ESTER 9:15 - ALLAH NIHYET MEM TUNGWATU NYA

¹⁵ Ba, limwa Yahudi di ibong ei minu ndig Susan injei siceu hanyen bigyai nimai bak timiei minu ndig Susan di ide nitok joti nya ibou sratus ningai bu ei njap gi nisimnaibrimigtai mem Bed Adar. Noro igipos ndigban di ide nya ei nihwen yokti gi nimbican dini cem bi.

ESTER 9:15 ပူးပေါင်းရင်းမြစ်များ

ESTER 8:11

Srat dima yok mbot kep bipia nibou ndig sindui sut mben Yahudi di ibong bidem minu ndig nya hagom ba, injei siceu kok yam nok nimpung gom mem gima ikon pran gau yonti. Gino timiei hanjop nsi nya ikrau minggwen bihwen yok lene suar mben Yahudi ikon pran bihwen yok hanyen. Ihwen yok he bi noro ma igyai nimai bak itnem bat-imunggwom bat nya cem yahagom leu api ibipos ndigban di ide nya cem.

ESTER 9:12

Lene noni pai bak Sop Nibou Ndig Ester “Mben Yahudi igyai nimai bak timiei minu ndig Susan he imangti ibou sratus muhwi tu. Ibou sratus muhwi dima ne bitut Haman nipmot bat nya ibou simnai pima cem ei minu ndig Susan ningkom he rin yo. Ne gino iba yo di itug ndei nimai ei hanjop nsi nya bukum bu lene dor tunggwei bu! Bit bon igikan tut niya kep yokti ei hanjop nsi nya kan bi! Nogindini ahara da tut mindei bu i? Apai angon kanti bida hak ug. Lewo mporo atug ndei mun dima leu da ug.”

ESTER 9:13

Ester buhup “Gino Na Di Anyeng Jei angon ngakei da lene ma asindui sut ba, mben Yahudi di ibong timiei ei minu ndig Susan ihwen bihi bu noyam kin gi ihwen yok di itug ndei nimai ei njap di ammani pima hanyen bu mem njap tekti di hyep bu. Lene ma ipindur Haman nipmot bat di iwer nimbiam nya cem ingut ei cou dihimti.”

ESTER 9:14

Pai nok rino nibou ndig cuk awak nya yuug bon igbit Ester nahara nibou ndigti. Leu api noni bindei hei srat nibicukti mem gima mben Yahudi di ibong ei minu ndig pmem Susan igya kep ide nitok joti mbigom kin bu ba, ibipindur Haman nipmot bat nya ibou simnai pima ingut cem.

ESTER 9:16

Lene mben Yahudi di ibong bidem hanjop nsi nya cem injei siceu ba, ikon pran gau yonti leu api ibindei timek ide nitok joti nya. Ba, ibiyai nimai bak ide siceu nya ibou sribu ningot muhwindacan muhwi. Noro igipos ndigban di ide nya ei nihwen yokti dini bi.

ESTER 9:2

Mben Yahudi rino ibicom yam nok nimpung gom bidem minu ndig nya hagom bitindei ser ide nitok joti di ingon sibui bibor tut yok nya yahagom. Timiei nya bidem minu di tou minu di tou yahagom ittin tut yok apino bit bon tungwagom ngat leu timiei dima yok ikieti brim ningkek mem gima hwen mben Yahudi bi.

TESALONIKA GI NIGOM 5:22

Lene ma jimbres jenti ei minu ting leu mun di kinei ninyeng hagom.

IBRANI 13:5

Suar jimbres jenti leu sisar niba noho rok mitieisi. Ma jingon cut hon jimati di jo bije tu. Lewo Allah pai “Dimbres Da leu jeni bidikes je ei bi sren.”