EZRA 10:18 - ALLAH NIHYET MEM TUNGWATU NYA

^18-22 Gini ne daptar tut yo di iwak sop ngkiai nya pima inyeng ri. Yo dini rino ipreu sut gima ikou itnem bat ngkiai nya leu api indig domba nikre ningut gom ei nimbar hum dokti bak tuhan mem ibon midut nibiyai nikos ser ide sisarti. Ipas kep imam nya inyeng bit leu insi de nya ba, yo dima ne Maaseya kin Eliezer kin Yarib kin Gedalya di intun Yesua ninsi de nya him bitut nide adig-ajoi nya di Yozadak nipmot bat nya kin Hanani Zebaja nya di intun Imer ninsi de nya him kin Maaseya kin Elia kin Semaya kin Yehiel kin Uzia di intun Harim ninsi de nya him kin Elyoenai kin Maaseya kin Ismael kin Netaneel kin Yozabad kin Elasa di intun Pasyhur ninsi de nya him.

EZRA 10:18 ပူးပေါင်းရင်းမြစ်များ

EZRA 10:17

Ei ninsi bed ningai gi nidipti bu ne ikes hon gi ipigot bram munhyet di srou pinai di iwak sop ngkiai nya pima ba, tug hon nikwesti tu.

EZRA 2:2

Ide nibou di igya tut yok di ingkwei hanyen dima yok inyeng rino Zerubabel kin Yesua kin Nehemia kin Seraya kin Reelaya kin Mordekhai kin Bilsan kin Mispar kin Bigwai kin Rehum kin Baana. Gini ne daptar tut nimpung mben Israel insi de nya bikwop imangti di ingkwei hanyen leu ingkiaisi inyenga ri.

EZRA 2:36

Bitut imam nya cem ba, imam Yedaya di ntun Yesua him ninsi de nya ibou sratus muhwindatai ningot muhwindacan ba, ningai kin imam Imer ninsi de nya ibou sribu gom ningot muhwi ba, can kin imam Pasyhur ninsi de nya ibou sribu gom sratus can ningot bitai ba, muhwindacan kin imam Harim ninsi de nya ibou sribu gom ba, simnaibrimigtehican ba, yahagom ingkwei hanyen.

EZRA 3:2

Imam Yesua di Yozadak nipmot kin nisut bat imam nindigsi nya kin Zerubabel di Sealtiel nipmot bitut nide bat nya cem yahagom ikinding tuhan di mben Israel ide Allah de nimbar hum dok hanyen leu binhyepo ibibon midut nya eisi bit leu nok Allah de awak di Musa pas ei nide Srat Nicukti.

EZRA 3:8

Ikinyon ei niwin tuhan De Igti hanyen ei bed gi nican ba, ari bingwam gi nican niabiati ingkwei hanyen kwei ei minu ndig Yerusalem tu. Yo di igyai kep midyai dima inyeng Zerubabel kin Yesua kin isut bat mben Israel kin imam nya kin keret Lewi nya kin yo po ibong ingkiaisi pima yok yahagom. Keret Lewi nya di ide njap ug ei ari bingwam nyatungwagom nima kui inyeng tak kep yo di iwin tuhan De Ig ba, ipingok ingonti tut.

EZRA 5:2

Tirigi Zerubabel di Sealtiel nipmot kin Yesua di Yozadak nipmot imiap nabi cin isok kep yokti lene ikinyon ei midyai niwin tuhan De Igti didiyam hanyen ei minu ndig Yerusalem. Leu api nabi cin dima impu yok tut.

EZRA 9:1

Tirigi ibon mun nyeng dima yok hagom biput tu lene nibou mben Israel ibou poi ikwei pai bida bipia limwa Israel nya bitut imam nya kin Lewi nya igimbres yonti leu mben ngkiai di ibong ttai yok nya bi. Ngkiai dima yok ne mben Amon kin Moab kin Mesir kin Kanaan kin Het kin Feris kin Yebus kin Amori ri. Ningat ne imam kin Lewi nya igyai bram mun di kinei-kinau di ngkiai dima yok ibon kep nya.

EZRA 9:2

Pinai Yahudi nya iwak sop mben ngkiai apino map kui tuhan de limwa pijum nya tu. Yo di ibon mun dima nimbie him ngat hak rino nibou mben Israel kin yo di inyeng jei nya.

NEHEMIA 12:10

Yo di intun Imam Nibou Ndig Yesua him pijum inyeng rino Yesua kin Yoyakim kin Elyasib kin Yoyada kin Yonatan kin Yadua.

NEHEMIA 13:28

Yoyada ne Imam Nibou Ndig di Elyasib nipmot rin noro nipmot gom jem nipmang bit Sanbalat di nitimieisi leu minu ndig Bet-Horon. Gima rino dijji Yoyada leu minu ndig Yerusalem bihigom.

NEHEMIA 8:4

Noni kui biya impek gom di tukan nya inen mem njap ndig dima. Matica kin Sema kin Anaya kin Uria kin Hilkia kin Maaseya yoni igya kui ninda com ba, Pedaya kin Misael kin Malkia kin Hasum kin Hasbadana kin Zakharia kin Mesulam yoni igya kui ninda prak.

NEHEMIA 8:7

Leu api yahagom ikiju hanyen bigya igyati lene Yesua kin Bani kin Serebya kin Yamin kin Akub kin Sabetai kin Hodia kin Maaseya kin Kelita kin Azarya kin Yozabad kin Hanan kin Pelaya di keret Lewi nya yahagom ingginau limwa nya tut Srat Nicukti dima.

YEREMIA 23:10

Minu dini mpung tut yo di ingon gom tut tuhan bi. Igyai munti nya kinei bibor ba, ibimangkrei ide nisindemti cem. tuhan sigion abris nghousi di mindhe-ndhe nya igyem apino minu dini noyam kin no di ningon ngguk tut nimai.

YEREMIA 23:11

tuhan pai “Nabi nya kin imam nya ibit dihyet bi. Dingat lo, ibon mun di kinei ei Ditde De Ig.

YEREMIA 23:14

Noro dingat lo, nabi nya ei minu ndig Yerusalem ibon sisar nindig bibor binjiriek yok bu. Lewo iris ei tungwatu nya dip cem icut tut hiter nitnem cem yahati tut yo di igyai munti nya kinei bibor cem kikau ba, hi ttin ser nide sisar kan bi. Ba, yahagom ibon kep sisar di kinei bibor noyam kin timiei minu ndig Sodom kin Gomora bou diyai him.”

YEHEZKIEL 44:22

Ma imam nya iwak sop gwam nitta pilei Israel ningat di bon mun bigyo e, he imam hi nitnem kibom di mai leu he e. Ma iwak sop di nijjep kes ei au.

IMAM NYA IDE MIDYAI 21:7

Harin dima imam hi wak sop di nipou yo nok sop sundal kin sop di gwam pilei ngat di bon mun hi tu kin sop di nijjep kes ei nya a. Lewo imam dima ningon kwes.

HAGAI 1:1

Darius ninyeng tak kep Persia buug cut ari bingwam gi nican ei njap gi nigom mem bed gi nimuhwindagom lene tuhan sok nihyet ei Nabi Hagai dip. Nisokti dima bak nibou Zerubabel di Sealtiel nipmot ba, ninyeng tak kep mben Yehuda kin Imam Nibou Nindig di ninyeng Yosua di Yozadak nipmot cem.

HAGAI 1:12

Leu api Zerubabel kin Yosua igya tut ide limwa di mben Israel yahagom di ingkwei hanyen leu ingkiaisi ei Babel ibit Hagai di tuhan pinak kwei ndam yok tut nihyet di pai nya. Igyai mun ba, ibibit tuhan nicuk yokti nya lewo ittin tut Noni.

HAGAI 2:4

Mbro nok gima lo, ma jahagom jingon cut leu au! Ma jinda jo kep midyai niwin ig dimati lewo midimpu je kikau.

ZAKHARIA 3:1

tuhan ba ningat-hi-ngat bindo Imam Nibou Ndig Yosua tirigi ya ei tuhan de malaikati noho bei bida. Bilis di tin ei mem gima pai kep Yosua ya kui nitta.

ZAKHARIA 6:11

Aba mas kin perak di ikwas dima yok bibon topi nibou ndig ningat gom ba, abijuk Imam Nibou Ndig Yosua di Yozadak nipmot nibou nggram him a.

TIMOTIUS GI NIGOM 3:11

Nok gima cem suar itnem bat nya ingon kwes. Ma ipai kep tungwatu nya inghapti bidut mun di pu yok au. Noro suar iba ingon di gom biyai kep ide midyai nya hagom.