ESTER 8:5 - ALLAH NIHYET MEM TUNGWATU NYA

⁵ “Gino Na Di Anyeng Jei angon ngakei ade awak di dani ba, angondut da lene ma abindei hei srat nibicukti di biciu ser Haman de srat ngot di bicuk ade limwa nya mem gima icok tut mben Yahudi di ingat rin ei ade ninyeng tak kepti nisurti-nipekti hagom pima.

ESTER 8:5 ပူးပေါင်းရင်းမြစ်များ

ESTER 2:17

Ester nuubbu ngat keisi bipwoi nibou ndig ningon lene biyai ningon nggei-hi-nggei dor njiriek sop gwam nitta pilei nindigsi nya cem. Gima rino nibou ndig joi sut noni nindig bibor bikiju ba, kon topi ninyeng tak kepti bibijuk Ester nibou lene bikon Ester nok sop nibou ndig biya luei Wasti nohoti.

ESTER 2:4

Leu api Na Di Anyeng Jei adimig sop gwam nitta pilei igom di ajoi sut bibor leu sop gwam nitta pilei dima yok ikieti ba, ata noni nok Sop Nibou Ndig di ya luei Wasti nohoti.” Lene nibou ndig joi sut ide nipingok noti dima biyai nibou tut.

ESTER 3:1

Nijam poi gi nidipti bu lene Nibou Ndig Ahasyweros kon Haman ba, yai ninyeng jei dor njiriek nibou di igya kui noni nindigsi nya yahagom. Haman ne Hamedata nipmot di ntun Agag him ri.

ESTER 5:8

“Gino Na Di Anyeng Jei ajoi sut abuhup dihyet tut mun di ade awak di dani dahara nani tut lene ma Na Di Anyeng Jei kin Haman jeni jikwei yem njita di dingei ei mem je hanyen bu mem mmun di hyep bu. Mpe dima lene ade awak di dani midipai mun di dahara Na Di Anyeng Jei tut bina tirigi igyem pesta bit yam.”

ESTER 7:3

Lene Ester di Sop Nibou Ndig buhup “Gino Na Di Anyeng Jei angon ngakei ade awak di dani ne dahara Na Di Anyeng Jei leu binhyepo dani kin ditde mben nya nitug ndei nimai bi noro niyaijo hak ug.

NEHEI LEUSI 33:13

Gi nok lene handei kon ba, Na di tuhan ando angon kanti bida leu binhyepo diyai kep Ade midyai nya bidibindei ba, ajoi sut da kikau. Ma ayok ngon kep bipia adimig yo dini ei ba, inok Ade limwa nya ba, anyeng tak kep yok tu.”

NEHEI LEUSI 33:16

Gino abit nye bi lene ngkiai nya mikan tut gino ajoi sut dani kin ditde limwa dini yok bi. Gino angat rin ei nyeni nikieti lene yo dima mikan tut bipia nyeni ter leu mben nindigsi bidem dihyei nisurti-nipekti hagom.”

SAMUEL GI NIGOM 20:29

Bipai bida ‘Ma asindui sut bidingkwei hanyen lewo dide bat nya ibon midut nindig mindhe titut kep humti ei ditimieisi ba, dikindig jem da. Gima rino gino singon ce yam bi lene ma akes da bidicem kep dide bat nya.’ Gima rino noni kwei gwam nigwam kepti kui ade meja dini bi a.”