EZRA 4:19 - ALLAH NIHYET MEM TUNGWATU NYA

¹⁹ Leu api dicuk yok ba, igyok igyai kep srat di jo keyam ei kintrorti tu lo, jo nibreisi bipia habiei ei nimbie him kwei lene timiei minu ndig Yerusalem yaham imbuk kep nibou ndig nya di inyeng tak kep yok. Yo dima imang bibor isibut ba, isinsiou tungwatu nyati cem.

EZRA 4:19 ပူးပေါင်းရင်းမြစ်များ

NIBOU NDIG NYA GI NICAN 18:7

Gima rino tuhan mpu no kikau apino noni ngat ningat di kei bidem nide midyai di yai nya hagom. Hizkia kiek nimig jou tut nibou ndig mem mben Asyur ba, kou sut gima kon ninyeng cem.

NIBOU NDIG NYA GI NICAN 24:20

Gima rino tuhan ningon sibui sut timiei Yehuda kin minu ndig Yerusalem nya nindig bibor bijji yok bingwig leu niyai him.

EZRA 4:15

bak Na Di Anyeng Jei leu binhyepo acuk timiei kintrorti leu binhyepo igyok igyai kep srat di adigup bat-adigai bat ide di jo keyam ei kintrorti nya ug e. Lewo tug hon srat dima nipas kepti ne angon midorti tut bipia ningat ne timiei minu ndig Yerusalem ne nihwen mun cig rin cem ibindei ba, nipou kwei bipek ammani kep yahak ide mun di kinei dima ei nibou ndig nya kin nibou hanjop nsi nyati leu binhyepo yo dima yaham imbuk kep no di ninyeng tak kep yok. Timiei di ibong ser minu ndig Yerusalem ingkek ndok ba, nggruk bibor mem gima hi bie tut yok a. Gima rino bitig dino ide siceu nya ibindei sar minu ndig dima ug a.

EZRA 4:18

Srat di jipinak kwei mem da pima ne hi luei ei nihyet di dimiap ba, ikwop hagom bida tu.

EZRA 4:20

Nipou yo ne nibou ndig di isindem bibor nya inyeng tak kep minu ndig dima cem hanjop nsi Efrat-Bei-Mpia-Nikimbasti titut yam cem. Lene ibindei mbut belasten kin ndigban nibigo gau minu cem.

EZRA 5:17

Gino Na Di Anyeng Jei ace tut lene nipai ningon kanti gom bina. Ma yo di igya kui nani igyok igyai kep srat nibohon ngot di jo keyam mem minu Babel ninyeng tak kepti ei kintrorti. Tug hon srat dima yok ne mijo nibreisi bipia Nibou Ndig Kores nicuk tungwatu nya mem gima iwin Tuhan De Ig ei minu ndig Yerusalem hanyenti dima jo nijoti yo. Nibet ningon mem Na Di Anyeng Jei ade nibuhupti kin akos tut munhyet diniti.”

NIPINGOK NINGONTI 25:2

Tungwatu nya ikon Allah ninyeng drek dip Nide niyai munti di yai niku nya ba, ibou cut bak nibou ndig drek dip mun di noni pai brei binye.

NINDAT KEP TUHAN NICUKTI NYA 13:14

Gino jimiap tut hou ban bei di nok gima lene ma jinggok tut mungkun-kei. Gino ibon mun di kinei dima dem igbit nok hou ban bei dima tu,