EZRA 2:2 - ALLAH NIHYET MEM TUNGWATU NYA

² Ide nibou di igya tut yok di ingkwei hanyen dima yok inyeng rino Zerubabel kin Yesua kin Nehemia kin Seraya kin Reelaya kin Mordekhai kin Bilsan kin Mispar kin Bigwai kin Rehum kin Baana. Gini ne daptar tut nimpung mben Israel insi de nya bikwop imangti di ingkwei hanyen leu ingkiaisi inyenga ri.

EZRA 2:2 ပူးပေါင်းရင်းမြစ်များ

EZRA 1:11

Mok di iba mas kin perak bibon kin nimbumbati nindigsi nya hagom nimangti sribu muhwi ba, sratus bitai bitut ndigban nindigsi nya di Sesbazar kin nisut bat ipwoi bijo leu ingkiaisi ei minu Babel bingkwei hanyen tut ug ei minu ndig Yerusalem.

EZRA 1:8

Noni kes midyai dini ei Mitredat nindati. No dini ne nibou kintror mem mitiei minu dima di ya kui nibou ndig ri. Noni kwop igbit mun di nibou ndig mitug hanyen biyok nimangti bikes hagom ei Sesbazar di nibou Yehuda gom nindati.

EZRA 2:1

Imang bibor leu yo di inok awak ei ingkiaisi ei mben Babel ikieti ikiju bimbut hak leu minu Babel bijo hak ei. Lene ingkwei hanyen ug ei minu ndig Yerusalem kin hanjop Yehuda cem. Bikwop tungwagom-gom ngkwei hanyen ug ei nonti nide minu ndig. Inok awak ei ingkiaisi ei minu Babel dima habiei leu mpe di po Nibou Ndig Nebukadnezar kat yok bikri yok ug ei sirima tu pima.

EZRA 2:3

Paros insi de nya ibou sribu can sratus gom ningot muhwindacan can kin Sefaca insi de nya ibou sratus ningai ningot muhwindacan ba, can kin Arah insi de nya ibou sratus muhwindacan ningot muhwindacan ba, muhwi kin Pahat-Moab insi de nya (no dini ntun Yesua Yoab nya him) ibou sribu can sratus muhwindaningai ba, simnaibrimigcan kin Elam insi de nya ibou sribu gom sratus can ningot muhwi ba, bitai kin Zatu insi de nya ibou sratus muhwindatai ningot bitai ba, muhwi kin Zakai insi de nya ibou sratus muhwindacan ningot muhwindagom kin Bani insi de nya ibou sratus muhwindagom ningot bitai ba, can kin Bebai insi de nya ibou sratus muhwindagom ningot can ba, ningai kin Azgad insi de nya ibou sribu gom sratus can ningot can ba, can kin Adonikam insi de nya ibou sratus muhwindagom ningot muhwindagom ba, muhwindagom kin Bigwai insi de nya ibou sribu can ningot muhwi ba, muhwindagom kin Adin insi de nya ibou sratus bitai ningot muhwi ba, bitai kin Ater insi de nya (ninyeng hi rino Hizkia) ibou ningot muhwindatai ba, muhwindaningai kin Bezai insi de nya ibou sratus ningai ningot can ba, ningai kin Yora insi de nya ibou sratus gom ba, simnaibrimigcan kin Hasum insi de nya ibou sratus can ningot can ba, ningai kin Gibar insi de nya ibou ningot muhwindatai ba, muhwi.

EZRA 3:2

Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.

EZRA 4:3

Noro Zerubabel Yesua nya kin nibou insi de nya pima ibuhup “Nisuar jimpu nye tut midyai niwin ig mem nyende tuhan Allahti bi. Miniwin Ig dima binyenti bit leu Kores di nibou ndig Persia nicuk nyeti.”

EZRA 4:8

Srat nimeng gom kin bu tut minu ndig Yerusalem cem ug krau Kaisar Artahsasta nonti. Rehum di nok nibou kin Simsai di nok sekertaris ei hanjop nsi dima rino ipas srat dima di icom bak nibou ndig a. Isut bat di igyai midyai nok nikei nya kin nibou di igya kui nibou ndig Persia nindigsi nya di itimieisi leu minu ndig Erekh kin Babel kin Susan ei minu Elam cem impu nibou cin dima tut srat dini.

EZRA 5:2

Tirigi Zerubabel di Sealtiel nipmot kin Yesua di Yozadak nipmot imiap nabi cin isok kep yokti lene ikinyon ei midyai niwin tuhan De Igti didiyam hanyen ei minu ndig Yerusalem. Leu api nabi cin dima impu yok tut.

EZRA 8:1

Mpe di Kaisar Artahsasta kui bigwam nok nibou ndig ba, ninyeng tak kep limwa nya lene nibou mem insi de nya di inok awak ei minu Babel ingkwei hanyen kwei ei minu ndig Yerusalem bit da di Ezra. Yo dima ne,

NEHEMIA 12:47

Ei nijam Zerubabel kin nijam Nehemia ne limwa nya yahagom ikwas munkwas tut Allah mem gima ibimpu yo di ipai kep doia kin yo di igya ser tuhan De Ig ide mun di isuar nya bikwop njap-njap. Limwa nya igyai mun di ikwas pijum tut Allah bak Lewi nya leu api Lewi nya igyai munkwas pijum di itug ndei dima nite hi bak imam nya bit leu Allah de nikos tutti.

NEHEMIA 7:7

Ide nibou di ibie tut yok di ingkwei hanyen leu ingkiaisi kwei dima inyeng rino Zerubabel kin Yesua kin Nehemia kin Azarya kin Raamya kin Nahamani kin Mordekhai kin Bilsan kin Misperet kin Bigwai kin Nehum kin Baana.

HAGAI 1:1

Darius ninyeng tak kep Persia buug cut ari bingwam gi nican ei njap gi nigom mem bed gi nimuhwindagom lene tuhan sok nihyet ei Nabi Hagai dip. Nisokti dima bak nibou Zerubabel di Sealtiel nipmot ba, ninyeng tak kep mben Yehuda kin Imam Nibou Nindig di ninyeng Yosua di Yozadak nipmot cem.

HAGAI 1:12

Leu api Zerubabel kin Yosua igya tut ide limwa di mben Israel yahagom di ingkwei hanyen leu ingkiaisi ei Babel ibit Hagai di tuhan pinak kwei ndam yok tut nihyet di pai nya. Igyai mun ba, ibibit tuhan nicuk yokti nya lewo ittin tut Noni.

HAGAI 1:14

tuhan pingok ei Nibou Zerubabel kin Imam Nibou Nindig Yosua kin yahagom di ingkwei hanyen leu ingkiaisi kwei ingonti leu binhyepo yahagom impu yam tut midyai niwin tuhan Di Sindem Bibor di ide Allah De Ig.

HAGAI 2:2

Noni cuk Hagai buug mbrap bit Nibou Zerubabel kin Imam Nibou Nindig Yosua kin ide limwa nya mem gima tri tut Nide nisokti bipai biyok,

HAGAI 2:21

mem gima noni tri tut hanyen bak Nibou Zerubabel. tuhan pai “Jei bi ne midibindei ba, mpia-bbed him kin dihyeisi dini ugwa-kwei rin,

HAGAI 2:4

Mbro nok gima lo, ma jahagom jingon cut leu au! Ma jinda jo kep midyai niwin ig dimati lewo midimpu je kikau.

ZAKHARIA 3:1

tuhan ba ningat-hi-ngat bindo Imam Nibou Ndig Yosua tirigi ya ei tuhan de malaikati noho bei bida. Bilis di tin ei mem gima pai kep Yosua ya kui nitta.

ZAKHARIA 3:3

Mpe dima lene Yosua juk sinsun di rom-rau biya tut.