ESTER 9:25 - ALLAH NIHYET MEM TUNGWATU NYA

²⁵ Noro Ester bisau buug ngat nibou ndig apino nibou ndig pas srat nibicukti ug a. Srat nibicukti dima ribindei dino Haman nitin ei ningon kanti di kinei bibor pima ngkwei hanyen di ndei nonti ug a. Niyai munti dima bindei ba, ipindur noni kin nipmot bat nya yahagom ei cou dihim nya di ibipindur tungwatu eisi hak ug a.

ESTER 9:25 ပူးပေါင်းရင်းမြစ်များ

NIBOU NDIG NYA GI NIGOM 8:32

lene tuhan ei gwamti e, handei kon ba, angig atingou mem nyeni nihyet leu api akos tut no dima nok igbit. Ma akes hukum ei gi hi di ningon mui dip dem igbit nide mun di yai tunggwei lene ma asindui sut gi hi di ningon ngun bimbut hak ug.

ESTER 3:6

Lene gima he bi. Lewo tirigi Haman miap tut bipia Mordekhai ne mben Yahudi rin lene kos tut mem gima kes hukum nimai ei Mordekhai nongkom he dip bi noro miya kep mben Yahudi di ingat rin ei minu Persia nisurti-nipekti yahagom ba, isar bingwig hak ug.

ESTER 7:10

Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

ESTER 7:4

Lewo tungwagom tri dani kin ditde mben tu apino minitug ndei nimai biningwig ug ri! Gino no dima mitri nye bininok awak mem hiter he lene midibindin-ndin nyen Na Di Anyeng Jei bi noro midikuk da bidahap diji bi. Noro jei bi lene no dima mibindei sar nahagom bicok tut nye biningwig leu ade ninyeng tak kepti nisurti-nipekti hagom ug ri!”

ESTER 7:5

Leu api Nibou Ndig Ahasyweros hig ser Sop Nibou Ndig Ester “Tou rino brim ningkek di bon nok gima i? No dima no hantou i?”

MAZMUR 140:8

Ditde tuhan Allah di sindem di teu da di dingwes ngun e, anyohou da tirigi dikon pran tu.

MAZMUR 140:9

tuhan e, ma abuhup yo di isibut ijoi sutti nya au. Ma asindui sut ba, ingon kanti di itin ei nya pek kep au.

MAZMUR 141:10

Nnaba ibiam ide liep di yonti icom dima. Noro asindui sut ba, dikriau bon bidimbut kikau ba, dingwes ngun.

MAZMUR 7:16

Itig jui mem yo di hiter noro yonti icut ei jui dimati hanyen.

MAZMUR 7:17

Gima rino ide nisibutti dima bindei ba, hukum cut igkep yok hanyen. Yonti ide ningon mbukti hwen bit yok hanyen cem.

MAZMUR 94:23

Noni mikes hukum ei yo di isibut nya dip dem igbit ide nisibutti. Noni mibindei ba, ikimut yuhui hak drek dip ide sisar. Nyeni ide tuhan Allah mibindei ba, ikimut yuhui hak ug.

NIPINGOK NINGONTI 26:27

No di tig ndep jui bitindei ser hiter bicut eisi lene nonti mibiam ndep jui dima yo. No di bisinggre ba, bei tig ndig di nahanok mitot hiter lene tig ndig dima mitot nonti.

NIPINGOK NINGONTI 5:22

Yo di isibut ide sisar di ibon nya dem kep bon di srou yonti hanyen.

YESAYA 22:25

Gino gima pek kep mem noni lene keu nindig po ipek di kinai ngug tigti di ngkiem kei pima mipas bicut ug. Apino keret di imbier kim noni di indun ninda him yahagom ingwig bohon eisi ri. Da di tuhan disimbot dat tu.”

OBAJA 1:15

“Njap di Da di tuhan digwam nok nikei bidimbus ngkiai nya yahagom ingonti dideu su. Midibuhup mun di mben Edom ibon bak yonti hanyen. Ingkek kan bipia mun di ibon micut igkep yok hanyen.

MATIUS 21:44

No di ndrat tig dima minir wap bingwig ba, gino tig dima tot tungwagom lene mitam noni binem-nnai ri.]”

SAMUEL GI NIGOM 25:39

Tirigi Daud miap tut bipia Nabal mai su lene simbot dat “Dinggei sut tuhan! Noni buhup bak Nabal drek dip gi nggucak da kinei-kinau pima. Noni cuon Nide awak di dani leu dibon mun di kinei. tuhan kes hukum ei Nabal dip drek dip niyai mun kineisi tu.” Leu api Daud pinak tungwatu nya ndam Abigail leu binhyepo gino ce tut lene ma buwak nok nitnem.