ESTER 9:1 - ALLAH NIHYET MEM TUNGWATU NYA

¹ Ug ei njap gi nisimnaibrimigningai mem Bed Adar. Gima ne tto bou mem gima igyai igbit nibou ndig de nicukti bicok tut mben Yahudi ri. Mben Yahudi ide nitok joti nya ibet ingon mem tto bou dima nitausi leu binhyepo icok tut yok bingwig. Noro ningat ne mben Yahudi rino ibindei timek ide nitok joti nya.

ESTER 9:1 ပူးပေါင်းရင်းမြစ်များ

SAMUEL GI NICAN 22:41

Abindei ba, ditde siceu ikiju binang leu da apino dibindei sar yo di iba nitok bida cem yahagom.

ESTER 3:7

Tirigi Nibou Ndig Ahasyweros ninyeng tak kep minu Persia mem ari bingwam simnaibrimigcan ug bipek Bed Nisan di bed gi nigom lene Haman bindei ba, hi ba niko nibinggok tutti di ninyeng Purim bikan tut njap kin bed di dem mem gima noni bindei mbut nikos tutti di kinei bibor di tin ei nipou su pima. Leu api Purim bindo tut njap gi nisimnaibrimigningai ei Bed Adar di bed gi nisimnaibrimigcan.

ESTER 8:12

Suar ibindei mbut nicukti dima bidem hanjop nsi hagom ei minu Persia ninyeng tak kepti nisurti-nipekti hagom dem igbit tto bou di jo tu. Gima rino itri tut srat dima mem tto bou di Haman kos tut ei mem gima miyai nimai bak mben Yahudi ba, gima ne njap gi nisimnaibrimigningai mem Bed Adar di nok bed gi nisimnaibrimigcan ri.

ESTER 8:6

Dem tut gima ade awak di dani dingat ade limwa nya ei ade ninyeng tak kepti dini icok tut ditde mben bitut yo di imbier kim da ba, imai sinsiou ei bi.”

ESTER 9:17

Ibindei timek ide nitok joti nya ei njap gi nisimnaibrimigningai mem Bed Adar. Njap gi nisimnaibrimigtai gi bram bu lene mben Yahudi di ingat rin ei hanjop nsi nya igikon pran bit ide nitok joti nya bu bi. Noro iba ingon di nggan-triot kei bibon pesta kep njap ndig dima.

MAZMUR 18:40

Ayai nisindemti bida mem gima dibikon pran ba, dibicut ditde siceu nya cem.

MAZMUR 30:11

tuhan e, amiap kep dihyet ba, angondut dani cem leu api ampu da o!”

KISAH 12:11

Niabiati lene Petrus ningon hukti tut mun di pek kep mem noni lene pai “Nogindini jo nibreisi mem sa tu! Allah pinak Nide malaikati gom kwei leu binhyepo noni teu sa leu Herodes de nisindemti kin mben Yahudi di itin ei mem imbuk tut sa cem.”

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.

NINGAT-HI-NGAT NYA 11:18

Tungwatu nya di ingon jo kep bi nya igga bibor lewo tto bou dem mem akes hukum ei yok dip ba, ambus yo di imai su nya ingonti cem. Tto bou dem mem ayai munkwas bak Ade awak di nabi nya kin Ade limwa di ikuk yok biNa bitut yo di inyeng jei nya kin yo di yuhui mbum nya yahagom. Tto bou dem mem gima anggek tut yo di inggek tut dihyeisi dini.”