EZRA 1:2 - ALLAH NIHYET MEM TUNGWATU NYA

² “Da di Nibou Ndig Kores dinyeng tak kep mben Persia ba, ditri tut dicuk jeti. tuhan di nok Allah di ninyeng tak kep gwamti bindei ba, dinyeng tak kep tungwatu bidem dihyeisi dini hagom. Noni cuk da leu binhyepo diwin Ig nibousi gom mem Noni ei minu ndig Yerusalem ei hanjop Yehuda.

EZRA 1:2 ပူးပေါင်းရင်းမြစ်များ

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

NIBOHON MBEN ISRAEL GI NICAN 2:12

Dinggei sut mben Israel ide tuhan Allah di pai tes mpia-bbed him kin dihyeisi dini ninyenga! tuhan yai munggwom pinai gom di ningon ki bibor bikan bidem tut nibon munti nya ba, kan bidem mun nyeng hagom cem bak Daud tu. Lene atin ei ba, abrim angkek mem gima angot ig njem gom mem tuhan ba, abingot ig nibou ndig gom mem nanti cem.

EZRA 1:5

Lene nibou di imbier kim nya di intun keret Yehuda kin Benyamin him kin imam nya kin keret Lewi nya kin bibikwop nindigsi di Allah pingok ingonti tu nya itin ei mem ingkwei hanyen ug ei minu ndig Yerusalem leu binhyepo iwin tuhan De Ig hanyen.

EZRA 3:7

Mben Israel iba ide mitiei bigo tukan tig kin tukan biei imuhup ba, imbus njita kin ba anggur ningei kin mini zaitun keyam bipinak hagom bak mben Tirus kin Sidon biluei buom Libanon nuut di tukan nya iwim birim ug ei muk pimat leu binhyepo itig minyei tut ug ei minu ndig Yafo. Kores di nibou ndig Persia sindui sut gima igyai kep ide midyai dini hagom.

EZRA 4:3

Noro Zerubabel Yesua nya kin nibou insi de nya pima ibuhup “Nisuar jimpu nye tut midyai niwin ig mem nyende tuhan Allahti bi. Miniwin Ig dima binyenti bit leu Kores di nibou ndig Persia nicuk nyeti.”

EZRA 5:15

Nibou Ndig Kores cuk noni biyai tuhan De Ig nimbumbati dima yok ba, ngkwei sut hagom hanyen kwei ei tuhan De Ig ei minu ndig Yerusalem lene biwin Ig dima hanyen ei nigkumti.

EZRA 6:10

Suar jibit dicuk jeti dini leu binhyepo yo dima ibon midut di Allah di ninyeng jei ei gwamti joi sut nya ba, ingat nadi tindei Allah de mun di kei mem dani kin dipmot bat nya.

EZRA 6:3

“Tirigi Nibou Ndig Kores sindi ninyeng tak kep limwa nya mem ari bingwam gom tu lene noni tri tut nicukti leu binhyepo tungwatu nya iwin tuhan De Ig ei minu ndig Yerusalem hanyen leu binhyepo ibon midut nindig mindhe-ndhe bak tuhan eisi. Suar Ig dima nijeisi meter nyatungwagom ba, muhwindacan ba, ninyanti cem meter nsi nyatungwagom ba, muhwindacan.

EZRA 7:12

“Srat nisindem dini leu da di Kaisar Artahsasta ba, dikes srat dini ei Imam Ezra nindati lewo ningon ki tut Nicukti nya di kwei leu Allah di ninyeng jei ei gwamti.

NEHEMIA 1:4

Tirigi dimiap ibuhupti dima ne dikuk da bidipim ba, diyai nggwei kibor. Dingon ngguk bibor bidisindui njita ei mmun-njap poi leu api dingat nadi bak Allah,

NEHEMIA 1:5

bidipai “tuhan Allah di anyeng jei ei gwamti e, anyeng di jei bibor bindei ba, nittin tut Na tirigi nikuk nye ei Aho bei. Angon gom cem ayai hagom bit leu nok apreu ei mem yo di ingon ngakei Nani bibit ahyet cem.

MAZMUR 136:26

Jikwei ba, ipai sigyo bak Allah di ninyeng tak kep mpia-bbed him. Nide ningon ngakeisi jo ninghig-niker.

MAZMUR 85:2

tuhan e, angon nggriu sut Ade dihyei ba, angkwei mben Israel ug ei ide nibong kei nigwam keisi di nipou pima hanyen tu.

NIPINGOK NINGONTI 21:1

Krop kei mem tuhan pingok kep nibou ndig tut ningon kanti nya noyam kin gi pingok minyei ba, bong kak nimbang dem igbit ningon kanti.

YESAYA 41:2

Tou pingok ei nibou ndig di sindem bibor gom ningonti bibuwak noni kwei leu nite bei mpia nipriti i? Tou ribindei ba, noni hwen nide siceu nya bitimek bingwig bidem minu i? Tou risindem tut noni leu binhyepo co kep mben nya bikuk nibou ndig nya ei nimig him i? Noni ba nide simeda bitot yok lene bindei ba, yahagom inok dihyei ndung. Nide tibor nya bindei ba, inang bingwig noyam kin minta mui di bit houa.

YESAYA 44:26

Dibindei ba, Ditde awak niji ngkiem. Tirigi disok dihyet bidikes dingon kanti ei no di dipinak hwou dip lene dingon kanti dima hagom mipek kep mem tungwatu nya. Dipai sut minu ndig Yerusalem bipia tungwatu nya mibong ser minu ndig dima hanyen ba, midiwin minu mien nya ei minu Yehuda hanyen bu. Midipindi ide ig kum kroi nya ba, wer ig hanyen.

YESAYA 44:28

Dipai bak Kores ‘Anyeng mitak kep limwa nya mem Da leu binhyepo ayai munti nya hagom bit leu dingon kanti. Acuk tungwatu nya leu binhyepo iwin minu ndig Yerusalem ba, ita cou nipmem nya mem tuhan De Ig hanyen.’ ”

YESAYA 45:1

tuhan dimig Kores ei nok nibou ndig biyai nisindem bak leu binhyepo noni hwen ngkiai nya yahagom bitimek bingwig ba, cug nibou ndig nya ide nisindemti bingwig leu yok. tuhan mikau dimbou pmem nya bidem minu ndig nya hagom leu Kores. Dimbou pmem hi ngkiem bi. tuhan pai binoni,

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YEREMIA 10:11

Je di limwa nya e, suar jipai sut biyok bipia kwar ngot di ipai tes mpia-bbed him kin dihyeisi dini kan bi dima yok ne mibindei sar yok ug ri. Yoni misar leu dihyei ninjek dip dini bihigom ri.)

YEREMIA 27:5

“Diba Ditde nisindem biborti kin dinda di sindem bibor bipai tes dihyeisi dini kin tungwatu nya kin mindhe-ndhe nya hagom. Diyai gima yok hagom bak no di didimig ei bit leu dingon kanti.

YEREMIA 29:10

tuhan pai “Tirigi nijam ari bingwam ningot muhwindacan dem mem minu Babel tu lene midingig diyai kep je hanyen bu. Ba, midiyai mun bipek kep Ditde nipreu ei mem jeti bidibuwak je hanyen kwei ei jitimieisi dini.

DANIEL 1:21

Daniel yai midyai ei nibou ndig de kintrorti kikau ug bipek nijam dino Nibou Ndig Kores leu Persia hwen bitimek mben Babel.

DANIEL 2:21

Ninyeng tak kep bed di biang hou kin bed di biang mpia ngeisi cem kin nijam nya hagom cem. Noni ta nibou ndig nya leu api cug inyeng di jei hanyen leu yok. Nongkom bindei ba, tungwatu nya ingon ki ba, ingon dorti.

DANIEL 2:28

Noro Allah ei gwamti sindem mem gima mbot kep mimun hagom. Noni mbot kep tut mun di micut igkep na di Andigpoi ei nidipti bu bina tu. Nogindini dimbot kep tut ade mumpriem kin ningat-hi-ngat di angat mpe di abong mai pima bina.

DANIEL 4:25

Tungwatu mijji nani ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya ba, abong bas hak. Nggou kui nati cem kikau mem ari bingwam muhwindacan. Mpe dima lene angon jo kep bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta yok bit leu Nonti ningon kanti.

DANIEL 4:32

Tungwatu mijji na ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya kikau mem ari bingwam muhwindacan. Gima leu api angon hukti bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta nibou nya bit leu Nonti ningon kanti.”

DANIEL 5:23

Andigpoi e, angon jei bibor bou tuhan ei gwamti niyai him tirigi aba angon di jei bicuk ade limwa nya bipia ikon mok kin bokor nya po acig pos kwei leu tuhan De Ig pima kwei. Nani kin yo di inyeng jei di igya kui na kin atnem ndig nya kin atnem mien nya jahagom jidut ba anggur ngei eisi. Leu api jinggei sut kwar di tungwatu nya iba mas kin perak kin ngkimom-tembaga kin ngkimom nitu kin biei kin tig bibon. Mun di jikuk je bak dima yok igyai tu ba, itingou nam cem ba, ingon mbum cem. Anggei sut Allah di ndo igbit ade njap nijeisi kin ningwigsi bina bi. Ba, Nongkom he rino ninyeng tak kep ayai munti nya.

DANIEL 6:25

Leu api nibou ndig cuk yo di igya ser nya bikat yo di ibakilak Daniel pima kwei leu api injei yok ug ei jui singa dimati bitut itnem bat kin imunggwom bat nya yahagom. Nipou tirigi icut kikau ug ei jui jou dima bigyo lene singa yaham yok bikinam injum bingwig.

YUNUS 1:9

Yunus buhup “Dani ne munggwom Ibrani rin ba, dikuk da bak tuhan di nok Allah ei gwamti di pai tes muk ngei kin mam bei a.”