EZRA 4:7 - ALLAH NIHYET MEM TUNGWATU NYA

⁷ Mpe di gom bu ei nijam di Kaisar Artahsasta ninyeng tak kep minu Persia ne Bislam kin Mitredat kin Tabeel yoni igya tut isut bat nya bipas srat bak nibou ndig dima bu. Iba nihyet Aram bipas srat dima. Gima rino mpe di ikwop srat dima bak nibou ndig lene suar hi luei nihyet di iba nihyet Aram bipas dima ei nihyet di nibou ndig ningon dor niti.

EZRA 4:7 ပူးပေါင်းရင်းမြစ်များ

NIBOU NDIG NYA GI NICAN 18:26

Lene Elyakim kin Sebna kin Yoah ipai bak nibou pima “Andigpoi e, ma aba nihyet Aram bimbrap bit nye lewo nimiap nihyet dima. Ma aba nihyet Ibrani au. Lewo nyende limwa di igwam ngug tig dip dima yahagom imiap ahyet.”

EZRA 4:1

Keret Yehuda kin Benyamin ide siceu nya imiap tut bipia yo po inok awak ei ingkiaisi nipou pima inghapti no inda jo kep tuhan De Ig di iwin kep a.

EZRA 4:17

Lene nibou ndig buhup ide srat tug hon nipas kepti dini bipai, “Dipinak srat dini bak Rehum di nok nibou hanjop kin Samsai di sekertaris hanjop nsi bitut jisut bat di ibong ei Samaria kin jisut bat di ibong ei minu ndig hiter nya ei hanjop nsi Efrat-Bei-Mpia-Nikimbasti. Jicemo!

EZRA 4:8

Srat nimeng gom kin bu tut minu ndig Yerusalem cem ug krau Kaisar Artahsasta nonti. Rehum di nok nibou kin Simsai di nok sekertaris ei hanjop nsi dima rino ipas srat dima di icom bak nibou ndig a. Isut bat di igyai midyai nok nikei nya kin nibou di igya kui nibou ndig Persia nindigsi nya di itimieisi leu minu ndig Erekh kin Babel kin Susan ei minu Elam cem impu nibou cin dima tut srat dini.

EZRA 5:6

Mun di ipai sut ug bak nibou ndig dima nibimbiti pai,

EZRA 7:1

Ari bingwam mang bibor ser ba, tirigi Kaisar Artahsasta ninyeng tak kep mben Persia ne Ezra no rinaha. No dini kwop kep nidigup bat-nidigai bat nya inyeng kan kikau ug bipek Harun po Imam Nibou Ndig pima. Ezra nicig ne Azarya rin ba, Azarya ntun Hilkia him ba, Hilkia ntun Salum him ba, Salum ntun Zadok him ba, Zadok ntun Ahitub him ba, Ahitub ntun Amarya him ba, Amarya ntun Azarya him ba, Azarya ntun Merayot him ba, Merayot ntun Zerahya him ba, Zerahya ntun Uzi him ba, Uzi ntun Buki him ba, Buki ntun Abisua him ba, Abisua ntun Pinehas him ba, Pinehas ntun Eleazar him ba, Eleazar ntun Imam Nibou Ndig Harun him.

EZRA 8:36

Leu api igyai srat nisindem di nibou ndig pas di kes ei indati bak nibou di ninyeng jei pima kin yo di igya kui noni ei hanjop nsi Efrat-Bei-Mpia-Nikimbasti. Yo di igya kui nibou di ninyeng jei dima yok iba munkwas bimpu timiei mben Israel leu binhyepo imati dem mem gima ibikuk yok bak tuhan ei Nide Ig.

NEHEMIA 2:1

Bed nitindur bitai ser tu lo, tirigi Nibou Ndig Artahsasta yem njita ne diba diimaisi mmou buhug ba anggur ningei ei mokti bak. Hon kep njap dima nimo jug noni ngat diimaisi di hai nok gima bou niyai him bi sren.

YESAYA 36:11

Leu api Elyakim kin Sebna kin Yoah ipai bak nibou tentara dima “Andigpoi e, ma aba nihyet Aram bimbrap bit nye lewo nimiap nihyet dima. Ma aba nihyet Ibrani au. Leu ma limwa di igwam ngug tig dip ei dima imiap mun di apai binye nya.”

DANIEL 11:2

Ba, mun di dipai bina ne mun di nijit ri.” Malaikati dima pai “Nibou ndig ningai gi hiter bu nya inyeng tak kep minu Persia leu api nibou ndig gi nibitai bram. Nibou ndig gi nibitai dima nyeng tut ndigban nindig bibor dor njiriek leu gi nindigsi nya. Ug ei nide ninyeng tak kepti kin ninyeng tut ndigban nindig biborti dima nipekti lene noni hum mben hagom insi mem gima ihwen bit minu Yunani ninyeng tak kepti.

DANIEL 2:4

Yo dima iba nihyet Aram bibuhup “Nnaba na di Nibou Ndig ayaijo ninno! Na di Andigpoi e, apui sut ade mumpriem binye leu api minipai igbit bina tut ningat a.”