EZRA 4:3 - ALLAH NIHYET MEM TUNGWATU NYA

³ Noro Zerubabel Yesua nya kin nibou insi de nya pima ibuhup “Nisuar jimpu nye tut midyai niwin ig mem nyende tuhan Allahti bi. Miniwin Ig dima binyenti bit leu Kores di nibou ndig Persia nicuk nyeti.”

EZRA 4:3 ပူးပေါင်းရင်းမြစ်များ

NIBOHON MBEN ISRAEL GI NICAN 36:22

Ug ei ari bingwam nimbie him ngat di nibou ndig Kores kiju ba, ninyeng tak kep Persia leu api tuhan bindei ba, nihyet po Noni sok ei Yeremia dip bak mben Yahudi pima pek mem yok tirigi ingat rin ei minu Babel. tuhan pingok ei Kores ningonti leu binhyepo bindei hei nicukti gom ba, suar ikwop kep nicukti dima bidem nide ninyeng tak kepti nisurti-nipekti hagom. Nicukti dima nibimbiti pai,

EZRA 1:1

Mpe dino Nibou Ndig Kores sindi ninyeng tak kep mben Persia mem ari bingwam gom lene tuhan bindei ba, nihyet po Nabi Yeremia tri tut gi nipou pima hagom dem igbit nipaisi. tuhan pingok ei Kores ningonti leu binhyepo tri tut ningon kanti tug hon srat gom di nide limwa nya ikwop kep nyen bidem minu di Kores ninyeng tak kepti nya hagom. Noni pai biyok,

EZRA 1:2

“Da di Nibou Ndig Kores dinyeng tak kep mben Persia ba, ditri tut dicuk jeti. tuhan di nok Allah di ninyeng tak kep gwamti bindei ba, dinyeng tak kep tungwatu bidem dihyeisi dini hagom. Noni cuk da leu binhyepo diwin Ig nibousi gom mem Noni ei minu ndig Yerusalem ei hanjop Yehuda.

EZRA 1:3

Handei kon ba, Allah ningat rin bit je di jinok Nide limwa nya. Suar jingkwei hanyen ug ei minu ndig Yerusalem leu binhyepo jiwin tuhan De Ig hanyen. Noni ne mben Israel ide Allah di ikuk yok bak ei minu ndig Yerusalem ri.

EZRA 3:8

Ikinyon ei niwin tuhan De Igti hanyen ei bed gi nican ba, ari bingwam gi nican niabiati ingkwei hanyen kwei ei minu ndig Yerusalem tu. Yo di igyai kep midyai dima inyeng Zerubabel kin Yesua kin isut bat mben Israel kin imam nya kin keret Lewi nya kin yo po ibong ingkiaisi pima yok yahagom. Keret Lewi nya di ide njap ug ei ari bingwam nyatungwagom nima kui inyeng tak kep yo di iwin tuhan De Ig ba, ipingok ingonti tut.

NEHEMIA 2:20

Dibuhup “Allah di ninyeng jei ei gwamti mibindei ba, nyende midyai dini mimbut sindem. Ninok Nide awak nya ba, mbigom nikinyon eisi ug ri. Noro jeni rino jiyai srat nisindem ba, jinyeng tut hanjop nsi hi ei minu dini bi. Ba, daptar di ipas kep timiei minu ndig Yerusalem nya inyeng eisi tibim tut jinyeng bi sren.”

YESAYA 44:28

Dipai bak Kores ‘Anyeng mitak kep limwa nya mem Da leu binhyepo ayai munti nya hagom bit leu dingon kanti. Acuk tungwatu nya leu binhyepo iwin minu ndig Yerusalem ba, ita cou nipmem nya mem tuhan De Ig hanyen.’ ”

YESAYA 45:4

Mbro nok gino akan tut Da haigtu bi lo, dihig anyeng ba, dikon na nok nibou ndig. Dicuk na leu binhyepo ahati tut Ditde awak di mben Israel di didimig yok ei ba, inok Ditde limwa nya.

MATIUS 10:16

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.

YOHANES 4:9

Lene misop dima buhup “Andigpoi e, Nani ne mben Yahudi lene dani ne mben Samaria. Nggon rino ahara da tut minyei mem gima adut i?” (Buhup nok lewo mben Yahudi inghek mben Samaria.)

KISAH 8:21

Adem mem ayai midyai dini bit nye bi lewo angon sren ei Allah niyai him bi.