ESTER 8:17 - ALLAH NIHYET MEM TUNGWATU NYA

¹⁷ Mben Yahudi di ibong ser minu ndig kin hanjop nsi di ikwop nibou ndig de srat nibicukti dima eisi nya yahagom ingon nggei-hi-nggei ba, ingon llei bibor lene ibon pesta kep cem. Gima yok bindei ba, timiei hanjop nsi nya imang bibor iluei ingonti bicoi bit limwa Yahudi ide ningon di jo kep Allahti lewo tini bu ne idigit tut mben Yahudi di ibong srig yoti.

ESTER 8:17 ပူးပေါင်းရင်းမြစ်များ

ESTER 9:19

Gima rino mben Yahudi di ibong timiei ei minu mien nya ibon pesta dima ei njap gi nisimnaibrimigtai ei Bed Adar ba, gima ne ide njap gi ingon nggan-triot kei ri. Njap dima bon nituti mem ibon pesta ba, ibinjei njita di kei biyam cem.

MAZMUR 18:43

Ditam yok binem-nnai bidem dihyei ndung di dimbos bingwig. Dico kep yok noyam kin dico kep igkrop kak puigsi.

SAMUEL GI NIGOM 25:8

Nanti ahig ser yok leu api yoni mipai igbit bina. Gima rino Daud ba ningon com na ba, ma acigit nye di ninok nide limwa nya kui ig lewo nikwei ngat na mem njap ndig di ammani di jikwen yengti ri. Nahara nani ba, akwas mun nyeng hi tut nye di ninok ade awak dini lene hi tut Daud di nok angon kieti cem bit leu ajoi sutti.”

NINDAT KEP TUHAN NICUKTI NYA 11:25

Jide tuhan Allah mibindei ba, timiei nya bidem minu dima hagom mittin tut jeni nindig bibor bit leu nok gi po Noni preu ei mem jeni nipou su pima. Apino bit bon tungwagom mibigen ser je kan bi.

ESTER 9:27

bindei ba, ibon nicukti gom mem yonti njem kin ide nintun him yamti di bram yam nya kin yo di icoi bit yok nok limwa mben Yahudi nya cem yahagom. Suar ibon midut nibiyok ngon kep njap cin di Mordekhai kos tut ei dima bikwop ari bingwam hagom bit leu nicukti dima nitibimti.

ESTER 9:22

Lewo ibindei timek ide nitok joti nya ei njap dima yok apino ningon nggukti kin ningon buhunti cut leu yoni ba, ningon nggei-hi-nggei kin ningon jo nyahan luei bu. Gima rino suar idem yam ei bibon midut niyem pesta bit yam bikwas njita tut yam cem tut yo di yuhui mbum nya cem ninyen.

ESTER 9:2

Mben Yahudi rino ibicom yam nok nimpung gom bidem minu ndig nya hagom bitindei ser ide nitok joti di ingon sibui bibor tut yok nya yahagom. Timiei nya bidem minu di tou minu di tou yahagom ittin tut yok apino bit bon tungwagom ngat leu timiei dima yok ikieti brim ningkek mem gima hwen mben Yahudi bi.

NINDAT KEP TUHAN NICUKTI NYA 2:25

Hon njap di ammani kui lene midibindei ba, mben nya bidem dihyei nisurti-nipekti hagom mittin tut jeni. Bikwop yo di imiap tut jinghapti midigit tut ba, mittin tut jeni cem.’ ”

NEHEI LEUSI 15:16

Yahagom ittin ba, ingon nde bibor lewo ingat Na di tuhan Ade nisindemti bou igyai him tu. Yahagom inghuisi jet ba, ittin bibor bibou Ade limwa nya di akwek yok leu awak pima imbut sin yokti binjiriek yok ug e.

NITRITI 35:5

Tirigi Yakub kin nipmot bat nya yehei sut ide bat kin ide limwa nya bimbut rin lene Allah bindei ba, timiei minu ndig di gahai nya yahagom inghuisi mpig sut nindig bibor apino tungwa hi huk bram Yakub nya bi.

ESTER 9:17

Ibindei timek ide nitok joti nya ei njap gi nisimnaibrimigningai mem Bed Adar. Njap gi nisimnaibrimigtai gi bram bu lene mben Yahudi di ingat rin ei hanjop nsi nya igikon pran bit ide nitok joti nya bu bi. Noro iba ingon di nggan-triot kei bibon pesta kep njap ndig dima.

NEHEMIA 8:10

Ma jingkwei hanyen ug ei jide ig leu binhyepo jibon pesta. Ma jiba jide njita kin anggur ngei bingondut jisut bat yo di yuhui mbum nya. Njap di ammani ne njap di ipigig sut ei mem ide Tuhan ri. Gima rino ma jingon kinei au. Ningon di llei bibor di tuhan yai bije mibindei ba, jiyai nisindemti.”

YOSUA 2:9

bipai biyok “Dikan tut bipia tuhan yai minu dini hagom bije. Lewo timiei minu dini yahagom ittin tut je di mben Israel.

YOSUA 2:11

Tirigi jinghapti tibim kwei ei nyeni nitingou nsi lene nittin tut je bibor. Jibindei ba, mimbri cut leu nyende mben nya. tuhan di nok jide Allah ne Allah Di Sindem Bibor ei mpia-bbed him kin dihyeisi dini cem ri.

ESTER 9:3

Nibou di inyeng jei bidem hanjop nsi nya kin nibou hanjop nsi nya kin yo di igya kui yok nya yahagom yuusap mben Yahudi lewo yahagom idigit tut Mordekhai.

MAZMUR 105:38

Tirigi mben Israel ikes yok bimbut leu yok tu lene mben Mesir ingon nggan-triot kei lewo ittin tut yok.