EZRA 3:7 - ALLAH NIHYET MEM TUNGWATU NYA

⁷ Mben Israel iba ide mitiei bigo tukan tig kin tukan biei imuhup ba, imbus njita kin ba anggur ningei kin mini zaitun keyam bipinak hagom bak mben Tirus kin Sidon biluei buom Libanon nuut di tukan nya iwim birim ug ei muk pimat leu binhyepo itig minyei tut ug ei minu ndig Yafo. Kores di nibou ndig Persia sindui sut gima igyai kep ide midyai dini hagom.

EZRA 3:7 ပူးပေါင်းရင်းမြစ်များ

SAMUEL GI NICAN 5:11

Lene nibou ndig Hiram ei Tirus cuk yo di igya kui noni ibou poi ba, yuug ngat Daud. Lene noni kwas biei buom Libanon ba, pinak nide tukan biei kin tukan tig ibou poi cem bak Daud leu binhyepo ibingot ig nibou ndig mem noni.

NIBOU NDIG NYA GI NIGOM 5:6

Na di Andigpoi akan tut bipia dibon ditde limwa nya di iwim biei kan noyam kin na di Andigpoi ade limwa nya hi bi. Gima rino ma apinak ade limwa nya ug ei Libanon leu binhyepo iwim buom nya ei sirima. Ditde limwa nya mimpu yok. Lene ma apai igbit ade limwa nya imuhup bida leu binhyepo dibirop hanyen biyok nok gi igbit.”

NIBOU NDIG NYA GI NICAN 12:10

Bikwop mpe dino mitiei di icom ei brua nsi dima mang bibor tu lene nibou ndig de sekertaris gom kin Imam Nibou Nindig ikwei kau brua dima leu ba, igyai mitiei dima hagom bikwop nimangti leu api inggai kep bigyok ei.

NIBOU NDIG NYA GI NICAN 12:13

Noro iba mitiei dima bigo gau midyai niba perak bibon mok mien di bon nikrausi nya kin bokor mien nya kin pun mbrei nya kin mini njeng nidihim nimbumbati nya kin nimbumbati hiter di iba mas kin perak bibon bi.

NIBOHON MBEN ISRAEL GI NICAN 34:10

Niabiati bu ne Imam Nibou Ndig Hilkia ttei mitiei dima bikes bak mindor di igyok igyai kep tuhan De Ig ibou ningai di ikinding kep pima. Ibou ningai dima yuug sut mitiei dima,

EZRA 3:6

Mbro nok gino ikinyon ei niwin tuhan De Igti hanyen bigyo lo, ikinyon ei nibon midut nindig mindhe-ndhe nya kep humti bak tuhan ei bed nimuhwindacan ba, njap gi nigom.

YEHEZKIEL 27:17

Mben Yehuda kin Israel nya iba gandum ngan kin ahwei lon kin mini zaitun kin biei ngat di ui-gwang kei hagom bigo ndigban di ipek leu na nya.

YUNUS 1:3

Noro Yunus kiju binang leu tuhan nicuk noti buug ei minu ndig Yopa. Noni ug krau hammi tirigi kibar minyei gom tin ei mem gima mbut bitot minyei ug ei minu Spanyol. Gima rino noni bipbur ba, go gau nonti bak kiten kibar leu api bri bit timiei kibar nsi nya dima biyuug ei minu Spanyol leu binhyepo bong ting bibor leu tuhan niyai him.

KISAH 12:20

Herodes ningon sibui sut timiei minu ndig Tirus kin Sidon nindig bibor. Gima rino yo dima induk yam ei nimpung gom biyuug ngat noni. Noro yuug ngat Blastus nipou bibrim ingkek kep noni leu api noni tti kin yok. No dini nok nibou mem Herodes de ig bei nsi nya yahagom. Leu api yahagom yuug ngat Herodes ba, yahara noni bikrau yam nda ser. Yahara noni lewo yo dima ide minu mbum apino suar ipek ide njita hagom leu Herodes ninyeng tak kepti.

KISAH 9:36

Sindig Tabita no rima ei minu ndig Yope ba, noni cem ningon jo kep Tuhan. (Iba nihyet Yunani bijem ninyeng hi Dorkas ba, ninyeng ndo tut rusa.) Dorkas de midyai nya hagom kei bibor ba, noni ngondut yo di yuhui mbum nya cem bidem njap ngwa hagom.

KISAH 9:38

Minu ndig Lida kin Yope ne minu di jo dideu yam ri. Gima rino tirigi timiei minu ndig Yope di ingon jo kep nya imiap Petrus ninghapti bipia ningat rin ei minu ndig Lida lene isok ighyet ei ibou can dip bak noni bipai binoni “Ma abrim amig kwei!”

KISAH 9:43

Petrus bong ei minu ndig dima njap poi bu bit tukan di ninyeng Simon di tukan nikak mindhe-ndhe ngkek cig.