EZRA 10:1 - ALLAH NIHYET MEM TUNGWATU NYA

¹ Tirigi Ezra ba nipim bingat nadi bipai jit sisar ei tuhan De Ig nuhui cem bisri lene limwa Israel nya imang bibor idem yam. Yo dima ne pinai nya kin sop nya kin munggwom nya cem. Nimpung dini yahagom ikwei ngwig ttai Ezra bipim nggruet bit noni cem.

EZRA 10:1 ပူးပေါင်းရင်းမြစ်များ

NIBOU NDIG NYA GI NIGOM 8:30

Na di tuhan di angat rin ei atimieisi ei gwamti e, angig atingou mem dihyet kin Ade limwa nya ighyet cem ba, akos ser nyende sisar tirigi nikiek nye ba, niba noho rok Ade Ig dini biningat nadi.

NIBOU NDIG NYA GI NIGOM 9:3

bipai binoni “Dingig ditingou mem ahyet tirigi angat nadi pima tu. Didimig Ditde Ig di angot dini pijum ei nok gumihyep gom ngat mem tungwatu nya ikwei kuk yok biDa eisi bijo ninno bijo kikau. Lene midiyok diyai kep ig dini ba, midinyohou kikau.

NIBOHON MBEN ISRAEL GI NICAN 20:13

Mpe dima lene pinai Yahudi nya kin itnem bat imunggwom bat nya yahagom no igya kui tuhan De Ig ei dimbou heisi ba,

NIBOHON MBEN ISRAEL GI NICAN 20:9

gino itug ndei hukum drek dip ide sisar nya ba, pran cut igkep yok ba, nsuwer ajar hwen yok cem ba, ninggum hwen yok lene ace tut ba, ikwei ya ei dimbou heisi di ikuk yok bak Allah eisi dini. Gino yuum mun di buhun bibor lene ace tut yok ba, ingat nadi biNa leu api mporo amiap ide nadi di ingat biNa ba, ampu yok.

EZRA 10:6

Tirigi iba neheng bipreu mun leu su lene Ezra kiju bimbut leu tuhan De Ig nuhui ba, coi ug ei Yohanan di Elyasib nipmot de nghim nsi bibong ei sirima. Ezra bong ninghop-ngwak ei ninsi dima ba, giyem njita ba, gidut ndia ngei cem bi. Lewo kan-kan nyen tut yo po inok awak ei ingkiaisi lo, ingkwei hanyen kwei pima ibon munti dima. Lene gima biyai ningon di ngguk binoni ser njita di yem.

NEHEMIA 1:4

Tirigi dimiap ibuhupti dima ne dikuk da bidipim ba, diyai nggwei kibor. Dingon ngguk bibor bidisindui njita ei mmun-njap poi leu api dingat nadi bak Allah,

NEHEMIA 1:6

tuhan e, ma angig ayai kep da ba, angig atingou mem dihyet tirigi dingat nadi tindei Ade limwa di mben Israel bikwop mmun-njap. Dipai jit bipia nye di mben Israel nibon sisar tu. Dani kin didigup bat-didigai bat nya nahagom nibon sisar tu.

NEHEMIA 10:28

Nye di limwa Israel kin imam nya kin Lewi nya kin yo di igya ser Dimbou Pmem ei tuhan De Ig kin yo di iba musik bipai doia igkei nya kin yo di igyai midyai ei tuhan De Ig nya kin nyeni nitnem bat-nimunggwom bat nya di wer imahan di ingon huk niti tu kin yo di ibit Allah de nicukti nya yahagom kin yo di yoom yonti ter leu mben ngkiai di ibong timiei ei nyende minu dini,

NEHEMIA 8:9

Tirigi Nicukti dima tibim ei yo dima itingou nsi lene ingon huk niti leu api ipim nggruet. Lene Nehemia di nok nibou hanjop dima kin imam Ezra di ningon ki tut Nicukti dima kin Lewi nya di ingginau Nicukti dima bak ide limwa nya yahagom ipai bak yo dima “Njap di ammani ne njap di ipigig sut ei mem tuhan. Gima rino ma jingon ngguk ba, jipim au.

MAZMUR 119:136

Diyai nggwei kibor bijo ninno drek dip tungwatu nya di ibit ahyet bi.

MAZMUR 32:5

Leu api dipai jit ditde sisar brei biNa bidiku ditde mun di diyai tunggwei nya nyahan bu bi. Dikan “Singkwei ba, sipai jit side sisar bak tuhan. Apino akos ser ditde sisar hagom bidingon mui bu bi.”

YEREMIA 13:17

Gino jikou sut nimiap kep dihyetti ne midipim mmuti. Diba ningon di ngguk bibor bipim tut jide ningon jeisi dima. Diyai nggwei mikibor drek dip siceu nya di ikat tuhan de limwa nya bikri yok ug ei ingkiaisi.

YEREMIA 9:1

Gino dibou midem kep minyei bousi di mpung tut minyei ba, diyai midem kep kon di bindei srek minyei lene midipim nggruet mmun jei njap jei tut mben de di siceu nya igyai nimai bi yok nya!

DANIEL 9:20

Duhuk nadi kikau bidipai jit ditde sisar kin dide bat mben Israel ide sisar. Dibidip huk tuhan di ditde Allah leu binhyepo Noni pindi Nide Ig bikei hanyen.

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

ZAKHARIA 12:10

Leu api midibindei ba, yo di intun Daud him kin timiei minu ndig Yerusalem ingon ya tut ningon ngakei yamti kin ningon ya tut naditi. Igyai mibong kep no di idat leu api ipim nggruet drek dip noyam kin no di pim nggruet drek dip nipmot di nimig gom nimaisi pimo. Yoni iba ingon di ngguk bibor bipim nggruet noyam kin no di nide munggwom mighumbou sar leu no pimo.

MATIUS 3:6

Yo dini ipai jit ide sisar leu api noni tur yok ei Minyei Yordanti.

LUKAS 19:41

Tirigi Yesus ttau dideu Yerusalem bicap minu ndig dima lene Noni pim biniyai nggwei kibor tut,

KISAH 10:30

Kornelius buhup “Njap ningai gi pini jug lene dingat nadi mem jam ningai di mpia caisi leu api tungwagom di juk sinsun di jinjit kei kwei ya kros ei doho bei.

KISAH 21:5

Noro jei bi lene tto bou dem mem nikes yok leu binibinut nimbutti kikau. Gima rino yoni kin itnem bat nya kin imunggwom bat nya yahagom yehei sut nye leu minu ndig dima ba, nuug ei muk nintig dip leu api niba nibiau bicom mpia biningat nadi.

ROMA 9:2

dingon buhun ba, dingon ngguk bibor cem,

NINDAT KEP TUHAN NICUKTI NYA 31:12

Ma jinduk pinai nya kin sop nya kin munggwom nya kin ngkiai di ibong srig jikieti yahagom kwei leu binhyepo ingig itingou mem nihyet cem iba ingon di jo nyahan bikuk yok bak tuhan di nok ide Allah ba, iba ingon gom bibit nihyet.

YOSUA 7:6

Lene Yosua kin nibou Israel nindigsi nya ingon ngguk bibor apino irik ide sinsun rok yo him drek dip leu api ikuk yok biba ingwak bikik dihyei ei bei tuhan De Brua Gi Preu nuhui him mem njap jei dima kikau bimmun kep ba, ikam atriem bigimahap ei ibousi nok bindo tut ingon di ngguk cem.

YOSUA 8:35

Yosua kwop kep tuhan nikos tutti nya di tug hon Musa gom-gom sindam bak limwa mben Israel di idem yam ei mpia dima yahagom bitut sop nya kin munggwom nya kin ngkiai nya di ibong ei ikieti nya yahagom hak.