EZRA 3:2 - ALLAH NIHYET MEM TUNGWATU NYA

² Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.

EZRA 3:2 ပူးပေါင်းရင်းမြစ်များ

NITRITI 12:7

Lene tuhan ndo Nonti bak Abram bipai binoni “Minu dini ne minu di mporo midiyai bak ade nintun him yamti di bram yam nya ri.” Lene Abram dingug tig nindig bijo-jo yam dip nok nimbar hum dok mem gima binggei sut tuhan di ndo Nonti bak noni.

NIBOHON MBEN ISRAEL GI NIGOM 23:14

Ba, ibindei coi Allah de awak di Musa nipmot bat nya ei keret Lewiti.)

NIBOHON MBEN ISRAEL GI NIGOM 3:17

Munggwom pinai di intun nibou ndig Yoyakhin him di tentara Babel ikat yok di icom yok ug ei minu Babel ibou muhwindacan ba, inyeng rino Sealtiel, kin Malkhiram kin Pedaya kin Syenazar kin Yekamya kin Hosama kin Nedabya.

NIBOHON MBEN ISRAEL GI NIGOM 3:19

Lene Pedaya yai nipmot bat nya ibou can di inyeng rino Zerubabel kin Simei. Ba, Zerubabel cem yai nipmot bat ibou can di inyeng rino Mesulam kin Hananya. Noni yai nipmisop gom di ninyeng Selomit cem.

EZRA 10:18

Gini ne daptar tut yo di iwak sop ngkiai nya pima inyeng ri. Yo dini rino ipreu sut gima ikou itnem bat ngkiai nya leu api indig domba nikre ningut gom ei nimbar hum dokti bak tuhan mem ibon midut nibiyai nikos ser ide sisarti. Ipas kep imam nya inyeng bit leu insi de nya ba, yo dima ne Maaseya kin Eliezer kin Yarib kin Gedalya di intun Yesua ninsi de nya him bitut nide adig-ajoi nya di Yozadak nipmot bat nya kin Hanani Zebaja nya di intun Imer ninsi de nya him kin Maaseya kin Elia kin Semaya kin Yehiel kin Uzia di intun Harim ninsi de nya him kin Elyoenai kin Maaseya kin Ismael kin Netaneel kin Yozabad kin Elasa di intun Pasyhur ninsi de nya him.

EZRA 2:2

Ide nibou di igya tut yok di ingkwei hanyen dima yok inyeng rino Zerubabel kin Yesua kin Nehemia kin Seraya kin Reelaya kin Mordekhai kin Bilsan kin Mispar kin Bigwai kin Rehum kin Baana. Gini ne daptar tut nimpung mben Israel insi de nya bikwop imangti di ingkwei hanyen leu ingkiaisi inyenga ri.

EZRA 3:8

Ikinyon ei niwin tuhan De Igti hanyen ei bed gi nican ba, ari bingwam gi nican niabiati ingkwei hanyen kwei ei minu ndig Yerusalem tu. Yo di igyai kep midyai dima inyeng Zerubabel kin Yesua kin isut bat mben Israel kin imam nya kin keret Lewi nya kin yo po ibong ingkiaisi pima yok yahagom. Keret Lewi nya di ide njap ug ei ari bingwam nyatungwagom nima kui inyeng tak kep yo di iwin tuhan De Ig ba, ipingok ingonti tut.

EZRA 5:2

Tirigi Zerubabel di Sealtiel nipmot kin Yesua di Yozadak nipmot imiap nabi cin isok kep yokti lene ikinyon ei midyai niwin tuhan De Igti didiyam hanyen ei minu ndig Yerusalem. Leu api nabi cin dima impu yok tut.

NEHEMIA 12:1

Daptar dini tibim tut imam nya kin Lewi nya di ingkwei hanyen leu ingkiaisi pima bit Zerubabel di Sealtiel nipmot kin Imam Nibou Ndig Yesua kwei inyeng.

NEHEMIA 12:8

Lewi nya inyeng, Nibou di ibie tut doia nipai sigyoti nya inyeng rino Yesua kin Binui kin Kadmiel kin Serebya kin Yehuda kin Matanya. Yo di icoi bit nimpung di ipai doia nibuhupti nya inyeng rino Bakbukya kin Uni kin isut bat di Lewi nindigsi nya.

MAZMUR 78:68

Noro dimig keret Yehuda kin Mbigdip Sion di ningon ngakei.

NEHEI LEUSI 27:1

“Ma aba biei meng dia nisra bibon nimbar hum dok di nijeisi kin ninyanti meter can biniken ba, hacem noyam. Lene abon nanaisi meter gom biniken.

HAGAI 1:1

Darius ninyeng tak kep Persia buug cut ari bingwam gi nican ei njap gi nigom mem bed gi nimuhwindagom lene tuhan sok nihyet ei Nabi Hagai dip. Nisokti dima bak nibou Zerubabel di Sealtiel nipmot ba, ninyeng tak kep mben Yehuda kin Imam Nibou Nindig di ninyeng Yosua di Yozadak nipmot cem.

HAGAI 1:12

Leu api Zerubabel kin Yosua igya tut ide limwa di mben Israel yahagom di ingkwei hanyen leu ingkiaisi ei Babel ibit Hagai di tuhan pinak kwei ndam yok tut nihyet di pai nya. Igyai mun ba, ibibit tuhan nicuk yokti nya lewo ittin tut Noni.

HAGAI 1:14

tuhan pingok ei Nibou Zerubabel kin Imam Nibou Nindig Yosua kin yahagom di ingkwei hanyen leu ingkiaisi kwei ingonti leu binhyepo yahagom impu yam tut midyai niwin tuhan Di Sindem Bibor di ide Allah De Ig.

HAGAI 2:21

mem gima noni tri tut hanyen bak Nibou Zerubabel. tuhan pai “Jei bi ne midibindei ba, mpia-bbed him kin dihyeisi dini ugwa-kwei rin,

HAGAI 2:23

Njap dima ne midikon na di Nibou Zerubabel nok Ditde awak mem gima anyeng tak kep limwa nya gau dinyeng. Lewo didimig nani ei mem midyai dima.” tuhan Di Sindem Bibor simbot dat tu.

ZAKHARIA 3:1

tuhan ba ningat-hi-ngat bindo Imam Nibou Ndig Yosua tirigi ya ei tuhan de malaikati noho bei bida. Bilis di tin ei mem gima pai kep Yosua ya kui nitta.

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

ZAKHARIA 6:11

Aba mas kin perak di ikwas dima yok bibon topi nibou ndig ningat gom ba, abijuk Imam Nibou Ndig Yosua di Yozadak nipmot nibou nggram him a.

MBEN ISRAEL IMBUT-MBUT NYEN 28:2

bipai bak mben Israel bipia suar ikwas munkwas tut tuhan mem nibon midut njita nibipai sigyo bak Allahti dem igbit nituti di Noni ndo ei su leu binhyepo ibiyai ningon kei. Lene suar igyok ngon kep nicukti dini mungkun kei.

LUKAS 3:27

Ba, Yoda ntun Yohanan him ba, Yohanan ntun Resa him ba, Resa ntun Zerubabel him ba, Zerubabel ntun Sealtiel him ba, Sealtiel ntun Neri him.

NIJAM NIKEI NYA 6:24

Lene Gideon ba tig bidingug nimbar hum dok gom mem tuhan ei sirima lene jem ninyeng “tuhan Nok Nibousi Mem Nibong Kei Nigwam Keisi.” (Nimbar hum dok dima no jo ei Abiezer nide bat nya ide minu Ofra kikau kwei bipek ammani kep.)