ESTER 8:16 - ALLAH NIHYET MEM TUNGWATU NYA

¹⁶ Mben Yahudi cem ingon llei bibor ba, idigit tut nibou ndig de srat nibicukti pima bu bi lewo ingon nggan-triot kei hanyen ba, ingon nggei-hi-nggei cem ingon llei cem.

ESTER 8:16 ပူးပေါင်းရင်းမြစ်များ

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

ESTER 9:17

Ibindei timek ide nitok joti nya ei njap gi nisimnaibrimigningai mem Bed Adar. Njap gi nisimnaibrimigtai gi bram bu lene mben Yahudi di ingat rin ei hanjop nsi nya igikon pran bit ide nitok joti nya bu bi. Noro iba ingon di nggan-triot kei bibon pesta kep njap ndig dima.

MAZMUR 112:4

Nipigati piga ei nidinditi mem no di singat kin ningon sren cig kin ningondut cig kin ningon ngakei cig.

MAZMUR 118:27

tuhan ne Allah rin ba, Noni singat tut nye nindig bibor. Ma jiba dui meng di jitot kwei su bikinyon ei njap nindigti ba, jibimbut tut bijibikrop ttai nimbar hum dok.

MAZMUR 18:28

Ateu yo di yoom kep ingonti bingwes ngun noro acut yo di ingon jei nya.

MAZMUR 30:12

Aluei ditde nipim nggruetti pima binok ningon nggei-hi-nggeisi bu. Akwek ningon di ngguk leu da leu api abindei ba, dingon mpung tut ningon nggei-hi-nggeisi.

MAZMUR 97:11

Nipigati piga mem yo di ingon sren ba, ningon di llei piga mem yo di ingon kwes.

NIPINGOK NINGONTI 11:10

Gino timiei minu ndig di ingon sren yuum mun di isuar nya nok gi dem ne ingon llei bibor. Yo dima imbos-hi-mbos ei mpe dino no di sibut mai su.

NIPINGOK NINGONTI 28:12

Gino no di singat kei ya luei nibou ndig nohoti ne limwa nya imbos-hi-mbos noro gino no di sibut ya luei nibou ndig nohoti ne limwa nya iku yonti nyahan.

YESAYA 35:10

Yo di tuhan kwek yok tu nya mimbos-hi-mbos tirigi ingkwei hanyen kwei ei minu ndig Yerusalem. Yahagom iimaisi sieng-siau kei lewo ingon nggei-hi-nggei. Yahagom ingon llei bibor ba, ingon nggan-triot cem. Ningon ngguk biborti kin ningon buhun biborti cut leu yok bihigom tu.