anyeng Jei ace tut lene nipai ningon kanti gom bina. Ma yo di igya kui nani igyok igyai kep srat nibohon ngot di jo keyam mem minu Babel ninyeng tak kepti ei kintrorti. Tug hon srat dima yok ne mijo nibreisi bipia Nibou Ndig Kores nicuk tungwatu nya mem gima iwin Tuhan De Ig ei minu ndig Yerusalem hanyenti dima jo nijoti yo. Nibet ningon mem Na Di Anyeng Jei ade nibuhupti kin akos tut munhyet diniti.”

EZRA 6:22

Ibon pesta kep Njap Ndig Roti Dwoi Bi cem kikau mem ari nitindur gom. Yahagom ingon llei bibor lewo tuhan bindei ba, nibou ndig Mben Asyur ngondut yok bahati tut yok cem tirigi iwin tuhan De Ig mem mben Israel ide Allah.

EZRA 7:13

Ditri tut ditde nicukti nya bipia suar nibou nya bidem minu di dinyeng tak kep nya isindui sut mben Israel di ijoi sut ingkwei hanyen nya bitut imam kin Lewi nya ba, iba yok bikum na di Andigpoi Ezra tirigi angkwei hanyen ug ei minu ndig Yerusalem.

AYUB 29:16

Dibon danti bidinok yo di yuhui mbum nya icig lene dimbrap gau mben ngkiai cem.

MAZMUR 40:7

Ajoi sut midut nindig mindhe kep humti kin midut nibiyai ningon kwes kin Nati kin midut njita nibipai sigyo bak Naniti bi. Asuar midut nindig mindhe titut kep humti kin midut nibiyai nikos ser sisarti cem bi. Noro abindei ba, ditingou dile leu binhyepo dintu kep ahyet.

NIPINGOK NINGONTI 25:2

Tungwatu nya ikon Allah ninyeng drek dip Nide niyai munti di yai niku nya ba, ibou cut bak nibou ndig drek dip mun di noni pai brei binye.

YEREMIA 36:29

Noni sok nihyet ei da dip bak nibou ndig bipai “Andig srat pima kep hum tu ba, ahig ser Yeremia tut nggon rino noni pas kep srat bokti dima tut nibou ndig minu Babel di mikwei bindei timek minu dini bibiyai nimai bak timiei nya kin mindhe-ndhe nya i?

YEREMIA 36:32

Leu api duug yai srat kijum gom kin bu kwei bidiyai bak Barukh di nok ditde sekertaris leu api noni pas kep srat bokti di dindat kep bak noni nipou pima hanyen bu ba, dibikum dihyet hi kin bu eisi.

YEHEZKIEL 2:9

Lene dingat ninda di su tut srat kijum gom kwei ndam da.

YEHEZKIEL 3:1

Allah pai bida “Na di tungwatu di ayaijo kikau bi e, ma ayem srat kijum dini bingwig leu api aug mbrap bit mben Israel.”

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

NINGAT-HI-NGAT NYA 5:1

Leu api dingat lo, No di gwam banggo mbrei dip di krau srat kijum ei ninda com. Srat bokti mang bibor jo ei bei ninghim-noho lene iba biei nggrai bikrau kep srat dima mbimuhwindacan niti.