ESTER 9:21 - ALLAH NIHYET MEM TUNGWATU NYA

²¹ Noni ba srat dima bicuk yok leu binhyepo ibon midut njap ndig nibiyok ngon kep njap gi nisimnaibrimigtai kin gi nisimnaimuhwidip ei Bed Adar bikwop ari bingwam hagom.

ESTER 9:21 ပူးပေါင်းရင်းမြစ်များ

EZRA 6:15

Tirigi Nibou Ndig Darius ninyeng tak kep mem ari bingwam muhwindagom tu ne tuhan De Ig di iwin dima put ei njap gi niningai mem Bed Adar.

ESTER 3:7

Tirigi Nibou Ndig Ahasyweros ninyeng tak kep minu Persia mem ari bingwam simnaibrimigcan ug bipek Bed Nisan di bed gi nigom lene Haman bindei ba, hi ba niko nibinggok tutti di ninyeng Purim bikan tut njap kin bed di dem mem gima noni bindei mbut nikos tutti di kinei bibor di tin ei nipou su pima. Leu api Purim bindo tut njap gi nisimnaibrimigningai ei Bed Adar di bed gi nisimnaibrimigcan.

ESTER 9:17

Ibindei timek ide nitok joti nya ei njap gi nisimnaibrimigningai mem Bed Adar. Njap gi nisimnaibrimigtai gi bram bu lene mben Yahudi di ingat rin ei hanjop nsi nya igikon pran bit ide nitok joti nya bu bi. Noro iba ingon di nggan-triot kei bibon pesta kep njap ndig dima.

ESTER 9:18

Lo bi lene mben Yahudi di ibong timiei ei minu ndig Susan ibon pesta kep njap ndig ei njap gi nisimnaimuhwidip lewo igyai nimai bak ide nitok joti nya ei njap gi nisimnaibrimigningai kin gi nisimnaibrimigtai ei Bed Adar. Leu api ikes hon ei njap gi nisimnaimuhwidip.

ESTER 9:20

Ikes inda tut gima leu api Mordekhai pas kep mun di pek kep mem yo dima hagom ei srat nyati bipinak srat nya tut bak mben Yahudi di ibong bidem minu Persia ninyeng tak kepti nisurti-nipekti hagom bitut yo di ibong minu ting kin yo di ibong dideu cem.

ESTER 9:22

Lewo ibindei timek ide nitok joti nya ei njap dima yok apino ningon nggukti kin ningon buhunti cut leu yoni ba, ningon nggei-hi-nggei kin ningon jo nyahan luei bu. Gima rino suar idem yam ei bibon midut niyem pesta bit yam bikwas njita tut yam cem tut yo di yuhui mbum nya cem ninyen.

ESTER 9:27

bindei ba, ibon nicukti gom mem yonti njem kin ide nintun him yamti di bram yam nya kin yo di icoi bit yok nok limwa mben Yahudi nya cem yahagom. Suar ibon midut nibiyok ngon kep njap cin di Mordekhai kos tut ei dima bikwop ari bingwam hagom bit leu nicukti dima nitibimti.

ESTER 9:29

Ester di Abihail nipmisop di Sop Nibou Ndig dima pas srat gi nican cem bipinak bibit srat di Mordekhai pas. Sop Nibou Ndig ba srat di pas dima buusap Mordekhai tut mun di pas ei nide sratti di bitut Njap Ndig Purim.