EZRA 1:7 - ALLAH NIHYET MEM TUNGWATU NYA

⁷ Lene Nibou Ndig Kores tug bokor nya kin mok nya po Nibou Ndig Nebukadnezar pos leu tuhan De Ig ei minu ndig Yerusalem bikon ei nide kwar nibousi pima hagom hanyen biyok.

EZRA 1:7 ပူးပေါင်းရင်းမြစ်များ

NIBOU NDIG NYA GI NICAN 24:13

Lene Nebukadnezar cat mun nyeng gi hi di Nibou Ndig Salomo ba mas bibon leu tuhan De Ig kin nibou ndig de ig ba, nggek tut hagom lene pwoi ndigban di nibok kui hagom bingkwei sut ug ei minu Babel. Gini hagom dem igbit tuhan nipaisi.

NIBOHON MBEN ISRAEL GI NICAN 36:10

Ug cut ari bingwam nikwas yamti lene Nibou Ndig Nebukadnezar kri Yoyakhin ug ei minu Babel leu api noni sima ei sirima. Lene Nebukadnezar ya kep ndigban di nibok kak ei tuhan De Ig nya hanyen bu bicat leu api mbut tut krebou-krebai. Leu api noni kon Zedekia di Yoyakhin nipmum kui bigwam nok nibou ndig ba, ninyeng tak kep timiei Yehuda nya kin timiei minu ndig Yerusalem.

NIBOHON MBEN ISRAEL GI NICAN 36:18

Nibou ndig mem mben Babel dima pos tuhan De Ig nimbumbati kin ndigban di nibok kak nya kin nibou ndig de ndigban nya kin yo di igya kui nibou ndig nya ide ndigban ba, pian hagom buug sut ei minu Babel.

NIBOHON MBEN ISRAEL GI NICAN 36:7

Mpe dima lene Nebukadnezar ya kep ndigban di nibok kak ei tuhan De Ig nya bicat nite hi bimbut tut krebou-krebai ba, ug kon hagom ei nide ig nibou ndig ei minu Babel.

EZRA 5:14

Mpe dima lene noni ngkwei tuhan De Ig nimbumbati nya po jo ei ninsi nya di iba mas kin perak bibon di ibiyai midyai ei tuhan De Ig pima hagom hanyen. Lene ngkwei tuhan De Ig nimbumbati di Nebukadnezar cat leu minu ndig Yerusalem leu api bindei coi ei ig kwar ninsi nya ei minu Babel pima hanyen. Nibou Ndig Kores kes nimbumbati dima yok hagom bak Sesbazar po Kores kon nok nibou ei hanjop Yehuda pima.

EZRA 6:5

Tut nimbumbati di iba mas kin perak bibon nya po Nibou Ndig Nebukadnezar pos leu tuhan De Ig ei minu ndig Yerusalem pima bipwoi kwei ei minu Babel hanyen ne suar itug hagom bak timiei minu ndig Yerusalem leu binhyepo ikes hagom ei tuhan De Ig bijo nijoti hanyen.”

YEREMIA 51:44

Midikes hukum ei mben Babel ide kwar Bel dip ri. Midibindei ba, noni mingkwei mun ngot di pos tu nya hagom hanyen leu api ngkiai nya hi mikuk no bak bu bi. Minu Babel de ngug tig nya hagom lus tu.

DANIEL 1:2

tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

DANIEL 5:23

Andigpoi e, angon jei bibor bou tuhan ei gwamti niyai him tirigi aba angon di jei bicuk ade limwa nya bipia ikon mok kin bokor nya po acig pos kwei leu tuhan De Ig pima kwei. Nani kin yo di inyeng jei di igya kui na kin atnem ndig nya kin atnem mien nya jahagom jidut ba anggur ngei eisi. Leu api jinggei sut kwar di tungwatu nya iba mas kin perak kin ngkimom-tembaga kin ngkimom nitu kin biei kin tig bibon. Mun di jikuk je bak dima yok igyai tu ba, itingou nam cem ba, ingon mbum cem. Anggei sut Allah di ndo igbit ade njap nijeisi kin ningwigsi bina bi. Ba, Nongkom he rino ninyeng tak kep ayai munti nya.