EZRA 4:20 - ALLAH NIHYET MEM TUNGWATU NYA

²⁰ Nipou yo ne nibou ndig di isindem bibor nya inyeng tak kep minu ndig dima cem hanjop nsi Efrat-Bei-Mpia-Nikimbasti titut yam cem. Lene ibindei mbut belasten kin ndigban nibigo gau minu cem.

EZRA 4:20 ပူးပေါင်းရင်းမြစ်များ

NITRITI 15:18

Mpe dima lene tuhan preu ei bit Abram bipai “Dipreu ei mem ade nintun him yamti di bram yam nya bipia mporo midipek minu dini hagom biyok binok ide hanjop nsi. Hanjop nsi dini ninyanti leu minu Mesir nikwas yamti kikau ug bipek Minyei Efrat.

NIBOU NDIG NYA GI NIGOM 4:21

Bikwop ig bei gom-gom ima ide miai ba anggur kin miai biei ara nghousi. Salomo de limwa nya bidem hanjop Yehuda kin minu Israel nisurti-nipekti di ibong ei hanjop Dan kikau ug bipek kin minu ndig Bersyeba yahagom ibong kei igwam kei mem nijam di Salomo niyaijo yo. Lewo nibou ndig di ibong ei Minyei Efrat nite dini kwei bei mpia nicutti yahagom ibou cut bak noni. Nok gima cem mben di ibong ei minu di jo ttai Salomo de ninyeng tak kepti nya yahagom ihig isut bit noni. Salomo ninyeng tak kep dihyei ei Minyei Efrat nite dini kwei ei bei mpia nicutti ei Tifsah di jo Minyei Efrat nyai kikau ug ei nite mpia nicutti bipek kin minu ndig Gaza ei hanjop minu Filistin kikau ug bipek kin minu niya kwas yamti ei minu Mesir. Mben nya di ibong ei minu dima yahagom ibou cut bak Salomo ba, igo kep belasten bak noni. Njita di Salomo nya isuar bikwop njap-njap rino tepun di ndung-diem liter sribu muhwi kin tepun nitu liter sribu simnai kin sapi nihyen ei ig kandanti ningut simnai lene sapi nihyen bas ei ngoi dumti ningut nyatungwagom kin domba ningut sribu gom bitut rusa nitu kin rusa kijang kin rusa menjangan kin ha ninyengti hagom.

NIBOU NDIG NYA GI NIGOM 5:1

Hiram di nibou ndig Tirus kin Nibou Ndig Daud ihig isut bit yam wer ninno tu. Tirigi Hiram miap tut bipia Salomo ya luei nicig Daud nohoti nok nibou ndig nijep bu lene noni pinak nibou niya hacanti nya ibou poi ba, igya kui Nibou Ndig Salomo.

NIBOU NDIG NYA GI NIGOM 5:4

Noro tini bu ne nide tuhan Allah bindei ba, nyeni ningon kwes kin mben dima yok yahagom tu. Dibon ditde siceu nya bu bi. Gima rino yo di ihwen kep nye hi bu bi.

NIBOHON MBEN ISRAEL GI NIGOM 18:13

Noni bikes nide tentara nya ba, yohok ide prak meng yati mem gima ibiya ser Edom nisurti-nipekti. Lene mben Edom inok Nibou Ndig Daud de limwa nya bu. tuhan bindei ba, Daud hwen nide siceu nya bidem nikon pranti nya hagom bingwig.

NIBOHON MBEN ISRAEL GI NIGOM 18:3

Niabiati bu ne Daud bindei timek nibou ndig Zoba di Hadadezer dideu hanjop Hamat ei minu Siria. Mpe dima lene Hadadezer njei siceu bipi bipos hanjop di jo dideu Minyei Efrat nibrig ba, ninyeng tak kep.

NIBOHON MBEN ISRAEL GI NIGOM 18:6

Leu api Daud kes nide tentara nya ba, yohok ide prak meng yati mem gima igya ser minu di ninyeng tak kep dima. Yo dima yahagom inok Daud de limwa nya bu ba, igo belasten cem bak noni. tuhan bindei ba, Daud bindei timek nide siceu nya bidem nikon pranti nya hagom bingwig.

NIBOHON MBEN ISRAEL GI NIGOM 19:19

Tirigi nibou ndig nya di Hadadezer ninyeng tak kep yok pima ingat lo, tentara Israel ibindei timek yok tu lene yahara mem leu binhyepo ikrau yam nda ser leu api mben Israel inyeng tak kep yok. Hon kep gima kui lene tentara Siria ibrim ingkek bimpu tentara Amon bu bi.

NIBOHON MBEN ISRAEL GI NICAN 17:11

Yosafat tug ndei perak kin ndigban di kei nindig bibor mikui-kausi leu mben Filistin. Lene tug ndei domba ningut sribu muhwindacan sratus muhwindacan kin kambir sribu muhwindacan sratus muhwindacan leu mben Arab.

NIBOHON MBEN ISRAEL GI NICAN 9:14

Lene gima ter leu belasten di brim leu nitri-nipek mun cig nindig nya kin nitri-nipek mun cig nimien nya. Nibou ndig Arab nya kin nibou hanjop keret mben Israel nya cem ikwas mas kin perak tut noni.

EZRA 4:13

Gino iwin minu ndig dima bikiju ba, ikinding ngug tig di bikrop ttai hanyen cem biput lene timiei minu ndig dima mporo ikou sut gi igo belasten gau yoni. Gi nok apino mitiei di bikum ei ade mitiei nibousi micut sindam ri.

EZRA 4:16

Gima rino nikan tut bipia gino timiei nya iwin minu ndig Yerusalem ba, ikinding ngug tig cem biput hanyen lene bit bon Na Di Anyeng Jei anyeng tak kep hanjop nsi Efrat-Bei-Mpia-Nikimbasti bu bi.”

EZRA 4:19

Leu api dicuk yok ba, igyok igyai kep srat di jo keyam ei kintrorti tu lo, jo nibreisi bipia habiei ei nimbie him kwei lene timiei minu ndig Yerusalem yaham imbuk kep nibou ndig nya di inyeng tak kep yok. Yo dima imang bibor isibut ba, isinsiou tungwatu nyati cem.

EZRA 4:21

Gima rino ma jibindei hei nicukti leu binhyepo ikes inda tut midyai dima ba, iwin minu ndig dima hanyen au. Nok bibou dibindei hei srat nibicukti gi ter bu ug e.

EZRA 7:24

Ma jiya tindei belasten bijiyem imam nya kin Lewi nya kin yo di ipai doia igkei nya kin yo di igya ser dimbou pmem nya kin tukan nya yahagom di igyai midyai ei tuhan De Ig dima imuhup au.

MAZMUR 72:8

Ninyeng tak kepti mikieng kep dihyei nisurti-nipekti leu Minyei Efrat kikau ug bipek minu nohon keti.

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

YEHEZKIEL 19:11

Ninda di tug ninjem sindem ba, krop mem gima idahat bi. Ba, ninjem dem mem gima irop binok tom ninyeng tak kepti mem nibou ndig. Ninggrupti jo anai bibor ug bipek kin bumbuhui nijunti. Tungwatu nya yahagom inggap leu sut noni lewo jo anai bibor ba, nimeng nggrou cem.

MATIUS 9:9

Lene Yesus jo leu mpia dima bimbut-mbut nyen. Noni tau kep Matius tirigi noni gwam ei nide kintrorti ba, ya tindei belasten biyem tungwatu nya imuhub. Yesus hig noni “Akwei bit Da.” Lene Matius kiju bibit Noni bihigom.